RIZA G.

RONCALES MAED -FLT

PANUNURING PAMPANITIKAN

PADUL-ONG FESTIVAL
(Hinubad ha Waray-Waray ni Riza G. Roncales)

Mayda usa nga babaye didto ha Portugal nga naghahanyo hin bulig dida hin usa
nga kapitan hin barko nga kun puydi kuno hiya makasakay tipakanhi ha
Pilipinas.Dara kay maaram man an Kapitan han barko nga dapat mga lalaki la an
iya mga sakay waray hiya tumugot nga pasakyon an babaye.Nahunahuna niya nga
dere tama ngan dre maupay kulawan nga magsakay hira hin nag-uusahan la nga
babaye ha ira barko nga kaupod in damo nga kalalakin-an.

Nagpadayon nga nakadto pa hin pira ka oras an Barko ha Port Portugal dara kay
maraotdaot an panahon wara hira makakabyahe.Dumalig-at pag pahuway ngan
kumaturog an Kapitan han barko.Hasta nga linangkag hiya nga nadedelatar na an
ira beyahi, nag-abre hiya ha iya bintana para kulawan kun maupay na an
panahon, sobra an iya kalas han iya pagkita-a han babaye nga mahulos na ,
humoy hin duro ngan ginpapangadal na han kahagkot nga inaabat,napuroko pa ini
ha iya mga bagahi.Hiton nga higayon nakonsensya an kapitan han barko iya
linusad an babaye ngan iya ini binuligan nga makasakay ha barko nga ira
sinssakyan.Iya ini nga babaye gintago ha lain nga luyo nga Cabin para dire
ini kitaon ngan mahipaawod han iya mga urupod nga kalalakin-an dara hin ka
inosente hini nga babaye.

Tigda nga inupay an panahon, nagmingaw an mga balud ha dagat. Andam na hira
magbyahe tipakanhi ha Pilipinas. Nagin Maupay an ira nga inabot hin usa ka
bulan, ngan dida pala liwat hinumdumi han kapitan han barko nga mayda ngay-
an hadto niya bisita nga babaye didto ha luyo nga Cabin, nahingalimtan ini
niya pagtagi hin pagkaon ha bug-os nira nga beyahe. Largo ini niya
ginpanginano, ngan dako an iya kahadlok dara kay an iya bisita nga babaye in
naraptay na ha salog, Patay.Napansin han kapitan han barko an mga bagahe han
babaye- usa nga porma rektanggulo nga kahon nga hinimo tikang hin kahoy nga
may-ada surat nga gintutuuhan nga ini an lugar nga uuli-an han babaye, ngan
ini an ira magigin giya kun diin nira dadad-on an babaye. Pero , an mga
letra nga nakasuart han kahon in napapara na waray na haros kababasa: NUESTRS
SEÑORA DE BR…
Ha ira pagsulod ha Pilipinas, wara ha dereksyon an puntariya han ira barko
nga sinasakyan, wara hira pakakatul;tul kun tikain, damo na nga dereksyon an
ira gn tistingan pero sobra hin kamakuri nira beyahi-on. Hasta nga inatubang
hira ha Este nga dapit han kapuluan nga ira gintatatadong an Isla han Samar-
nag iba an ira pagbyahe – nagin mahinay, daw sugad hin nasuong hira hin usa
nga maminangaw nga kabaybayunan nga yna tinatawag nga PUNTA MARIA. Nabasa nah
in maupay an inkripsyon : “Nuestra Señora de Borongan.” Ngan nagpakiana hira
ha mga tawo kun ano an ngaran didto nga lugar an sagbang han mga tawo
“Borongan”. Pinaagi han sagbang han mga tawo nasulbar an ira problema han
kapitan. Ngan ginmanduan han kapitan an iya mga tawo nga idiskarga an mga
bagahe. An mga tawo didto ha Punta Maria in sobra an kalipayan ngan pagrayhak
ha ira mga kasinkasing nga naghuhulat kun ano an sulod hadto nga kahon nga
rektanggulo.Ngan sobra an ira kalipayan nga han pagabrehi han kahon ira
kinita in usa nga maanyag nga imahen han Birhen.
RIZA G. RONCALES MAED -FLT

PANUNURING PAMPANITIKAN