Əmək pensiyası ilə sosial müavinətin fərqi nədir?

5976oxunub
 Facebook

 Twitter

 Whatsapp

 Telegram

Bir çox hallarda vətəndaşlarımız əmək pensiyası və sosial müavinəti bir-birindən

fərqləndirməkdə çətinlik çəkirlər.

Əmək pensiyası vətəndaşlarımızın illər ərzində göstərdiyi əmək fəaliyyətinin nəticəsi

olaraq ümumi əmək stajına əsasən təyin olunursa, sosial müavinət əmək pensiyası
üçün tələb olunan staj və pensiya kapitalı olmayan vətəndaşlarımıza dövlət tərəfindən
edilən sosial yardım mexanizminin bir parçasıdır. Bir sözlə, əmək pensiyası kifayət
qədər stajı olan, sosial müavinət isə minimum stajı olan və ya heç vaxt işləməyən
insanlara təyin olunur.

Bəs sosial müavinət alan insan əmək pensiyasına keçid edə bilərmi?

Bilindiyi kimi, əmək pensiyasının məbləği müavinətin məbləğindən bir çox hallarda
daha yüksək olur. Bu səbəbdən sosial müavinət alan insanlar əmək pensiyasına keçid
etməkdə maraq göstərirlər. Bəs qanunvericilik buna nə deyir? Aşağıdakı hallarda sosial
müavinətdən əmək pensiyasına keçid etmək mümkündür:

1. Uşaqlıqdan sağlamlıq imkanları məhdudluğu müəyyən olunan şəxs müəyyən dövrdən sonra 2-ci və ya 3-cü qrup əlilliyi
müəyyən olunmuşdur. Həmin gəncin səhhəti imkan vermiş və əmək fəaliyyəti göstərmişdir. Əgər 30 yaşına çatdıqda ümumi 5 il
stajı və fərdi hesabında 9000 manat pensiya kapitalı toplayarsa, əlilliyə görə sosial müavinətdən əliliyə görə əmək pensiyasına
keçid edə bilər.
2. 57 yaşına çatan qadın 3 övladı olduğuna və müavinət yaşı çatdığı dövrdə işləmədiyinə görə yaşa görə sosial müavinətlə təmin
olunmuşdur. Həmin qadının keçmiş dövrdə minimum 25 il stajı mövcud olduğu və əmək pensiyası yaş həddinə çatdığı halda yaşa
görə sosial müavinətdən yaşa görə əmək pensiyasına keçə bilər.

Bu misaldakı qadın vətəndaşımızın əgər 1 yanvar 2006-cı ildən 1 iyul 2018-ci ilədək fərdi hesabında minimum pensiya kapitalı
varsa, ona 2006-cı il tarixədək 25 il stajın tanınmasına yol verilmir.