GENERAL INTRODUCTION

Feast of Our Mother of Perpetual Help

June 27, 2022

“Ad Jesum per Mariam.”

Ni Maria ti mangiturong kaniatayo kenni Jesus nga anakna ket Apotayo. Datayo a kristianos ket
naikkan ti nainaan nga ayat ken napaypaysu a pammati gapu kenni Apo Sta. Maria. Nainaan
gapuanan ta isuna ti mangtagtagibin kadatayo nga agturong ti pagayatan ti Apo. Napaypaysu a
pammati, gapuanan ta ti aramidna ket isu ti kabuklan ti pammatitayo ti Dios, natudyo ken
napudno nga agserserbi ti Apo.
Ita a Fiesta ti Ina nga Agnanayon a Tulong, maipalagip ti nainaan ken napaypaysu a pammati
kadatayo a pasurot ni Apo Jesus. Agbalin koma ngarud daytoy nga instrumento tapno
maiyasidegtayo iti Apo.
Tumakdertayo ket intayo padayawan ti Rambak Eukaristiya nga idauloan ni Reverendo Padre
Danilo Devaras, a bayabayen ni Revendero Padre Richmond Balicoco.

Readings Introduction
Ti umuna a maibasa ti libro ni Amos, maipalagip kadatayo a ti Dios ket hustisia. Isuna ti agturay
ket saanna pasingkedan dagiti mangitagtag-ay bagbagina. Iti kasta, masursurotayo koma ti
agbalin a napakumbaba iti tunggal maysa.
Ti salmo, maipakdaar no anat kababalinan kadagiti tattao no talikudanda ti Dios.
Ti ebanghelio, ibagbaga ni San Mateo a no siasinno man a sumurot ti Apo, masapul a
talikudanna dagiti naindagaan a bambanag, ngem iti dalan ket saan a makapainana.
Intayo dumngegtayo kadagiti maibasa.