Aso

Adda asok a nagaget,

nalukmeg ken nasingpet.
Abe ti naganna nangisit ti
marisna.
 Baboy
Adda baboyko a balkasia
innem ti buriasna.
Dagiti burias nalulukmegda
gapu ta nalaing nga agaywan
ni balkasia.
 Calamansi
Ti calamansi ket nabaknang
ti bitamina C.
Lappedanna ti sakit nga
Iskerbi.Intay ngarud mulaan
ti bakante nga arubayan
tapno addanto pagburasan
kadagiti aldaw a masakbayan.
 Dagum
Bassit a banag ti dagum
ngem dakkel ti inna
maitulong. Adu ti madaitna
nga usarmi ken ina.
 Elena
Ni nana Elena managayat
ken nadungngo nga ina. Adu
ti gagayyemna a
pakairamanan da maestro ken
maestra.
 Filipino
Datayo a Filipino
mannakitinnulong ken
managsangaili. Isu ti
pakaidumaan tayo kadagiti
sabali a puli.
 Gangsa
Ti gangsa napintas a
pagtukaran naaweng uray
adayo inka mangngegan.
Nalagda uray matinnag saan a
maan-ano.Saan nga ibain
masapul nga ipategtayo.
 Hardin
Ti hardin a pagay-ayamak
nadumaduma ti mulak.
Natnateng a makapasalun-at ken
masmasetas nga agkakapintas.
Maikkat ti bannogmo no masay-
opmo ti ayamuom dagiti sabong a
nabanglo.
 Ili
Ilimi a Sigay umaykayo pumasiar
Kadagiti napintas a buya,dissuor
makapabang-ar.
Napintas ti bumatok iti nauneg a
ban-aw, aglugan ti balsa
makaparay-aw.
Jos e

Rizal
Nailian a banuar ni Dr.Jose
Rizal.Dagiti nasayaat ken
kinabanuarna intayo iyadal.
Kadagiti ubbing iti pagadalan
ta isu ti inda pagulidanan.
 Kamote
Ti kamote ket nasustansia.
Makan wenno masida ti bagas
ken uggotna.Agmula tayo iti
arubayan tapno adda daras nga
intay pagalaan.
 Laya
Laya ti maysa kadagiti produktomi.
Mailakoda iti kabangibang nga ili.
Adu ti pakaaramidanna
salabat,kendi ken sabon a
pagpapudaw iti rupa ken pagtapal
pay ti naut-ot a rayuma.
 Manang
Mila ti nagan ni manangko.
Nagaget,nasingpet ken
nadungngo.
Tuladentayo ti kababalinna ta
isu ti pagayatan ti Apo a
namarsua.
 Niog
Nagmula ni Nognog ti niog a nalayog
Inmulana daytoy idiay Malayog.
Ti niog ket naserbi mausar amin a
pasetna manipud ramut agingga iti
bulongna.
 Ngipen
Dagiti ngipen masapul nga
aywanan
Kalpasan ti pannangan dagitoy ket
gisigisan.
Tapno natibker a kanayon
kasapulan ti bitamina ken calcium.
 Quintin
Ni apong Quintin kanayon a
palagipannak.
Nga agsingsingpet ken
aggaggagetak ta daytoy ket
pagsayaatak iti inaldaw nga innak
panagbiag.

Rabong
 Rabong ti sindak itay agsapa.
Nasagpawan daytoy ti saluyot
ken tinuno a sida.
Naimas ti rabong a sidaen
Gagayyemko inkay met padasen.
 Sapatos
Adda sapatosko a nalabaga.
Inted daytoy ni apong Kulasa.
Inaldaw nga usarek a mapan
agbasa.
Magusgustuak ngamin ti marisna.

Oras
 Adda pagsasao a kunana,
ti oras magmagna,ti tao
maimbierna.
Ti oras ket napateg saan nga
itungtungkua,
Dagiti maaramidam ita saanmon
nga ipaagsapa.
Kasta met nga ikkantay latta ti
oras ti panagyaman iti namarsua.

Paskua
 Ti Paskua ket tinawen a
padaanan.
Isasangbay ti Mesias a nadiosan.
Agragragsak ti sangalubongan
Ta ni NiÑo Jesus ket addan.

Tak-aba ( Dragonfly )
 Tak-aba tumayabda nga
agpangato ken agpababa.
Rosas, asul ken maris balitok ti
payyakda.
Dagitoy ket dakkel ti maitulongda
ta sepsep ken lamok ket kanenda.

Ullaw
 No tiempo iti kalgaw
agpatpatayab kami ti ullaw.
Iti arubayan ti kalapaw kaduak da
manong Sagmayaw.
 Wasay
Wasay ti us-usaren ni tiyong
Waldo a pagbalsigna iti kayo.
Natadem ti ngipenna ta kanayon a
maasa.

Yayas ( Cicada )
 Ti yayas ket bassit nga
insekto
Ngem ti unina napigsa
makaistorbo. Adu ti masikuran
aglalo no tiempo iti pannangan.

NIÑO
 Ni ading NiÑo ti inaudi a
kabsatko.Nasingpet nga ubing
ken nalungpo.Natalna nga
agay-ayam uray awan
kaduana.Napnek la ket a
naturog ken nabsog isuna.
 Zebra
Ti zebra ket puraw ken
nangisit ti marisda,
Naibarakos dagitoy iti
bagida.Babbabassit ken kasla
Kabalio ti langada,naggapu
dagitoy iti pagilian nga Africa.

XYLOPHONE
Xylophone ket maysa kadagiti
instrumento iti musika. Pak-
ulan dagiti trangka tapno
rumuar ti unida.Umayka
gayyemko ta agsanayta ta
mairamantanto
nga agtukar inton madanun ti
intay panagpiesta.

Vinta
Nagduduma ti maris ti layag
dagiti vinta. Vinta ket maysa a
klase ti bangka.Dagitoy ti
maysa a mangpapintas ti
baybay iti Mindanao nga
aramid dagiti Moro ken
Sama-Badjau.