Rast
Studimor
Një histori partneriteti:
Saferworld dhe FIQ
Hyrje
Në vitin 2005 Saferworld filloi programin e vet në
Kosovë, duke përdorur një qasje partneriteti, e
cila jo vetëm tregon mënyrën se si Saferworld
punon, por poashtu për të paraqitur parimin kyq
në trajtimin e konfliktit. Dhjetë vite më vonë,
Saferworld reflekton mbi të arriturat dhe mësimet
nga parneriteti më i gjatë me Forumin për
Iniciativa Qytetare, i njohur si FIQ.
Në mënyrë që të realizojmë qëllimin tonë primar – të
kontribuojmë në paqen e qëndrueshme, zhvillimin
dhe sigurinë në Ballkanin Perëndimor – Saferworld ka
vërejtur se puna përmes partneriteteve formale me
ata të cilët e kuptojnë më së miri kontekstin, është
rruga më e mirë për të arritur ndryshimet pozitive dhe
të qëndrueshme. Nga bashkëpunimi me organizatat
lokale të shoqërisë civile (OSHC-të), Saferworld ka
mësuar dhe ka fituar kredibilitet, marrë parasysh se
OSHC-të lokale janë më afër problemeve të njerëzve,
dhe njëherësh ka ndërtuar kapacitetete OSHC-ve
lokale për të trajtuar këto probleme dhe për t’u bërë
agjent të ndryshimeve në komunitetet e veta.
Përgjatë viteve, “qasja e partneritetit” e testuar dhe
zhvilluar me FIQ-in ka evoluar dhe i është përshtatur
konteksteve të ndryshme. Për shembull, në Kenia,
kemi bashkëpunuar me OSHC ndërkombëtare në
reformat në sektorin e sigurisë përmes Usalama
Reforms Forum; në Bangladesh, kemi punuar me
BRAC, në nga OJQ-të më të mëdha në botë, për të
realizuar programet e sigurisë në komunitet; dhe kemi
punuar me CAMP në rritjen e sigurisë dhe qasjen në
drejtësi në disa nga zonat më të largëta veri-
perëndimore të Pakistanit. Çdo herë, Saferworld ka
mësuar dhe është përshtatur me punën me partnerët
të cilët e kanë ekspertizën kontekstuale, duke sjellë
edhe eksperiencën e vet dhe njohuritë nga fushat
kyçe tematike, dhe poashtu nga partneritetet tjera.
Saferworld poashtu parasheh ngritjen e kapaciteteve
kur është e nevojshme. Partneritetet nxjerrin në pah
suksesin e bashkëpunimit dhe kjo mund të
komunikohet në etnitetet lokale, kombëtare dhe
regjionale.
Rrënjët e partneritetit në Kosovë
Rrënjët e konfliktit në Kosovë datojnë qysh para
shekujsh, përfshirë ketu çështje që kanë krijuar
shqetësime të thella dhe raporte konfliktuoze
ndërmjet komuniteteve që kanë jetuar bashkë.
Shpërthimi i luftërave të Jugosllavisë në vitet e 90-ta
shënoi kulmin e përçarjeve historike rreth tokës,
sovranitetit, dhe vetëvendosjes, mirëpo përgjatë
këtyre tensioneve të mëdha, ka pasur shkelje të
shumta në jetën e përditshme, të cilat kanë minuar
stabilitetin dhe kanë krijuar pasiguri në jetën e
njerëzve të cilët dëshironin të jetonin në paqe dhe
siguri.
Me bisedime politike të nivelit të lartë, të zhvilluara në
një mjedis të vazhdueshëm dhe të paqartë,
Saferworld filloi të shoh se si mund të kontribuoj në
zhvillimin e paqes afatgjate në Kosovë. Duke pasur
eksperiencën nga vendet tjera që kanë kaluar në
proceset e rindërtimit pas konfliktit, Saferworld
mendoi të sjellë këto mësime në Kosovë. Interesi
fillestar nuk ka ardhur nga aktorë të jashtëm, por
është ndërtuar mbi besimin ekzistues dhe miqësor në
mes të ish-drejtorit të Saferworld, Henry Smith, dhe
themeluesit të FIQ-it, Haki Abazi. Situata në Kosovë,
në mesin e viteve 2000 dha një hapësirë për ta
përmes Saferworld dhe FIQ për të bashkëpunuar si
partnerë në trajtimin e konfliktit në vend. Saferworld
ka bërë përpjekje për të ndërtuar marrëdhëniet me
organizatat e tjera partnere të mundshme, por
bashkëpunimi me FIQ-it ishte dëshmuar si më i
përshtatshmi.
Historiku i konfliktit
Pas luftës në Kosovë në vitin 1999, qeverisja u
transferua në Kombet e Bashkuara, duke çuar
Kosovën drejt një shteti të pavarur në shkurt të vitit
2008. Bashkimi Europian (BE), ndihmoi realizimin
e bisedimeve mes Kosovës dhe Serbisë nga viti
2012, të cilat arritën marrëveshjen mbi parimet që
rregullojnë normalizimin e marrëdhënieve mes dy
vendeve, me shpresë që ky proces do të rrisë
perspektivën evropiane për të dyja vendet dhe në
këtë formë kontributin për paqen dhe stabilitetin në
rajon.
Saferworld: Rast studimor: Historik partneriteti: Saferworld dhe FIQ
Megjithatë, shqetësimet vazhdojnë. Sundimi i ligjit
në Kosovë është dëmtuar nga niveli i ulët i besimit
në institucionet kryesore të sigurisë siç janë
policia, gjyqësori dhe po aq EULEX (Misioni
Evropian për Sundim të Ligjit në Kosovë). Këto
institucione janë perceptuar si joefikase, të
papërgjegjshme dhe të korruptuara.
Paqëndrueshmëria për më tepër është
përkeqësuar nga tensionet e vazhdueshme në veri
të vendit. Faktorë tjerë destabilizues të mundshëm
që kane kontribuar në këtë paqëndrueshmëri
përfshijnë mungesën e zhvillimit ekonomik dhe të
progresit në luftimin e korrupsionit dhe krimit të
organizuar dhe poashtu vonesat në integrimin në
BE.
Janë ndërmarrë edhe hapa konstruktiv, me
progresin e bërë në reformat legjislative dhe
institucionale. Kuvendi i Kosovës ka miratuar disa
pjesë të legjislacionit për të forcuar sundimin e
ligjit, duke përshkuar kështu transformim rrënjësor
të sistemit të drejtësisë. Poashtu janë bërë
përpjekje duke u përqëndruar në çështje që kanë
të bëjnë me korrupsionin. Agjensioni Kundër
Korrupsionit ka filluar punën efektive me prokurorë
dhe Këshillin e ri Anti Korrupsion të kryesuar nga
Presidentja.
Një marrëdhënie e shkëlqyeshme
Ndjeshmëria njerëzore
Në Kosovë, në përkrahje të arritjes së objektivave të
veta në ndërtimin e paqes, qëllimi i Saferworld ishte
mbështetja e shoqërisë civile për të rritur kapacitetet
e veta, duke adresuar çështjet e armëve të vogla dhe
sigurinë në komunitet.
Diçka që ka qenë shumë e qartë nga fillimi, ishte
ndërtimi i një partneriteti mes të barabartëve. Kjo
qasje, përmes punës së madhe, ka dëshmuar
sukses, duke arritur kështu partneritetin më të gjatë
për të dyja organizatat.
Duke filluar nga besimi ekzistues i ndërtuar mes
Henry dhe Hakiut, partneriteti u forcua mëtej në
marrëdhëniet e ngrohta poashtu mes anëtarëve të dy
organizatave, duke e tejkaluar në këtë formë
partneritetin formal në miqësi personale. Për
shembull, kur duhej të punohej në strategjinë e
komunikimit të FIQ-it, Simon Moore nga Saferworld,
ishte në gjendje të këshilloj përderisa Sue Maskell të
udhëzoj në çështjet që kishin të bënin me burimet
njerëzore - dhe e gjitha kjo jashtë memorandumeve
formale të mirëkuptimit. Këto marrëdhënie të besimit
forcuan edhe më tej bashkëpunimin, duke e ruajtur
gjatë viteve.
Gusht 2015
Ferdinand Nikolla, I cili atë kohë punonte në FIQ, bashkë me Henry
Smith, ish Drejtor i Saferworld, në nje ngjarje komunitare në vitin 2006.
Angazhimi i Saferworld në Kosovë, ka dëshmuar
qëndrueshmëri – partneriteti dhe marrëdhënia me
FIQ-in ka qenë tejët i rëndësishëm për këtë, duke
shfrytëzuar kredibilitetin për programin tonë.
Donatorët e kanë kuptuar se Saferworld ka qasje te
komunitetet e rrezikuara dhe cenuara, për shkak të
lidhjeve të FIQ-it me këto komunitete. Kjo na ka
mundësuar të kryejmë punën, duke pasur në terren
partnerin tonë që ka identifikuar çështjet më të
rëndësishme.
Lidhjet tematike
Një program i hershëm i suksesshëm përfshinë
punën për armët e vogla dhe të lehta (AVL).
Saferworld tashmë kishte përvojë të konsiderueshme
në këtë fushë, për shembull në Horn të Afrikës kishim
trajtuar çështje që çonin në përhapjen e gjerë të
armëve të vogla. Në Kosovë, arsyet kontekstuale që
njerëzit i bartnin armët e vogla dhe të lehta ishin
qartazi të ndryshme dhe kështu FIQ sygjeroi një plan i
cili përfshinte të rinjtë – të cilët përdornin armët e
lehta në shkolla ose si pjesë e gjuajtjeve nëpër
ahengje – që të reduktonin këto armë.
Nëpërmjet sondazheve të rregullta të perceptimit
publik, organizatat krijuan një bazë e cila hodhi
themelet për angazhim në nivel lokal dhe më vonë në
nivel kombëtar. Arrijet ishin të dyfishta: në nivel lokal
ka ndihmuar ngritjen e vetëdijes për ndikimin e
dëmshëm të AVL-ve në jetën e njerëzve (nëpërmjet
fushatave të rregullta me OShC-të lokale dhe grupet
studentore, duke i angazhuar komunitetet lokale,
këshillat e nxënësve, mësimdhënësit dhe zyrtarët
lokal për të zvogluar përdorimin e armëve të zjarrit);
dhe në një nivel politikash kemi punuar me sukses
për të përmirësuar kornizën e politikave për kontrollin
e AVL-ve.
Ndërtimi i mëvetësisë
Marrëdhënia gjithnjë kishte për synim promovimin
dhe mbështetjen e qëndrueshmërisë afatgjate, me
Saferworld: Rast studimor: Historik partneriteti: Saferworld dhe FIQ
qëllim që FIQ të merrte më shumë rolin kryesor.
Fillimisht, Saferworld mbante kontaktet me zyrtarët e
nivelit më të lartë, derisa FIQ implementonte punën
në terren. Megjithatë, u kuptua që në mënyrë që të
mundësohet ndërtimi i kapaciteteve të individëve dhe
organizatave në Kosovë, situata duhet të ndryshohet.
Komunitetet kosovare kishin nevojë të fuqizoheshin
përmes trajnimeve dhe mësimeve nga Saferworld,
për të folur me pushtetin lidhur me shqetësimet dhe
zgjidhjet që ata kishin për vendin e tyre. Nevojitej që
FIQ të fliste me zyrtarët – nga strukturat lokale deri te
ato qendrore dhe akterët e jashtëm – pa
ndërmjetësim nga ndonjë OJQ perëndimore. Tek
audienca e jashtme, FIQ tashmë kishte legjitimitetin
për të punuar, por Saferworld kishte sjellë ekspertizën
teknike, çka konsiderohet si shumë e rëndësishme.
”Partneriteti mes SW-FIQ ishte i ndryshëm
nga shumë partneritete; ishte i bazuar në
vlera”
Albulena Sadiku, Rrjeti Ballkanik për Gazetari
Hulumtuese (BIRN)
Këta faktorë – jetëgjatësia, përmes procedurave
sistematike dhe marrëdhënieve të forta si dhe
qëndrueshmëria, përmes ngritjes së kapaciteteve në
mënyrë që t’i mundësohet FIQ-it të marrë udhëheqjen
e nivelit të lartë – kanë qenë çelës i kësaj
marrëdhënie të shkëlqyer. Partneriteti mes të
barabartëve ka shpënë drejt ndikimit në politikat
vendim-marrëse në Kosovë, veçanarisht në sektorin e
sigurisë dhe në çështje të sigurisë në komunitet.
Vlen të theksohet se kontributi financiar i Saferworld
në këtë partneritet, nuk e ka bërë atë partner
dominues. Me kalimin e kohës, si strategji e
qëllimshme, FIQ arriti të diversifikoj fondet, derisa
Saferworld reduktoi mbështetjen e vet në mënyrë
graduale dhe në konsultime të ngushta. Në të njëjtën
kohë ishte e qartë që Saferworld përfitoi nga puna me
FIQ-in, duke pas parasysh se shumë donator i
kërkonin OJQ-të ndërkombëtare të kishin partneritet
me OJQ-të lokale në Kosovë.
Përfitimet reciproke
Bashkëpunimi pozitiv poashtu u manifestua në një
tjetër rezultat të arritjeve të FIQ-it; ata tashmë kanë
ekspertizë në ndërtimin e kapaciteteve të OJQ-ve të
tjera. Tash për tash, FIQ po mentoron një OJQ në
Obiliq, veç tjerash edhe në raportimet financiare dhe
shkrimin e raporteve. Kjo është një shenjë e një
angazhimi të suksesshëm mes dy OJQ-ve të cilat
punojnë bashkërisht në mënyrë që mësimet t’i
shpërndajnë në të mirën e organizatave tjera
vendore.
Saferworld ka përfituar nga ky partneritet përmes
akumulimit të njohurive lokale dhe duke mësuar se si
manifestohet në terren qasja e sigurisë në komunitet.
Kjo në fund të fundit ndihmoi të reflektojmë dhe
Gusht 2015
formësojmë programet tona në Azinë Qendrore dhe
në Sudanin Jugor.
“Ky partneritet ishte i ndryshëm që nga
përfshirja jo vetëm e zyrtarëve të lartë që
kishin inicuar këtë partneritet nga të dyja
organizatat, por përfshinte poashtu stafin e
programeve, të financave, burimet njerëzore,
stafin administrativ etj, të cilët ishin ata që i
kushtuan shumë kohë dhe energji këtij
partneriteti. Kjo mënyrë e punës u aplikua
pasi kishte një mirëkuptim dhe besim tek të dy
organizatat se ky nuk është vetëm një
partneritet projekti, por më tepër një
partneritet institucional dhe strategjik.”
Ferdinand Nikolla, Saferworld
Në fund të fundit, partneriteti mes dy organizatave ka
qenë i suksesshëm për shkak të përfitimeve reciproke
– të dyja kanë pasur identitetin e vet dhe sërish kanë
bashkëpunuar si të barabartë.
Sfidat
Në mënyrë të paevitueshme, jo gjithçka ka shkuar në
mënyrë të planifikuar. Ka pasur sfida, por ky ka qenë
një testament partneriteti, përmes të cilit kemi punuar
dhe është zgjidhur në një mënyrë që ka siguruar që
marrëdhënia të shkoj përpara. Për shembull, sikur
puna me armët e vogla dhe të lehta që ka qenë
program prioritar për Saferworld dhe jo për FIQ-in,
shqetësimet gjithmonë janë diskutuar.
Sfida tjetër kishte të bënte me dallimet në gjuhë. Stafi
i FIQ-it i përgjigjej dokumenteve të gjata teknike në
gjuhën angleze, ndonjëherë shkurt. Përgjatë procesit,
stafi kuptoi rëndësinë e takimeve sy-më-sy, në vend
të atyre me email ose skype. Ka qenë më lehtë që të
komunikoheshin informatat e ndjeshme, duke
shmangur humbjen e ndonjë informacioni për çështjet
më të ndërlikuara, çka edhe kontribuoi në ngritjen e
marrëdhënies. Këtu ka pasur poashtu një aspekt
tjetër pozitiv; këto konsultime kanë krijuar një sens të
fuqishëm solidariteti dhe demonstruan besimin e
Saferworld se FIQ mund të jap kontribute të vlefshme
– dhe kjo e bëri atë më shumë se një partner
“implementimi”.
Një arsye pse sfidat janë tejkaluar, ka qenë
ekzistenca e dokumenteve formale siç janë
memorandumet e mirëkuptimit, marrëdhënia e
konsoliduar si dhe besimi mes FIQ-it dhe Saferworld.
Ka pasur edhe shumë kanale tjera komunikimi,
kështu që në staf ka pasur gjithmonë njerëz alternativ
për kontakt. Stafi gjithmonë ka qenë i vetëdijshëm për
problemet, kështu që gjithmonë kanë punuar në
konsultim.
Saferworld: Rast studimor: Historik partneriteti: Saferworld dhe FIQ
Mësimet për zhvillimin e partneriteteve
të ardhshme
Partneriteti me FIQ-in veçon numër mësimesh për
Saferworld dhe organizata të ngjashme kur provojnë
të ndërtojnë marrëdhënie të suksesshme në të
ardhmen.
Investimi për shpërblimet e së ardhmes: Është e
qartë se aspekti kyç i suksesit të FIQ-Saferworld ka
qenë në marrëdhënien që ata kanë krijuar. Edhe pse
marrëdhëniet formale që përfshijnë memorandumet e
mirëkuptimit, janë të rëndësishme që të ndërtohet një
partneritet, është tejët e rëndësishme që të ndërtohet
besimi mes individëve dhe organizatave. E thjeshtë:
sa më shumë që jepni, aq më shumë do të merrni.
Është e nevojshme të investohet shumë në aspektin
e kohës dhe kostove - por shpërblimet e partneritetit
me FIQ-in janë të dukshme. FIQ tashmë një OJQ e
pavarur, e qëndrueshme, kompetente dhe inovative
që ka për qëllim ndërtimin e kapaciteteve të OJQ-ve
dhe mbështetjen e organizatave tjera me bazë
komunitare në tërë Kosovën.
Perceptimet e fuqishme: Në ndërtimin e
marrëdhënies, stafi i përfshirë në zhvillimin e
partneritetit duhet të jetë i vetëdijshëm se si partneri
tjetër i percepton ata. Mosha e njerëzve, etniteti ose
gjinia do të formësojnë aftësinë e tyre për të çuar
përpara një marrëdhenie të besueshme. Për
shembull, nëse punohet në një regjion ku ka ndarje
etnike, duhet të jemi të vetëdijshëm që ndërtimi i
besimit mes stafit sjellë tejkalimin e perceptimeve
stereotipe, që merr kohë dhe është e ndjeshme.
Mbështetja thelbësore: Për të ndërtuar një
organizatë të fuqishme dhe të qëndrueshme,
partnerët si FIQ duhet të sigurojnë mbështetjen bazë
të financimit në mënyrë që të jenë në gjendje të
kryejnë punën që nuk është e lidhur vetëm për
projekte të veçanta. Saferworld dhe organizata të
tjera të mëdha duhet të konsiderojnë nëse është e
vlefshme mbështetja e punës afatgjate strategjike e
cila përsëri tregon përkushtimin dhe besimin e punës
së partnerit lokal, dhe gjithashtu ndërton aftësitë e
tyre.
Gusht 2015
Përfaqësuesit e kompanisë së ndërtimit të rrugës me Këshillin e
Sigurisë në Komunitet, Stafi I FIQ dhe Saferworld në vitin 2006
Ndërtimi strategjik i kapaciteteve: Është shumë e
nevojshme të merret parasysh se ndërtimi i
kapaciteteve ka të paktën dy aspekte me rezultate të
ndryshme. Transferimi i aftësive të caktuara - me anë
të punës së përbashkët dhe mentorimit - mund të
institucionalizohet dhe të kalojë te stafi i ardhshëm;
ndërtimi i ekspertizës për ta bërë këtë pa ndonjë
vendim strategjik, do të mbetet vetëm në individë të
caktuar. Marrja e këtyre vendimeve strategjike në
fillim të marrëdhënies do të qartësoj pritjet.
Hapësira kreative: Përveç ndërtimit të kapaciteteve
dhe mbështetjes, është shumë e rëndësishme krijimi i
hapësirës për organizatën partnere që të zhvilloj idetë
e veta. Për shembull, njohuritë dhe ekperienca e
OJQ-së lokale e kombinuar me ekspertizën e
Saferworld, mund të çojë deri te programet inovative,
përtej supozimeve fillestare që vijnë nga strukturat e
një organizate më të madhe. Pra, edhe kur ka
dështime është e rëndësishme që OJQ-ja më e vogël
të ketë hapësirë për të mësuar nga gabimet dhe të
dalë me ide të reja – ide këto që mund të vijnë vetëm
përmes procesit të të mësuarit.
Ndikimi i mjedisit të jashtëm: Konteksti specifik dhe
realiteti në të cilin veprojnë OSHC-të, poashtu ndikon
në perceptimet e njerëzve dhe OSHC-ve sikurse
edhe besimi i tyre në akterët e jashtëm. Për shembull,
tensionet në qytetin e ndarë të Mitrovicës në veri të
Kosovës dhe mosbesimi te akterët e jashtëm ka
krijuar një mjedis jo të përshtatshëm për veprim për
organizatat joqeveritare vendore dhe ndërkombëtare.
Puna e Saferworld me organizatën me bazë në
Mitrovicë - OJQ Aktiv, është bërë për të ndryshuar
mjedisin, dhe kërkonte kohë dhe besim për
organizatat që të ndërtojnë marrëdhënien. Por,
përderisa çdo partneritet do të jetë i ndryshëm, besimi
dhe marrëdhëniet do të mbeten në qendër të
qëndrueshmërisë.
Saferworld: Rast studimor: Historik partneriteti: Saferworld dhe FIQ Gusht 2015

Trashëgimia e FIQ-Saferworld Rreth Saferworld

Saferworld ka ndërmarrë veprime të shquara të
ndërtimit të partneritetit në Kosovë, të cilat i kanë
mundësuar të avokoj në mënyrë efektive për politika
që me të vërtetë janë të bazuara në nevojat e
komuniteteve lokale. Marrëdhënia me FIQ-in ka
lulëzuar, jo më pak për shkak të vlerave të
harmonizuara dhe të besimit të madh të ndërsjellë
mes dy organizatave dhe qasjen e hapur të stafit të
Saferworld. Përderisa nuk ka mbetur lidhje formale
mes nesh, ekziston një miqësi institucionale që FIQ
dhe Saferworld mund të thërrasin njëri-tjetrin sa herë
ata kanë nevojë.
Të shikuarit përpara
Qasja ndaj partneritetit dhe puna me sigurinë në
bashkësi me FIQ, ka zgjeruar programet e
Saferworld në Azinë Qendrore, Sudanin Jugor, Keni,
Bangladesh dhe Pakistan. Mësimi nga zhvillimi i
partneritetit tonë me FIQ-in, bashkë me rezultatet e
ndërtimit të platformave të OSHC-ve, ka kontribuar në
mënyrën se si do t’i integrojmë strategjitë e
qëndrueshmërisë në përgjithësi brenda organizatës.
Vlerat dhe ndryshimet e identifikuara, si dhe faktorët
kryesore që kanë ndihmuar për të krijuar një model të
suksesshëm të partneritetit në mes të Saferworld dhe
FIQ, udhëzojnë synimin tonë për të ndërtuar një
platformë më të gjerë të akterëve të shoqërisë civile
në Ballkanin Perëndimor dhe për të zhvilluar një
agjendë të përbashkët për të arritur ndryshimet
paqësore në rajon.
Saferworld është një organizatë e pavarur
ndërkombëtare që punon për të parandaluar
konfliktet e dhunshme dhe për të ndërtuar jetën e
sigurtë. Ne punojmë me njerëzit lokal të prekur
nga konflikti për të përmirësuar sigurinë e tyre dhe
ndjenjën e sigurisë, duke bërë edhe hulumtime
dhe analiza të gjera. Ne përdorim këto të dhëna
dhe mësimet e mara për të përmirësuar politikat
dhe praktikat lokale, kombëtare dhe
ndërkombëtare që mund të ndihmojnë në
ndërtimin e paqes së afatgjate. Prioriteti ynë është
populli - ne besojmë se të gjithë duhet të jenë në
gjendje të jetojnë jetën të lirë nga pasiguria dhe
konflikti i dhunshëm.
Ne jemi një organizatë jo-fitimprurëse me
programe në gati 20 vende dhe territore të
ndryshme në të gjithë Afrikën, Lindjen e Mesme,
Azinë dhe Evropën.
Saferworld – 28 Charles Square, London N1 6HT, UK
Registered Charity no 1043843
Company limited by guarantee no 3015948
Tel: +44 (0)20 7324 4646 | Fax: +44 (0)20 7324 4647
Email: general@Saferworld.org.uk
Web: www.Saferworld.org.uk

Mirënjohje
Hulumtimi fillestar për këtë rast studimor është
bërë nga Deepti Sastry dhe Mia Marzouk si pjesë
e Procesit të Rishikimit dhe Përmirësimit të
Programit si një detyrë që ndihmon në
përmirësimin e programeve specifike.
Saferworld falënderon të gjithë ata që janë
përfshirë në hulumtim.
Ky rast studimi, në bazë të hulumtimit fillestar,
është duke u botuar për të shënuar 25 vjetorin e
Saferworld dhe për të reflektuar angazhimin
organizatës për të punuar në partneritet.