Professional Documents
Culture Documents
Filipino Read 115
Filipino Read 115
Mga Tauhan
MANOHRA, babaeng ibon
SUTON, prinsipe ng Pancala
BUN, manggugubat
PUROHIT, tagapayo ng Haring Adhitavongse
CHAIYUT, kaibigan ni Prinsipe Suton
HARING ADHITAVONGSE, ama ni Prinsipe Suton
REYNA CHAN-DEVI, ina ni Prinsipe Suton
HARING TUMARAJA, ama ni Prinsesa Manohra
REYNA CHANKINNAREE, ina ni Prinsesa Manohra
ANIM NA KINNAREE, mga kapatid ni Manohra
MGA ALIPIN
GUWARDIYA AT SUNDALO
95
Unang Eksena
(Ang eksena ay nasa paanan ng bundok ng Krailas. Pagbukás ng mga
ilaw, makikítang natutulog si Suton sa isang upuan na nakalagay sa
kanan ng entablado. May mga telang nakalatag upang magsilbing ilog
kung saan nag-iigib ng tubig ang mga alipin. Papások sa entablado ang
pitóng babaeng alipin na nakapangkat nang dalawa at tatlo. Silá ay
nag-uusap habang paikot-ikot na naglalakad sa tíla makipot na daan.)
96
IKATLONG ALIPIN: Pagbawalan ang kaisipang iyan. Pagbabalik muli
sa lugar na iyon! Tíla wala ka sa iyong tamang kaisipan!
IKAPITONG ALIPIN: Kung sabagay, naisip ko lámang naman iyon. Ang
mahal na prinsesa ay tiyak na matutuwa kung siyá ay naririto. At
sakâ, ang makíta ang mahal na hari at reyna sa unang pagkakataon
magmulâ sa malagim na araw na iyon ay makapagpapasayá sa kaniya.
UNANG ALIPIN: Walang mortal ang kailanman ay makararating sa
Krailas. Imposibleng mangyari iyon.
IKALAWANG ALIPIN: Paanong ang isang mortal ay makatatawid sa
isang gubat na napakahirap pasukin? Wala siláng mga pakpak.
IKATLONG ALIPIN: Bakit hindi mo siyá puntahan at tulungan?
LAHAT NG ALIPIN: Alam namin. Nais din naming gawin iyon.
UNANG ALIPIN: Táyo na. Hindi natin dapat pinaghihintay ang lahat.
97
IKAPITONG ALIPIN: (Nag-iisip) Mukha siyáng isa sa mga mortal. Nag-
tataka ako kung... (kausap si Suton) Alam mo ba ang isang siyudad
na tinatawag na Pancala?
SUTON: Siguro.
IKAPITONG ALIPIN: (Sinusubok si Suton) Narinig ko na ang Prinsipe
Suton ay napakaguwapong lalaki ngunit masamâ ang ugali.
SUTON: O, bakit naman?
IKAPITONG ALIPIN: Iniwan niya si Prinsesa Manohra upang mama-
tay sapagkat nais niyang pakasalan ang ibang babae. Ayaw kong
makasal sa isang lalaking tulad niya, ikaw ba?
SUTON: Ayaw iwanan ng prinsipe ang prinsesa upang mamatay, aking
kaibigan. Nagtungó siyá sa digmaan upang sagipin ang kaniyang
taumbayan. Sigurado, hindi niya intensiyon na patayin ang prinsesa
at magpakasal sa iba dahil mahal na mahal niya ito.
IKAPITONG ALIPIN: (Bahagyang sumisigaw) Kung gayon, kung mahal
niya ang Prinsesa, sinundan niya ang kamahalan sapagkat iniibig
din ito nang lubos ng mahal na prinsesa.
SUTON: (Pamilyar na tingin sa alipin) Marahil ay sinundan nga niya ito.
IKAPITONG ALIPIN: Naku, dapat na akong magmadali; siguradong
naghihintay na sa akin ang prinsesa para magsimula na ang sere-
monya. Maraming salamat sa iyong tulong (lalabas ng entablado).
SUTON: Kung kagustuhan ng Diyos na kami ay magkasámang muli,
hayaang ang singsing na ito ang magsilbing simbolo ng aming
walang hanggang pagmamahalan. Harinawang kaawaan kami ng
mga diyos. (Siyá ay masayáng sumasayaw patúngo sa daan kay
Manohra). Manohra, ako’y naririto. Manohra, kung mabibigyan
lámang ako ng pagkakataong masilayan ang iyong mukha! Matagal
nang panahon ang lumipas. Ngunit hindi na magtatagal. Tanaw ko
na ang katapusan.
Ikalawang Eksena
(Makikíta sa tagpuan ang trono sa Palasyo ng Suvannakorn sa Bundok
Krailas. Ang trono ay nasa gitna at napalilibutan ng telang kulay pilak
at ginto. May anim na Kinnaree, mga kapatid ni Manohra, ang nakaupo
sa isang mahabang silya sa bandang kanan. Ang mga alipin ay nakaupo
sa sahig sa bandang kaliwa. Si Haring Tumaraja ay tumayô mulâ sa
kaniyang trono upang kausapin ang kaniyang Reyna Chankinnaree.
Ang unang bahagi ng eksena ay magbubukás sa paraang patulâ na
tíla ito rin ay bahagi ng ritwal ng pagdalisay.)
98
HARI: Aking mahal, matagal nang panahon ang lumipas mulâ nang
magbalik ang ating anak mulâ sa mundo ng mga mortal. Hindi pa
ba natatapos ang seremonya ng pagdalisay? Sa aking pagkakatanda
ay nararapat na ito ay matapos na.
REYNA: Ako’y nagulat, Tumaraja, na hindi mo maalala ang araw na
nagbalik ang ating anak sa ating tahanan.
IKALAWANG PRINSESA: Sa palagay ko ay ngayon, tama ba?
UNANG PRINSESA: Wala sa inyo ang makaalala. Ako, tanda ko.
IKALAWANG PRINSESA: Sabihin mo sa amin!
IKATLONG PRINSESA: Pitóng taon, pitóng buwan, at pitóng araw na
ang nakalipas magmulâ noong bumalik ang ating Prinsesa. Ngayon
ang araw na siyá ay nagbalik sa ating siyudad.
99
LAHAT: Ssssssh!
MANOHRA: (Nagtatago ng isang lihim) Prinsipe Suton ang kaniyang
ngalan.
REYNA: Prinsipe Suton! Kaygandang pangalan!
HARI: (May gálit) Kahanga-hangang asawa marahil si Suton! Kung
mahal ka niya gaya ng sinabi mo, bakit kinailangan mong tumakas?
Siguro sinabi niyang gawin mo iyon!
REYNA: Manohra, aking mahal, bakit ka umalis?
LAHAT: Oo nga, ipagtapat mo!
MANOHRA: Alam ninyo, si Purohit ang nais pumatay sa akin. Napa-
kasamâ niyang tao.
IKALAWANG PRINSESA: Mukha nga siyáng masamâ. Ayaw ko siyáng
makilála.
REYNA: Kaawa-awa ka naman. Tumaraja, wala ba táyong maaaring
gawin sa demonyong táong iyon?
HARI: Isinisisi natin ang lahat dito kay Purohit! Manohra, isa kang
hangal mulâ noon pa. Hindi mo ba alam na itong prinsipe mo ang
nagtangkang pumatay sa iyo? Ha! Ang prinsipeng iyon ay katulad
lang ng sangkatauhan. Magnanakaw at mapanlinlang. Tigilan mo
na ang pag-iisip sa mga... hayop.
Ilarawan ang hari MANOHRA: Ngunit, Ama, si Suton ay hindi katulad ng iba. Walang
bílang isang ama
sinoman ang nagsasabi ng masamâ laban sa kaniya maliban kay
at ang reyna bílang
isang ina kay Purohit. Mahal siyá ng lahat.
Manohra. Nakikíta HARI: Tigilan mo ang pagpuri sa halaga ng iyong asawa. Ayaw ko
mo ba ang iyong
mga magulang sa
nang marinig ang anoman. Kung mabuti ang iyong prinsipe gaya
kanila? Paano? ng iyong nabanggit, dapat siyá ay patungó na sa Krailas.
REYNA: Tumaraja, hindi mo ba nakikítang siyá ay umiiyak? Pakiusap,
mahal, tigilan mo na ang pagbibigay ng lungkot sa kaniya. Ito ang
araw para magsayá. Ang kaniyang pagbabalik ay nararapat maging
isang masayáng okasyon.
HARI: Sige. Pero kung ang Prinsipeng ito ay ang táong iniisip ninyong
taglay ang mga katangiang nabanggit, pupunta siyá rito sa Krailas
upang sunduin ka. Kung gayon, ako na ang magkakasal sa inyong
dalawa.
MANOHRA: (Tuwang-tuwa sa narinig) Ama, maaari mo bang ulitin
ang iyong sinabi?
HARI: Kung mahal ka niyang talaga, kung siyá ay matapang, magagawa
niyang sundan ka rito sa ating siyudad.
MANOHRA: At paano kung nagawa niyang sundan ako, Kamahalan?
LAHAT NG PRINSESA: Kami ay hindi naniniwala.
UNANG PRINSESA: Wala pang tao ang nakaabot sa Krailas.
100
IKALAWANG PRINSESA: Paano niya malulusutan ang lahat ng
pagsubok? Tama ba ako, aking mga kapatid? (Sabay-sabay siláng
tumango.)
Ano ang halaga ng HARI: Kapag siyá ay dumating, ibibigay ko ang pinakamagandang
pagtupad sa isang
kasalan na magaganap dito sa Krailas.
pangako? Mayroon
ka na bang pangako MANOHRA: (Masayáng-masayá) Pangako, Ama?
na nabigyang HARI: Pangako!
katuparan mo na?
Ano ito at paano?
REYNA: Sisiguraduhin kong tutuparin niya ito, Manohra.
MANOHRA: Nagtiyaga si Prinsipe Suton at sinundan niya ako hang-
gang sa Suvannakorn. Sa oras na ito, siyá ay naghihintay na sa labas
ng palasyo.
HARI: Ganoon ba? Hindi ako naniniwala.
MANOHRA: Kung hindi ito totoo, Ama, habambúhay kong pagbaba-
yaran ang aking pagkakasála.
HARI: (Di makapaniwala) Kung gayon, dalhin siyá rito.
MANOHRA: Tumungó kayo sa pavilion at papuntahin dito ang prin-
sipe. Magmadali kayo!
101
HARI: Kung mahal mo ang aking anak, Prinsipe Suton, bakit kinai-
langan niyang tumakas para sa kaniyang búhay?
Bakit mahalagang SUTON: Nalinlang ako na iwan ang siyudad upang pumunta sa isang
kilalanin muna digmaan. Pagbalik ko, nakatakas na si Manohra mulâ sa seremonya
ang isang tao bágo
makipagrelasyon ng apoy. Naghanda ako agad patúngo sa Krailas. Sinuong ko lahat
sa kaniya? Paano ng pagsubok sa loob ng pitóng taon, pitóng buwan, at pitóng araw
ito magagawa nang upang makarating ngayong umaga.
tama?
HARI: Narito ang aking mga anak. Tukuyin mo si Manohra. Kapag
nagawa mo ito ay ibibigay ko sa iyo ang kaniyang kamay. Dahil
ikaw ang kaniyang asawa, nararapat na siyá ay makilála mo ba-
gama’t pitóng taon na ang lumipas. Upang mapatotohanan ang iyong
sinabi, kailangan mong pumasá sa pagsubok.
SUTON: Susubukin ko, aking Kamahalan.
HARI: Sa palagay mo ay makikilála mo ang iyong asawa?
SUTON: Magiging mahirap ito, Kamahalan, ngunit susubukin ko ang
aking makakáya, kalakip ng aking alaala at pagmamahal. (Naglakad
paluhod si Suton sa may trono, sang-ayon sa kaugaliang Thai.
Tumayô si Suton sa harapan ng mga Kinnaree.)
HARI: Mga Anak, magsitayô kayo at hayaang hanapin ng prinsipe si
Manohra mulâ sa inyo. (Pinalibutan ng pitóng Kinnaree si Prinsipe
Suton. Isinayaw niya ang bawat isa. Sa wakas, nang isinayaw niya
si Manohra, nakilála niya agad ito. Perpekto ang galaw nilá sa isa’t
isa. Ikinagalak ito ng hari.) Maghari nawa ang ligaya! Mga Kinnaree,
ating ipagdiwang ang pagsasámang muli ng Prinsesa Manohra at
Prinsipe Suton.
102