‘FORCED EVACUATIONS’ IKINASA SA

BATANGAS DAHIL SA VOLCANIC

ACTIVITY NG TAAL

MANILA, Philippines (Updated 2:30 p.m.) — Pwersahan nang pinalilikas ng otoridad

ang ilang residente sa lalawigan ng Batangas bilang pag-iingat sa patuloy na aktibidad
Bulkang Taal, Martes.

Ayon sa ulat ng Teleradyo, Martes, inililikas na ng Philippine Coast Guard ang mga
nasa Taal Volcano Island sa utos na rin ng Batangas PDRRMO kaugnay ng mga
naitalang seismic activity.

Makikita sa video na ito kung paano pinalilikas ng mga otoridad ng Talisay, Batangas
ang ilang residente habang pinaaalahanan ang lahat na huwag mag-panic.
Kinumpirma naman na National Disaster Risk Reduction and Management Council
(NDRRMC) ang naturang pagpapalikas sa isang pahayag ngayong hapon.

"[O]n-going ang evacuation sa mga residenteng na nasa Taal volcano mismo na dapat
No Man's land kaya kailangan sila palikasin. Ang mga pinapalikas ay mula sa dalawang
sitio ng Municipality of Talisay," tugon ng NDRRMC sa mga reporters.
"This order is for precautionary measure done in line with the recent activities of the
volcano pero hindi 'naga-alburuto' po ang Taal."
Kanina lang nang sabihin ng Phivolcs na nakapagtala ang Taal Volcano Network ng 98
"tremor episodes" sa nakalipas na 24 oras, bagay na tumatagal ng lima hanggang 12
minuto.

"Activity in the Main Crater consisted of weak emission of white steam-laden plumes
from fumaholes that rose 5 meters high," ayon sa state volcanologists.

"Alert Level 1 (Abnormal) is maintained over Taal Volcano. DOST-PHIVOLCS reminds

the public that at Alert Level 1, suddent steam-driven or phreatic explosions, volcanic
earthquakes, minor ashfall and lethal accumulations or expulsions of volcanic gas can
occur and threaten areas within the Taal Volcano Island (TVI)."

Pagbabawal sa pagpasok sa Volcano Island, PDZ

Inirerekomenda ngayon ng DOST-Phivolcs ang "mahigpit na pagbabawal" sa pagpasok

sa Taal Volcano Island, permanent danger zone (PDZ) ng bulkan at lalo na yaong mga
lugar ng Main Crater at Daang Kastila Fissure.

Ilang netizens naman ang nagrerehistro ngayon ng kanilang pagkabahala sa inaasal ng

bulkan, habang ipinagdarasal na huwag sana itong sumabog muli.

Matatandaang nagkaroon ng marahas na pagputok ang Bulkang Taal noong Enero

2020 matapos nitong umabot sa "Alert Level 4," dahilan para ilikas ang libu-libong
mamamayan ng Batangas at mga kalapit na probinsya.

Tumutukoy ang Alert Level 4 sa "hazardous explosive eruption" na posible sa loob ng

ilang oras o araw.

Matatandaang umabot hanggang Metro Manila at CALABARZON ang peligrosong

"ashfall" ng Bulkang Taal.
Aking Reaksyon:
Base sa balita na nasa itaas, masasabi ko na ako’y nalulungkot at naaawa sa
mga taong apektado nito. Noong nakaraang taon, pumutok din ang Bulkang Taal na
kung saan, napakaraming tao ang naapektuhan nito. Maganda rin na maagang nailikas
ang mga ilang residente dahil kung hindi, maaaring magkaroon ng ‘di magandang
pangyayari sa kanila. Dapat din talaga na wala munang papasok o lalapit sa Volcano
Island. Baka ay may mangyaring masama sa mga tao kung sila’y magpupumilit na
pumasok dito. Sana rin ay hindi na sumabog ang Bulkang Taal dahil nasisigurado ko na
maraming pamliya ang mahihirapan dito

Reaksyon ng aking Magulang:

Ayon naman sa kanila, tunay na nakakaawa nga ang mga residente doon.
Ipinapanalangin din nila na sana’y hindi sumabog ang Bulkang Taal dahil dadagdag
lamang ito sa mga pasakit sa bawat residente. Sana’y matuluyang mailikas ang lahat
ng mamamayang magiging apektado kung sakaling pumutok ang Bulkan, upang
walang mangyari sa kanilang masama.