Kong interesado ka sa isa ka tawo, gusto mo siya makilala, pero kinahanglan ikaw ang una

maghimu sang isa ka tikang para kilalahon siya. Gani maniksog ka para kilalahon siya. Ang
outcome mangin maayo kamo nga abyan. Huo, matigayon mo guid ang isa ka maayo nga abyan,
amu na ang resulta kun manikasog ka nga kilalahon ang isa ka tawo.

Pero indi lang abyan ang matigayon mo, kay kung makilala mo ni siya, matigayon mo pa giud
ang kabuhi nga wala sing katapusan.

Gusto mo ni siya bala makilala?

Pasabton ta ang Biblia kung sin-o ini siya.

Palihog buksi ang inyo Biblia sa Juan 17:3(read).
Suno sa texto nga ANG PAGKILALA SA DIOS “NAGAKAHULUGAN SANG KABUHI
NGA WALA SING KATAPUSAN.”

Pero may ari kita diri mga bisita kag mga abyan nga basi wla pa maka kilala sang matuod nga
ngalan sang Dios. Ang matuod nga ngalan sang Dios makita sa Salmo 83:18 (read). Ang iya
ngalan nya amu si Jehovah.

Ang mga nakakilala kay Jehova nga Dios kag sa iya Anak nga si Cristo Jesus, makatigayon sang
kabuhi nga wala sing katapusan.

Pero ginpatalupangod man diri nga agod matigayon ini nga kabuhi, indi lang bastante nga
nagapati ka nga may Dios ukon may diutay nga nahibaluan nga kamatuoran parte sa iya.

Ngaa man?

Kay suno sa Salmo 2:19, ang mga demonyo gani nag kurog sa kahadlok sa Dios, pero indi kita
ya mahadlok sa Mahigugmaon nga Dios nga si Jehovah, bangod gusto niya kilalahon siya. Kag
gusto niya man nga mangin suod kita nga mag abyan sa iya.

Pero kon nakilala naton ang Dios kag si Jesus indi ya awtomatiko nga kalahamut-an na ang aton
pagsimba.

Ang rason mabasa ta sa Biblia sa Mat. 7:21(read). Suno sa texto nga, indi tanan ang naga tawag
sa iya makatigayon sang ginharian, kundi sin-o lang? Ang mga nagatuman lang kag nagasunod
sa iya.

Sang una damo na ang nagatuman kag naga sunod kay Jehovah.
Pero may ara man nga nakakilala sa Dios, pero wala sila kabalo anu ginahimu nila nga pag
simba. Ang mga Samaritano may diutay nga ihibalo parte kay Jehova, pero ‘wala nila makilala
ang ila ginasimba.

Pero anu ang ginhambal sang Biblia sa sina nga bagay?

Basahon ta liwat ang biblia sa Ju 4:22-24 (read).
Ginlayagay ini ni Jesus sa mga Judiyo, Samariahanon kag sa iban pa.
Gani agod mapahamut-an si Jehova, ano ang dapat himuon sang mga Judiyo, Samariahanon kag
sang iban pa sang una? Ginpahangop sa ila nga dapat nila sia simbahon “sa espiritu kag
kamatuoran.”

Amo man kita subong. Bisan pa kinahanglan mangin mapagsik, ukon makugi, ang pag-alagad sa
Dios, kag ginapahulag sang tagipusuon nga puno sing gugma kag pagtuo, agod masimba ang
Dios sa espiritu, dapat nga yara man sa aton ang iya balaan nga espiritu kag nagapatuytoy kita sa
sini kay paagi sa pagtuon kag pag-aplikar sang Pulong sang Dios, dapat nga nahisanto sa iya
espiritu ang aton panghunahuna para nga ang aton pagsimba batunon ni Jehova, dapat man ini
himuon sa kamatuoran kag dapat ini nahisanto sa kon ano ang ginapahayag sang Pulong sang
Dios, ang Biblia, tuhoy sa iya kag sa iya mga katuyuan.

Matahom nga matun-an naton nga maayo guid nga kilalahon naton si Jehovah kay damo gd ini
sang benipisyo.

Pero PAANO MO MAKILALA SI JEHOVA?

Indi pareho sa isa ka tawo nga maka-upod mo siya pirme muna makilala mo pa guid siya sing
dugang, pero indi pareho kay Jehovah, indi ta siya makita, indi ta man siya ma istorya sang
direkta, gani paanu naton siya makilala?

Regular ta nga basaha ang Biblia; pamalandungi ang mga kinaiya, balatyagon, desisyon, kag
binuhatan sang N'ya.

Gani samtang nagabasa ka, handurawa guid sing maayo ang mga kasaysayan sa Biblia samtang
ginabasa mo ini kag handurawa ang mga karakter sang Biblia subong tunay nga mga tawo.
hibalua ang ila ginhalinan, mga kahimtangan, kag mga motibo.

Kag hunahunaa sing maayo ang imo ginabasa, nga ginapamangkot ang imo kaugalingon subong
sang: ‘Ano ang ginatudlo sa akon sining kasaysayan tuhoy kay Jehova? Ano sa mga kinaiya niya
ang ginapadaku? Ano nga prinsipio ang luyag ni Jehova nga matun-an ko, kag paano ko ini
maaplikar sa akon kabuhi?’ Gani samtang ginabasa mo, ginapamalandungan, kag ginaaplikar
ang Pulong sang Dios, mangin buhi ini sa imo.

Huo, panikasugi gid nga ilugon si Jehova kon nagahimo sing mga desisyon, muna ang ginlaygay
sang Efe 5:1 saaton.

Kon makita mo ang maayo nga mga resulta bangod sa paghimo mo sing desisyon nga nahisuno
sa pagtamod sang Dios, mahantop mo kon "ngaa" amo sina ang gusto ni Jehova nga himuon mo.

Gani makighambal pirme kay Jehova paagi sa pangamuyo kay ang pangamuyo nagabulig sa aton
nga mapabakod ang pagpakig-abyan kay Jehova. Indi kita “mag-untat sa pagpangamuyo. Kay
amu guid sina ang ginhambal sang 1 Tes. 5:17. Kabay pa nga ini nga pagtuon magapabakod sang
aton hamili nga kaangtanan sa Dios kag sa aton determinasyon nga sundon ang iya mga
ginapatuman kag Hatagan man naton sing tion nga pamalandungan ang mga pagpakamaayo sa
aton ni Jehova, bangod siya ang aton Amay, aton Dios, kag aton Abyan.
Gani ginapahibalo gd saaton nga Pangabaya si Jehova nga buligan ka nga mag-uswag ang aton
ihibalo parte sa iya kag maaplikar ang aton natun-an.

Kabalo kita Subong nga ang “pangolo nga manugpangabudlay” sa pagtuga sang uniberso,
nahibaluan ni Jesus ang parte sa magnetismo sang duta, ang puersa nga nagabulig sa mga tawo
kon maggamit sila sang kompas. Pero wala kita sang mabasa sa Biblia nga gingamit ini ni Jesus
agod maggiya sa iya sang yari sia sa duta. Pero, ginsambit sa Biblia nga subong tawo, ang balaan
nga espiritu amo ang gamhanan nga puersa sa iya kabuhi. Kag makita gd naton nga Nalipay sia
nga magpatuytoy kag magsunod sa paggiya sini. Gani Pareho man bala kita sini?

Kong hangpon naton, Ang aktibo nga puersa sang Dios nagapanghikot gihapon sa mga hunahuna
kag tagipusuon agod pahulagon ang mga luyag magpatuytoy sa sini, gani Paano ka matuytuyan
sini sa husto nga dalanon? Huo, Padayon nga mangamuyo kay Jehova nga hatagan ka niya sang
iya espiritu kag buligan ka nga sundon ang impluwensia sini. Kay kong himuon mo ini,
Manghikot ini suno sa imo mga pangamuyo paagi sa pagtuon sa Biblia, nga gin-inspirar sang
Dios paagi sa balaan nga espiritu. Gani Tumana ang maalamon nga mga laygay sini kag sunda
sing maayo ang panuytoy sang balaan nga espiritu. Manghikot nga may pagtuo sa ikasarang ni
Jehova nga tuytuyan ka sa husto nga dalanon sa sining malaut nga kalibutan.

Gani ginapabalo gd subong nga Palambua ang suod nga kaangtanan kay Jehova.

Matuod Ang mga may suod nga kaangtanan kay Jehova nakahibalo nga interesado sia sa ila kag
ang ila mga buhat makaapektar sa iya.

Kong basihan naton ang isa ka reperensya nag siling ini nga Ang sabat sa imo mga pangamuyo
indi hilmunon kon kaisa. Pero kon espesipiko ang imo mga pangamuyo, mangin mas maathag
ang sabat ni Jehova. Mangin matuod pa gid si Jehova sa imo kon ginasabat niya ang imo mga
pangamuyo. Dugang pa, samtang ginapabutyag mo kay Jehova ang imo mga kabalaka,
magasuod pa gid sia sa imo.
Matuod gd ini, nga kong dalom pgd ang na pabutyag naton kay Jehovah, mas mangin suod pgd
kita.

Pero basi mamangkot kamo kong may balatyago si Jehovah?

KON huo ang sabat, may isa pa ka pamangkot: Makaapektar bala sa Dios ang aton ginahimo?
Buot silingon, makapahalipay bala ukon makapasubo sa iya ang aton ginahimo? Suno sa pila ka
pilosopo sang una, wala sing balatyagon ang Dios kag wala sing makaimpluwensia sa iya. Pero
suno sa Biblia, si Jehova mapinalanggaon kag interesado sa aton ginahimo. Ginpamatud an gd na
kag mabasa sa Salmo 78:40, 41.

Gani huo, may balatyagon gd si Jehovah.

Singkaanggid sbng, ma kwaan ta gd sang maayo nga example ai Abraham.

Ngaa?
Bangod sya isa sa mga halimbawa nga nagpalambo sing suod nga kaangtanan sa Dios.
Basahon ta bala ang biblia kong ngaa nangin suod gd sya kay Jehova.
Diri sa san 2:23(read)
Suno gd diri nga gin tawag gd sya nga "abyan ni Jehovah" makita gd naton nga amu gd na sya ka
suod kay Jehovah..
Gani ma himu ta man bala nga amu na ka suod kay Jehovah?

Gani Samtang nagadamo ang aton nahibaluan parte kay Jehova, magabakod pa gid ang aton
pagtuo kag gugma sa iya. Bweno, Hunahunaa sang primero mo pa lang nahibaluan nga matuod
nga Persona ang Dios, kag mahimo ka mangin suod sa iya. Natun-an mo man nga tanan kita
natawo sa sala bangod sang paglapas ni Adan. Nahangpan ta man nga ang katawhan sa kabilugan
nahamulag sa Dios. Dayon nahibaluan ta nga ang aton mahigugmaon nga Amay sa langit indi
malayo kag interesado sia sa aton gani Sang natun-an naton nga gin-aman niya ang halad-gawad
ni Jesus kag nagtuo kita sa sini, nangin suod pgd kita kag nangin abyan naton ang Dios.

Gani anu ang himuon ta bangot gn pakita ukon nakilala ta na ang mahigugmaon nga Dios?

Tyakto gid, IPAKITA gid naton NGA KILALA naton ANG DIOS

Basahon ta bala ang 1juan 2:4(read)

Gani auno gid diri nga Ang pagtuman sa mga sugo sang Dios importante nga bahin sa pagkilala
sa iya.

Pero kong lantawon ta sang una sa tion sa israel, Sulitsulit nga ginsupak sang dumaan nga
pungsod sang Israel ang Dios kag Bisan pa wala nila malipatan si Jehova, ginapakita sang ila
mga buhat nga indi gid nila kilala si Jehova.
Ngaa masiling gd naton nga amu gd ini ang panambungon sa ila ni Jehovah?
Buksan ta bala liwat ng biblia kong anu gin hbal sa ila, diri sa oseas 4:1, 6(read)
Suno gd sa gn basa ta nga matuod kilala nila ang ngalan sang Dios, pero ang buhat nila indi
manami, bango suno sa reperensya nga Lapnag gid ang butig nga pagpanumpa kag pagbinutig
kag pagpamatay Kag ang pagpangawat kag pagpanghilahi, Kag asod-asod ang mga pagpaagay
sing dugo.

Pero bisan amu na ang gin himu sang mga ta Israel, kabaliskaran ya si Hari Josias kay ‘nagpakita
sya sing hustisya kag pagkamatarong,’ sa aamu sina, nagapakita nga kilala niya ang Dios.
Amu gd ina ang mabasa naton sa Dios Jer 22:15.

Sing kaanggid, ang Cristiano nga nakakilala kay Jehova pareho ni hari Josias wala lamang
nagabaton nga Sia ang Soberano sa bug-os uniberso. Paagi sa pagbasa sing Biblia, mahibaluan
sang isa ka Cristiano kon paano ginapakig-angutan sang Dios ang iban, kag gusto niya ilugon
ang iya Amay sa langit. Gani Kada adlaw, samtang ginapamalandungan niya ang mga gusto kag
indi gusto sang Dios, nagadalom pa gid ang iya gugma kay Jehova.

Gani Ngaa makasiling kita nga kilala gid ni Hari Josias si Jehova?

Kay kabalo gd si hari josias nga ANG GUGMA ni Jehovah WALA SING KATAPUSAN.
Kay kong basihan ta ang reperensya, Ang personalidad sang Dios nga ginatawag sa Hebreo nga
che’sedh nagakahulugan sing “mainunungon nga gugma.” Ining Hebreo nga tinaga wala sing
katumbas sa madamo nga lenguahe. Gani sa iban nga teksto ginbadbad ini nga “gugma” kag
“kaayo.” Suno man sa isa ka diksionaryo sang Biblia, ining Hebreong tinaga kombinasyon sang
kabakod, kalig-on, kag gugma.

Gani Mapakita naton nga kilala naton ang Dios kon sundon naton ang iya panuytoy sa tanan nga
aspekto sang aton kabuhi, bisan sa personal nga mga butang sa sulod sang pamilya.

Isa-isahon naton ini nga topico sa sulod sang pamilya, una diri kita sa amay ukon ang bana.

Buksan ta anay ang aton biblia diri sa efeso 5:28, 29( read) suno gd sa nabasa ta nga Ang bana
dapat magpakita sing tulad-Cristo nga gugma sa iya asawa, sa publiko man ukon sa pribado nga
lugar.
Kay gin palig on gd kita sa sini nga texto nga mga Cristianong mga bana, iluga ninyo ang gugma
ni Cristo. Palanggaa ninyo ang inyo mahinadlukon sa Dios nga asawa nga inyo man utod kag
abyan.

Diri naman kita sa asawa.

Buksan ta naman ang aton biblia diri sa efeso 5:22(read) suno gd diri nga Dapat respetuhon sang
asawa ang awtoridad sang iya bana kag buligan ini nga matungdan ang iya papel subong ulo
sang pamilya.
Kag dugang halin sa reperensya nga Gintangdo ni Jehova ang asawa ukon iloy nga mangin
kabulig sang iya bana ukon kaupod nga bagay sa iya. Ginhatagan man sia sing awtoridad sa
pamilya kay ang Biblia nagsambit tuhoy sa “pagtudlo sang imo iloy.” Apang, ang iya awtoridad
kubos sangsa iya bana. Mapakita sang Cristianong asawa ang pagtahod sa awtoridad sang iya
bana kon buligan niya sia nga matungdan ang iya katungdanan subong ulo sang pamilya. Indi
niya dapat paghikayan, diktahan, ukon pangunahan ang iya bana. Sa baylo, dapat niya sia
sakdagon kag buligan. Kon indi sia ugyon sa mga desisyon sang iya bana, mahimo sia
magpanugda sing matinahuron, apang dapat sia gihapon magpasakop sa desisyon sang iya bana.
Pero Kon ang iya bana indi tumuluo, mahimo magaatubang sia sing mga kabudlayan. Apang,
kon mapinasakupon sia, basi pa lang mapahulag ang iya bana nga kilalahon si Jehova.
Dugang pa, dapat likawan sang Cristianong asawa nga kontrahon ukon baison ang opinyon sang
iya bana sa atubangan sang ila kabataan. Kay Kon indi sia ugyon sa desisyon sang iya bana,
dapat niya ini ipakigsugilanon sa iya sing pribado.

Pero gina pasalamatan gd ang mga Cristianong mga asawa sa ila kapisan, kakugi kag pag pa
ubos nga gina pakita sa ila bana, na aprisyar gd na.

Diri naman kita sa mga kabataan.

Dala na ko da. Hehe

Buksan ta liwat ang biblia diri sa efeso 6:1-3(read)suno gd diri gin palig on gd kita mga pamatan
on kag mga bata nga Dapat ang mga kasuguan sa Biblia nga tumanon naton ang aton mga
ginikanan, bisan wala ang aton mga ginikanan, dapat gina sunod naton ang prinsipyo sa biblia.
Suno man sa reperensya nga Mapahalipay gid sang mga kabataan si Jehova kon ginatuman nila
ang ila amay kag iloy. Mapadunggan man nila kag mapahalipay ang ila mga ginikanan. Dapat
mangin matinumanon gid ang mga kabataan ilabi na kon nagasolo lang ang ila ginikanan kay
nahibaluan nila nga mas kinahanglan sang ila ginikanan ang ila bulig kag kooperasyon. Mangin
mahidaiton kag malipayon ang pamilya kon ang tagsa ka katapo sini nagatuman sang ila hatag-
Dios nga katungdanan. Nagapadungog ini sa Tagtukod sang tanan nga pamilya, si Jehova nga
Dios.

Gani tanan kita napalig on nga Makig-upod sa mga nakakilala kag nagahigugma kay Jehova kay
gina paandaman gd kita pirme nga Mapahilayo kita kay Jehova kon nagapakig-upod kita sa mga
ginasikway niya, Lakip sa sini ang aton mga ginaagda sa aton balay para maglingawlingaw.

Gani ginapatalupangod gd sbng nga Kon ginahigugma naton ang ginahigugma ni Jehova,
ginapakita naton ang aton gugma sa Dios.
Bweno mga kauturan, Kon ginapakita naton nga kilala gid naton ang Dios, kilalahon man niya
kita.

Gani, anu matigayon naton kay nakilala naton ang matuod nga Dios amu si Jehovah?

Huo, ANG MGA NAKILALA SA DIOS MAKATIGAYON SING MGA PAGPAKAMAAYO.

Gani bangod gin tun an ta ang parte sa Dios, na kilala mo ngd sya bala? Ukon gusto mo pgd
dugangan ang ihibalo parte sa iya?
Mga abyan kag interesado, pwede nyu ma pamangkot ang tupad nyu nga saksi sang dugang nga
information, ukon pwede man kmo maka kadto sa amon nga website sa jw.org.

Sbng ginapatalupangod gd saaton nga Kon kilala kita sang Dios buot silingon nga nahamuot gid
sia sa aton.
Basahon ta bala ang texto kong anu ang pag palig on sini saaton, diri sa 2cronica 16:9(read) gani
suno gd sa texto nga Mainunungon gid nga nagaulikid si Jehova sa mga kilala niya, gani Ang
pagkilala mo subong kay Jehova magahatag sa imo sing kahigayunan nga makilala pa gid sia
sing walay katubtuban.

Gani ang pamangkot, handa kna bala nga kilalahon sya? Ukon handa kna nga dugangan ang
ihiblo mo parte kay Jehovah nga Dios?

Panikasugi gid nga kilalahon sya, kay ang pagkilala sa iya katumbas sang kabuhi nga wla sing
katapusan.

Maayong hapon!