Kilingling

Myla Capellan Ogaya

Erwin Segui
”Kwak-tak-tak. Kwak-tak-tak. Baraylihan na
”, sabi ni Lingling sa saiyang mga tugang
mantang nagkakarawat sinda sa baybayon.
Sa gabos na bulan, an Setyembre an pig-
aabangan ni Lingling. Ini an panahon na
mapatiribayan sa pagbayli sa Lapay Bantigue
Festival an mga gamgam na arog nya.

1
”Magbali ka sa barayli, Ate Lingling, tanganing
mahiling kan gabos an saimong talento,” sabi
ni Liro.
”Iyo nanggad. Kayang kaya mo iyan. Dai
mo pansinon an mga nagkakaraw saka
nagngingirit saimo,” dagdag pa kan Mama ni
Lingling.
Ngirit an naisimbag ni Lingling. Hadit sya,
mayo siyang tiwala sa saiyang sadiri.

2
Natuod syang magbayle nin solo tanganing
mayong magngirit saiya. Mas halipot an
walang bitis ni Lingling kaysa tuo kun kaya
nakakiling an saiyang lawas. Mantang
nakatugdon sya sa bakawan o sa baybay,
pigkakalapakapa niya nin duwang beses an
saiyang pakpak sabay kan pagkiling patuo
saka pawala saka pigduduko nya an saiyang
payo na nagpipiling-piling na garo nakaduko
an saiyang tuka sa baybay o dagat. Pauru-
utro nya ining piggigibo na garo may tugtog

3
siyang nadadangog.

4
Kan sunod na aldaw, nagpapraktis bayli
si Lingling kan mahiling sya kan saiyang
kataraid na harong.
”Kilingling! Kilingling!” kurahaw ninda Ilay,
Teri saka Onin. Pigranihan ninda si Lingling.
”Kwak-tak-tak. Kwak-tak-tak. Mabali ka sa
barayli, Kilingling?” hapot ni Teri.
Nasusupog na nagtango si Lingling. ”Gusto
kong testingon,” simbag nya.
”Pano ka man mabali duman kun arog ka iyan
an saimong bitis,” sabi ni Ilay sabay hiling sa
mga bitis ni Lingling.
”Garo ka matutumba pag nagbabayli.
Makanuson hilingon, Kilingling!” tuya pa ni

5
Onin. Grabe an ngirisihan kan tulong lapay.
”Kiling si Lingling! Kilingling!” dagdag pa kan
tulo saka nagngirisihan sinda nin makusugon.

6
Garo na mahiribi si Lingling saka naglupad
parayo. Nagduman sya sa likod kan raot na
kubo harani sa uma. Nagtago sya duman
tanganing dai mahiling ninda Ilay, Teri saka
Onin.
Bigla na may nadangog na nagtutugtog si
Lingling. Pigsirip nya an laog kan kubo saka
pighiling nya an palibot. Dai man nin tawo
o hayop. Maingat na naglakaw si Lingling.
Pigsundan nya kun sain an tugtog. Sa saiyang
paglakaw, nahiling nya duman an mga lapay

7
na nagbabayli. Natakot syang ngiritan pag
nahiling sya kan iba kun kaya nagtago si
Lingling sa nakatambak na dagami.

8
Dagos na nadadangog ni Lingling an tugtog.
Nahali an takot sa saiyang daghan mantang
pigdadangog nya an musika. Napapikit si
Lingling. Dai naghaloy, pigkakalapakapa na
ni Lingling nin pigduruwang beses an saiyang
pakpak sabay an pagkiling kan saiyang lawas
patuo saka pawala. Nagyuyuko man an
saiyang payo na nagpipiling-piling na garo
nakatukdo an saiyang tuka sa daga.
Maugmahon si Lingling sa saiya pagbayli.
Maugma sya na nagigibo nya an gusto nya

9
gibuhon na mayong nagngingiririt.

10
Pak! Pak! Pak! Napabuklat an mata ni Lingling
kan madangog niya an makusugon na
urupakan. Nagpundo sya sa pagbayli saka
pighanap kun sain nagpuon an urupakan.
”Kwak-tak-tak. Kwak-tak-tak. Igwa kang
talento sa pagbayli. Gusto mong mag-iba
sa samuyang grupo? Mabali kami sa Lapay
Bantigue Festival,” sabi kan lider ning mga
lapay.
”Pwede daw akong magbali dawa arog
kaini an sakuyang bitis? Dai ko garo kayang

11
gibuhon an kaya nindo saka baka makaraot
pa ako kan bayli nindo,” simbag ni Lingling.
”Nahiling kan samuyang grupo an saimong
kakayahan. Gabos kami nagtutubod sa
saimong talento. Magtarabangan kita para sa
karahayan kan gabos,” sabi kan lider.
Dai tulos
nakasimbag si Lingling. Nagirumduman nya
an sabi kan saiyang Mama saka tugang.

12
”Tama si Mama saka Liro. Dai dapat ako
matakot. May talento ako dawa arog kaini an
sakuyang kundisyon. Mahihiling ninda Ilay,
Teri, Onin saka gabos na gamgam an talento
ko sa pagbayli,” sabi kan isip ni Lingling sa
saiyang sadiri.
Naghapot utro an lider. ”Gusto mo magbali
samuya?”
”Iyo, mabali ako,” simbag ni Lingling.
Magpuon kaidto, bako nang solo kun
magbayli si Lingling. Kaibanan na nya an

13
saiyang mga bagong amiga. Nagin patas an
paghiling saiya kan gabos dawa mas halipot
an saiyang sarong bitis.

14
15
 Brought to you by

Let’s Read is an initiative of The Asia Foundation’s Books for Asia

program that fosters young readers in the Asia-Pacific.
booksforasia.org
To read more books like this and get further information about
this book, visit letsreadasia.org

Original Story
Kilingling, Author: Myla Capellan Ogaya. Illustrator: Erwin Segui.
Published by The Asia Foundation - Let’s Read,
https://www.letsreadasia.org © The Asia Foundation - Let’s Read.
Released under CC BY-NC 4.0.

This work is a modified version of the original story. © The Asia

Foundation, 2021. Some rights reserved. Released under CC
BY-NC 4.0.

For full terms of use and attribution,

http://creativecommons.org/licenses/by-nc/4.0/