Sa panahon ngayon ay maraming kinakaharap na pagsubok ang ating bansa, tulad
na lang ng krisis na bunga ng pandemya. Ngayong buwan ng wika, aking inihahandog ang likhang sining upang bigyan linaw ang kahalagahan ng pagkakaisa ng mga Filipino sa panahon ng pandemya. Sa tulong ng paghahatid ng tamang impormasyon sa ating kababayan gamit ang naaayon at mas komportableng wika, mas maiintindihan ng bawat Filipino ang sitwasyon at malalaman ng bawat isa ang mga nararapat gawin. Bukod dito ay mababawasan ang takot ng ating kababayan sapagkat magsisilbing tulay ang wika upang magkaunawaan.
Sa tulong ng ating frontliners at simpleng pagsunod sa alituntunin, kahit gaano
man kalakas ang alon na dumating sa ating buhay basta't sama-sama tayong magsasagwan. Kahit gaano kabigat ang buhat o pasanin basta't tayo'y mag babayanihan at magbubuklod na parang laso. Hindi magtatagal ang ating makulay na kultura, sari-saring wika, magkakapit bisig, aalsa't titindig. Bansang nagkakaisa, magwawagi sa pandemya.