LAYUNIN NG PANANALIKSIK 1. Matukoy o malaman ang kahalagahan ng tamang pag-unawa at pagmamatnubay sa stress at sa mga epektong dala nito. 2. Maipahayag ang pananaw ng mga mag-aaral tungkol sa stress at iba pang mental illnesses sa pagsagawa ng mga pang-akademikong gawain. 3. Matukoy ang mga solusyon upang makaiwas at mapatnubay ang stress sa mga pang-akademikong gawain. Kaugnay sa gawain sa itaas lapatan ng proseso o pamamaraan ng pananaliksik o metodolohiya base sa sinulat mong suliranin o layunin ng pag-aaral.(Pabalangkas) ''Mga Dahilan ng Stress at Epekto sa Pang-akademikong Gawain ng mga Mag-aaral sa STEM G11 at 12 ng Cagayan National High School." DISENYO NG PAG-AARAL Ang isinagawang pananaliksik ay gumamit ng deskriptibong pananaliksik kung saan ito magagamit upang matukoy ang mga karanasan ng mga mag-aaral ng STEM 11 at 12 ng Cagayan National High School patungkol sa stress. Dahil ang deskriptibong pananaliksik ay ang paglalarawan ng isang penomenong nagaganap kaugnay sa paksa, mailalahad at maitatala ng mananaliksik ang mga sagot ng mga kalaho. Ito ay gagamitan din ng survey questionnaires o talatanungan upang mapunan ng mga respondent ang kailangang impormasyon. KALAHOK AT SAMPLING Ang mga kabilang upang tumugon sa nasabing pananaliksik na ito ay ang mga mag-aaral sa STEM G11 at 12 ng Cagayan National High School. Gagamit ng random sampling ang mga mananaliksik upang maiwasan ang partyalidad at magkaroon ng pagkakapantay-pantay na oportunidad upang gumawa ng mga sample at upang magkaroon ng pagkakapantay- pantay na representasyonng datos. INSTRUMENTO AT DATOS Nagsagawa ang mga mananaliksik ng talatanungan na sasagutan ng mga respondent upang makakuha ng datos tungkol sa paksang pananaliksik na ito. Naglalaman ang talatanungan ng mga tanong na hindi bababa sa 15 na sasagutin ng mga respondent. Ang talatanungan ay nahahati sa 2 bahagi, kung saan ang unang bahagi ay lalagyan lamang ng check mark kung gaano nakaaapekto ang isang sitwasyon sa paggawa ng mga pang- akademikong gawain sa kanila. Ang pangalawa naman ay isang open-ended na talatanungan kung saan malaya ang mga respondent na sumagot sa ilang mga katanungan patungkol sa paksa. PARAAN AT PAGSUSURI Limitado ang pagkuha o pagpili ng mga kalahok na mula lamang sa mga mag-aaral sa STEM G11 at G12 ng Cagayan National High School. Mula sa napiling kalahok ay magsasagawa ng pananaliksik at pagunawa sa mga resulta ng survey. Ang mga sagot ng kalahok ay irerecord at ita-tally batay sa kanilang pagkakapareho at pagkakaiba ng kanilang mga naging sagot. Ang mga sagot naman sa open-ended na talatanungan ay magagamit sa deskriptibong pamamaraan upang mas lumawak ang sakop ng pananaliksik na ito at hindi lamang nababatay sa paksa ng stress.