AKTIBITI #7 Panuto: Basahin at unawain ang abstrak ng saliksik. Suriin ang nilalaman nito. Sagutin ang mga katanungan sa ibaba.
1. Ano ang paksa ng binasa mong pananaliksik?
Ang paksa ng binasa ay patungkol sa swak ba o ligwak ang paggamit ng wikang taglish sa Pinoy New Testament.
2. Anu-ano ang resulta o kinalabasan ng pananaliksik?
Maganda ang kinalabasan ng paggamit ng wikang taglish sa Pinoy New Testament dahil mayroon itong 3.39 weighted mean “lubos na epektibo” na nangangahulugang tanggap o swak sa mga kalahok ang pagsasalin nito. Lubos din itong nakawiwili at nakapupukaw ng pansin sa mga kabataang mambabasa dahil sa 3.52 weighted mean na naitala at pinatunayan din ng datos sa pananaliksik na ito na “lubos na nakatutulong” sa pagpapaunlad ng kulturang Filipino sa larangan ng pananampalataya. Ito’y patunay lamang na matagumpay ang ginawang pananaliksik sa paggamit ng wikang taglish sa Pinoy NT.
3. Angkop ba ang metodo na ginamit ng mananaliksik? Pangatwiran ang iyong sagot.
Masasabi kong angkop na angkop ang ginamit na metodo sapagkat sa paggamit nito ay nalaman at napatunayan ng mga mananaliksik na magiging epektibo ang paggamit ng wikang taglish sa Pinoy NT at nakakatulong din sa kanila ang nasabing pag-aaral. Naging maayos ang presentasyon at higit sa lahat nagkaroon ng malinaw na ideya tungkol sa pagpapalaganap ng salita ng Diyos na patok sa mga kabataan.
4. Anong kulturang Filipino ang masasalamin sa pananaliksik na nabasa mo?
Ang kulturang Filipino na nasasalamin dito ay ang kultura natin sa larangan ng pananampalataya.
5. Ano ang kahalagahan o implikasyon sa pag-aaral, kabuhayan at buhay ang
pananaliksik na pumapaksa sa wika at kulturang Filipino? Ito ay mahalaga sa pag-aaral, kabuhayan o maging sa anumang implikasyon ng buhay sapagkat ang pananaliksik sa wika at kulturang Filipino ay nakatutulong upang mas lalo pa nating mapalalim ang ating pagka-Pilipino na kung saan ay nararapat lamang na lagi nating ipagmalaki. Dahil sa wika at sa ating kultura tayong lahat ay nagkaroon ng pagkakaisa, pagkakaintindihan at napapaunlad pa natin ang ating sariling bayan.