Ang paggamit ng ipinagbabawal na gamot ay hindi maganda sa katawan ng tao
lalung –lalo na sa mga kabataan. Ito ay nagdudulot ng pagkasira ng pag-iisip na siyang nagiging sanhi ng pagkasira ng kalusugan na nagreresulta ng paggawa ng mga bagay na labag sa kagandahang asal at tuluyang pagkasira ng kinabukasan. Kaya nararapat lamang na gabayan natin ang mga kabataan upang maiwasan ang pagkalihis ng landas sa halip ay hikayatin silang maging aktibo sa anumang uri ng palakasan gaya ng basketball at marami pang iba. Ang paglalaro ng basketball ay maaring ehersisyo at kalaunan ay maging daan sa pagkakaroon ng mga kaibigan maging ang pagkakaroon ng matatag na hanapbuhay kung papalaring makapaglaro sa mas mataas na uri ng basketball na liga gaya ng PBA.