GAWAIN 1

A. Panuto : Isulat sa patlang ang WASTO kung sinasang-ayunan ang pangungusap at isulat ang DI-
WASTO kung di sang-ayon sa pahayag.

WASTO 1. Nangangailangan ng pagpapasiya ang mga isusulat na sulatin.

DI - WASTO 2. Ang pagsulat ay isang kasanayan na isinasagawa sa paraang pasalita at panonood.
DI – WASTO 3. Nararapat na kopyahin ang anumang impormasyong makatutulong sa manunulat nang
hindi nagbibigay ng pahintulot sa pinaghanguang sanggunian.
WASTO 4. Magkaroon ng iisang layunin sa isinusulat upang maging kapaki-pakinabang ito sa mga
mambabasa at iba pang nais na maging manunulat.
WASTO 5. Kontekstwal ang pagsulat, dahil nakatutulong itong makapagpataas ng iba’t ibang
kaalaman sa iba’t ibang larangan.
DI – WASTO 6. Kinakailangang maging subhetibo ang manunulat sa kanyang isinusulat.
WASTO 7. Kailangang may paninidigan ang akademikong pagsulat sapagkat ang nilalaman nito ay
mga pag-aaral at impormasyong dapat na idinudulog at dinidepensahan.
WASTO 8. Ang pagsulat ay maituturing na mataas na uri ng komunikasyon.
DI - WASTO 9. Siguraduhing sunud –sunod at paliguy-ligoy ang mga talatang nilalaman ng isang sulatin.
WASTO 10. Ang sulatin ay dapat na magtaglay ng mga datos ayon sa ginawang pag-aaral o
pananaliksik.

B. Panuto : Sagutin ang mga sumusunod na katanungan.

1. Ano ang akademikong sulatin ?

- Ang Akademikong Sulatin ay isang uri nang pagsulat na nag lalaman ng mahahalagang
impormasyon na nakakatulong upang mapataas ang kaalaman sa larangan. Wika ang
pangunahing bahagi sa pagbuo nito, upang maglabas nang iba't-ibang kaalaman na magiging
mensahe sa anumang isusulat. Ang isang katangian ng akademikong sulatin ay pormal na salita
sapagkat dito mababase kung ika’y may pinagaralan at kung ika’y propesyonal, hindi ito
ginagamitan ng balbal o kolokyal upang maintindihan ng lahat.

2. Pag – ibahin ang salitang OBHETIBO at SUBHETIBO.

- Ang obhetibo ay may pinagbabatayang katotohanan, ang mga impormasyon ay batay sa mga
pagaaral na ginawa, dapat katotohanan at hindi paniniwala ng ibang tao, Ang subhetibo ay
nakabatay sa mayamang imahinasyon, nakabatay ito sa personal na persepsyon o paniniwala ng
isang tao, at maaring kung ano ang sariling nararamdaman ng manunulat.

3. Bakit kailangang matutuhang kilalanin ang mga sangguniang pinaghanguan ng mga impormasyon?
Patunayan ang sagot.
- Kailangang matutuhang kilalanin ang mga pinaghanguan ng mga impormasyon sapagkat sakanila
nang galing ang orihinal na ideya at impormasyon, kinakailangan ito ng malalim na
pagnanaliksik at pag aaral upang ito’y maidepensa. Dapat may pananagutan at mahalaga rin itong
bigyan ng kredit, dahil ang plagiarism ay isang kasalanang may takdang kaparusahan sa ilalim ng
ating batas.

4. Paano nagiging maliwanag at organisado ang isang sulatin ? Paano ito maipapakita sa paraan ng
pagsusulat ?
 - Maipapakitang maliwanag at organisado ang isang sulatin kapag ito ay pormal at malinis,
sapagkat mahalaga ang mga maayos na gramatika at bokabularyo dahil ito ay dapat nababasa ng
lahat, hindi ginagamitan ng di-pormal. Maraming proseso ang kinakailangan sundin upang
makagawa ng isang maayos na sulatin.

5. Anu-ano ang limang makrong kasanayan ? Alin sa mga ito ang iyong pinagpakasanayan at lagi
mong isinasagawa ? Bakit ?
- Ang limang makrong kasanayan ay ang PANONOOD, PAKIKINIG, PAGSASALITA,
PAGBABASA, PAGSUSULAT. Ang madalas kong isagawa ay ang pakikinig at panonood. Sa
aking mga napapakinggan, ako ay may natututunang bagay na hindi ko inaasahan, sapagkat sa
simpleng pakikinig mo lamang nakatatak na ang mga impormasyon sa iyong utak at mabilis mo
lamang siyang maalala. Sa panonood, ako ay may natututunan sa mga pelikula at bidyo na aking
pinanonood sapagkat ito ay mga nagbibigay kaalaman sa akin.