Bicol mail-march 10, 2022

News 2 OWWA nagtagama nin fondo

… sa OFWs hale sa Russia, Ukraine
Nagseguro an Overseas Workers Welfare Administration (OWWA) na igwa nin
fondo an ahencia nganing itaong ayuda sa mga Overseas Filipino Workers (OFW)
na mapuruli hale sa Russia asin Ukraine huli sa nangyayaring giyera sa duwang
nasyon.
Si Via Nicoleta Dometita, opisyal na parataman kan opisina rehiyonal kan
OWWA sa Ciudad nin Legazpi nagpahayag diez mil de pesos (Php10,000) an
tabang pinansyal an marerecibing asistencia kan mga Bicolano OFW na
nagdudulag na sa nangyayaring kariribokan sa duwang nasyon.
An fondo hale sa programang financial relief assistance na saro sa programa kan
OWWA nganing matabangan pinansyal an mga OFW na puedeng magamit ninda
sa sadit na negosyo an sinambit na cantidad.
Alagad igwang mga rekisitos an ahencia nganing makabale sa mga benipisyaryo
kaipuhan sanang magsumiter kan mga dokumento na hinahagad kan ahencia
siring kan passport asin stamp of arrival.
Pigseguro kan OWWA Bicol oras na maproceso an mga dokumento sa laog nin
duwang aldaw puedeng macobra an tabang pinansyal.
Igwa nang napipiritan na magpuli huli ta posibleng maipit sinda sa giyera alagad
dai ninda pigpipirit an mga OFW mantang dai paman sinda nakakarecibe nin
mandatory instructions.