Gaano kahanda o kaepektibo ang Filipino upang magamit sa pormal na
sitwasyong pangkomunikasyon gaya ng isang senate hearing?
Simula pagkabata ay wikang Filipino na ang gamit natin. Kung tutuusin ay
mas gamay na ng karamihan ng mga mamayanang Filipino ang wika na ito. Kapag wikang ingles ay nagkakaroon pa ng kaunting paghihirap sa pagpaparating ng mensahe at hindi lahat ay bihasa sa paggamit at intindi nito. Kung wikang Filipino na ang gagamitin mas naipapabatid natin kung ano ba ang nais natin maiparating. Gaya na lang sa napanood na video tungkol sa debate sa RH bill. Mas naiparating ni Sen. Lito Lapid ang kaniyang saloobin tungkol sa RH bill. Kung titimbangin ang Filipino or iba pa wika o diyalekto ay mas madali magpaliwanag kung wikang Filipino ang gamit. Ang kaalaman ng mga mamayanan sa paggamit nito ay mas malawak at madami na kumpara sa ibang wika o diyalekto. Kaya base sa aking opinyon, ay sobrang epektibo ang Filipino upang magamit sa pormal na sitwasyong pangkomunikasyon dito sa ating bansa.
B. Gaano kahanda ang tao sa pagtanggap sa Filipino bilang gamit sa senate
hearing o mga pormal na pagpupulong patungkol sa mga batas?
Sa kasalukuyang panahon ngayon, mas umuusbong ang paggamit ng
wikang Ingles. Tila dumadami na ang mga mamayanang Filipino na tila parang baniyaga sa sariling wika. Halos dumadami na ang mas gustong gamitin ang wikang ingles at para napakalaking bagay kapag hindi marunong at maayos ang pagkakagamit nito. Kaya ang mga tao ay hindi pa lubos na handa sa pagtanggap sa Filipino sa mga pormal na pagpupulong patungkol sa mga batas. Meron mga mas kumbinsido kapag wikang Ingles ang gamit, at may mga tao na parang bumababa ang tingin sa iba kapag Filipino ang gamit sa mga pormal na pagpupulong. Para ba nagiging basehan ng intelektuwal na kapasidad ng isang tao ang pagkabihasa sa paggamit ng wikang Ingles. Kapag Filipino rin ang gamit, parang hindi ganun sineseryoso ang nagsasalita ng mga nakikinig. Kahit na mas madali ito maintindihan ng karamihan sa mga tao ay hindi pa ito lubos na tanggap para sa mga pormal na pagpupulong.