aksara Jawa iku diasta dening Aji saka saka Tanah Hindhustan menyang tanah Jawa. Banjur Aji saka ngarang urutan aksara kaya mangkene kanggo mengeti rong panakawane sing setya nganti pati : Dora lan Sembada. Kalorone mati amarga ora bisa ngleksanakake dhawuhe sang ratu. Mula Aji saka banjur nyiptakake aksara Hanacaraka supaya bisa kanggo nulis layang. Sandhangan a. Sandhangan swara Sandhangan swara iku ngowahi swara saka foném /a/ ing aksara nglegena ing swara liyané.
Wulu ngowahi swara dadi /i/
Suku ngowahi swara dadi /u/ Pepet ngowahi swara dadi /ə/ Taling ngowahi swara dadi /e/ Taling tarung ngowahi swara dadi /o/ b. Sandhangan panyigeging wanda Sandhangan panyigeging wanda iku sandhangan sing nggawé sigeging wanda utawa matèni swara. Sandhangan iki ana: layar, wignyan, cecak lan patèn. - Layar Layar iku mènèhi foném /r/ ing sawijining aksara - Wignyan Wignyan iku mènèhi foném /h/ ing sawijining aksara - Cecak Cecak iku mènèhi foném /ŋ/ ing sawijining aksara c. Sandhangan wyanjana Sandhangan wyanjana iku cacahé ana telu lan diarani cakra, keret, lan péngkal. - Cakra Cakra iku mènèhi wanda /ra/ ing sawijining aksara. Aksara sing wis ditambahi cakra uga bisa didokoki sandhangan swara manèh. - Keret Keret iku mènèhi wanda /rě/ ing sawijining aksara. - Péngkal Péngkal iku mènèhi wanda /ya/ ing sawijining aksara, mèmper cakra. TULADHA WONTEN ING UKARA CONTOH UKARA AKSARA SWARA AKSARA REKAN
CONTOH UKARA AKSARA REKAN
Aksara murda 1. Murda = sirah. (Walanda : hoofd, Inggris : head). Aksara murda = aksara sirah, aksara sesirah (Walanda : hoofdletter, Inggris : capital). Aksara murda iku sejatine Aksara Mahaprana, yaiku aksara kang pancene kudu diucapake kanthi abab akeh ; kosok baline aksara alpaprana, yaiku aksara kang kudu diucapake lumrah (kanthi abab sathithik). 2. Cacahe aksara murda (kang dianggep aksara murda) ana wolu, yaiku :
(Na, Ka, Ta, Sa, Pa, Nya, Ga, Ba)
3. Aksara murda mung kanggo ing tata-prunggu, tegese kanggo pakurmatan.
Aksara murda ora kena dadi sesigeging wanda. Ing jaman biyen kang lumrah ditulis nganggo aksara murda asmane para luhur, jejuluke lan padunungane, minangka pakurmatan. 4. Saiki jaman demokrasi. Prayogane kabeh jenenge wong lan jenenge titah kang tata-caraning uripe kaya manungsa, kaya raseksa, wanara lan sapanunggalane kang kasebut ing carita padhalangan lan liya-liyane, katulis nganggo aksara murda. Cukup nganggo aksara murda siji bae, aksara sing ngarep dhewe. Yen aksara sing ngarep dhewe ora ana murdane, ya aksara burine; yen burine ora ana murdane, ya burine maneh.