ANG BANDERA

1.) Ang bandera sa langit mingbukhad

Ang mesteryo sa crus minghayag
Sa kinabuhi si Jesus minghatag
Sa kamatayon maingon man usab

2.) Midangat na kanimo ginoo

Kining halalom nga mesteryo
Sa kahoy nagpatibulo
Sa kang Eva nga makahilo

3.) Kahoy ang nakahilo kang Eva

Sinugdan sa pagpakasala
Kahoy usab ang nagbawi
Sa kang Eva nga kinabuhi

4.) Bisan diin nga banwa

Bandera nga walay sama
Matul-id kay pati sanga
Tugob sa dahoon bulak og bunga

5.) Mao ray bantog sa mga tanan

Pinaturok s adios nga amahan
Pinili kay pinanamkon
Sa kang Jesus berbo nga diosnon
6.) Daan si Jesus gipakanaug
Niadtog amahan nga diosnon
Kay dako ang paghinuklog
Sa kang Eva nga ginadaug

7.) Matoman na karon ang kwenta

Ni David sa Evang kanta
Nga nagahari na si Jesus
Nga gikan sa Santa Crus

8.) Gipainom sa apdo ug suka

Niadtog mga banyaga
Ang kapait maoy makapala
Sa kang Eva nga mga sala

9.) Mingpigsot ang iyang dugo

Sa paghugas sa sala namo
Maoy digo nga nahimo
Ug sa kalag namo makalimpyo

10.) Ug ang mahal mo nga kilid

Gidughang sa mga mabangis
Mingpigsot ang dugo og tubig
Sa kang Eva nga nakahilig

11.) Sa usa lamang katolo

Niadtong tubig og dugo
Igo nan ga makalimpyo
Sa kang Eva nga pagkahilo
12.) Oh Crus Santos nga kahoy
Kanang mga sanga mo ipangloyloy
Kay kanimo diha gihimo
Ni Jesus ang iyang kalooy

13.) Kay ikaw man ang nakagdala

Sa paghalad sa Vectoria
Kay natina ka ug nadigo
Sa grado ni Jesus nga dugo

14.) Oh Crus langotnon nga kahoy

Dinuhig sa dakong kalooy
Ang iyang mga kabug-at
Sa lawas ni Jesus mingdapat

15.) Bulahan ka kay Timbangan

Sa kamot ni Jesus giduphan
Ang mga yawa nangalisang
Sa gahom mo sila napukan

16.) Kay ikaw man ang bensido

Sa mabangis nga kombati
Nanagan ang mga demonyo
Kon sila kmita kanimo

17.) Oh Crus nga among saliganon

Sa kasubo namoy dalangpanan
Ibutang kami sa kaayohan
Tambali ang mga kasamdan
18.) Ikaw man ang sakramandero
Bandera ni Jesukristo
Gitogot nga ikaw hingkit-an
Ni Santa Elena nga bulahan

19.) Ang Bandera nga ginadaug

Ni Constantino nga Emperador
Ang mga kaaway sa muros
Nga wala umila s adios

20.) Oh! Crus nga manayanaya

Lunsay kahoy ang gipamunga
Ang duga ug mga liso
Makakuha sa mga mantsa

21.) Lanubas og lantalosa

Gisinggit ang Pag Vectoria
Ni Don Juan Dela Jostreya
Nga gikan sa Santa Crus insigniya

22.) Ang bandera nga hamili

Kahoy sa kinabuhi
Kaming tanan sagupang kaliwat
Ni Adan ug ni Eva
23.) Salvi mahal ng Oliva
O Salvi matahom nga palma
Salvi ginaludhan mo
Ang tibuok nga Uniberso
24.) Salvi halangdon nga trono
Ang gilansangan kang Jesukristo
Sakripisyo ang nakagpugong
Sa mga kaligotgot na diosnon

25.) Ikaw ang arkang bulahan

Sa kang Nowe nga ginasakyan
Ang mga pamilya nga tanan
Sa paglunop sa kalibutan

26.) Gidaug sa mga langitnon

Ug kanamo usab nga kalibutanon
Nga Amo ka nga idebusyon
Hasta na sa kamatayon

27.) Ikaw ang santisima Trinidad

Dios Amahan Dios nga anak
Kanimo dios nga espirito santo
Taposon namo kining himno, Amen.