PALASYO: EMPLEYADONG WORK-

FROM-HOME ‘BAKA DAMAY SA

TUTURUKANG ESSENTIAL
WORKERS’

MANILA, Philippines — Kahit na hindi pa pisikal na pinagre-report nang sa

trabaho, posibleng maisama na sa mga tuturukan laban sa COVID-19 ang
mga nagtratrabaho lang sa bahay — basta't kasama sila sa mga karaniwang
nasa lugar trabaho bago ang pandemya.

Ito ang paglilinaw ni presidential spokesperson Harry Roque, Martes,

pagdating sa mga nasa A4 priority ng COVID-19 vaccination, kahit na
karaniwan itong para sa mga nagtratrabaho sa labas ng kanilang mga bahay.
Aniya, anytime daw kasi ay pwede silang pabalikin ng opisina kahit na
nagpapatupad ngayon ng alternative work arrangements.

"[S]a tingin ko po, although this is subject to verification, kasama po sila kasi
'yung mga taong gobyerno for instance, skelletal work force ang utos ng ating
[Executive Secretary Salvador Medialdea]. Hindi naman ibig sabihin na
palibhasa hindi sila kasama doon sa 30% workforce, eh hindi na sila
mapapabahagi doon sa A4," ani Roque kanina sa isang press briefing.

"Kaya nga po namin sila isinama para nga po tuluyan nang maging normal
ang work arrangement ng ating mga nagtratrabaho sa pribado at
pampublikong mga sektor."

Bagama't ililinaw pa ng tagapagsalita ni Pangulong Rodrigo Duterte ang mga

detalye, ang tiyak daw ay makakasama sa A4 priority ang mga empleyadong
work-from-home oras na iobliga na ng opisinang pumasok nang personal.

Ngayong Mayo lang nang ianunsyo ng Employees' Compensation

Commission na pwede nang makapag-avail ng benepisyo ang mga
empleyadong work from home na madidisgrasya, bagay na nauuso ngayon
bilang pang-iwas sa nakamamatay na COVID-19.

Sa huling ulat ng Department of Health ngayong Martes, umabot na sa

1,280,773 ang tinatamaan ng COVID-19 sa Pilipinas. Sa bilang na 'yan,
22,064 na ang patay. — James Relativo

AKING REAKSYON:
Base sa balitang ito, masasabi ko na nais kong mapasama ang mga
empleyadong nakabase sa bahay. Sana’y mapatupad ito sapagkat labis itong
makakatulong para sa kanila at para sa mga taong nakapaligid sa kanila.
Kahit sa bahay lamang sila nagtatrabaho, sila’y lumalabas pa rin. Kapag sila’y
nabakunahan na, mas mapapababa ang tsansang sila’y magkasakit at
makahawa. Bukod pa riyan, makakatulong din ang pagbabakuna sa kanila
upang mas mapabilis pa at mapataas ang numero ng mga taong
nabakunahan.

REAKSYON NG AKING MAGULANG:

Ayon naman sa aking magulang, sana raw ay mapasama nga ang mga
taong nagtatrabaho sa bahay sa mga mababakunahan. Bilang isa sa mga
taong sa bahay lamang nagtatrabaho, malaki raw ang magiging tulong nito sa
kanila. Kahit daw na hindi pa sila nagtatrabaho sa labas dahil sa
napakaraming kaso ng COVID-19, malaki pa rin ang tsansa na maaari silang
mahawaan ng sakit. Kapag daw napatupad ito, maraming mga tao ang
matutuwa sapagkat magbebenipisyo sila rito.