Sabbath Ultimatum

Diogo- Al Sarsalejo
Nayara (Diogo’s Wife)- Sharmaine Pasague
Aunt- Jacquelyn
Gasoline shop Owner- Vj Sarsalejo
Extras: Yvonne & Ate Flor, JayR

Narrator: Sa usa ka lugar sa Brazil adunay bag-ong kasal nga mag tiayon nga sila Diogo ug Nayara.
(Character enter the scene)
(Act like a couple)
(Change mood)

Tungod sa ilang kalisud mi disisyon sila sa pag hawa sa gidak-an nga lugar sa Brazil. Mi adto sila sa sa usa
nila ka iyaan nga misugot sa pagpapuyo nila ug libre. Anaang panahona si Diogo kay usa pa ka intern.

(Enter ante, act like a family)

(Adlib ante, approving their stay or her home)
(Act like entering the house: Transition)

Usa ka adlaw niana, na sayran ni Diogo nga buros si Nayara ug kini gikalipay sa maong magtiayon.
Tungod niini, mi disisyon si Diogo nga mangita ug trabaho nga maka sustento sa mga panginahanglanon
nila ug sa ilang umalabot nga anak.

(Improvise action like ga care ug pregnant woman, sit in a chair)

(Padung na ug katulog)
(Transition: Solo time for Diogo)

Usa sa mga pangandoy ni Diogo ang maka angkon ug kaugalingong negosyo para sa ilang pamilya. Usa
ka gabii, mi dangop si Diogo sa Ginoo pinaagi sa pag-ampo…

Diogo: (Prayer about their situation and surrendering his plan to the will of God) Ginoo nga
makagagahum sa tanan, ako nagaduul karon ug naga sangpit sa imong tabang alang niing among
sitwasyon. Ikaw na sayod Ginoo sa akong handum sa akong pamilya ug sa akong pangandoy nga
panginabuhian. Busa nangayo ko sa imong tabang Ginoo nga makakita ko ug trabaho nga makatabang sa
pag sustinar sa among gikinahanglan ug para maka ipon kami alang sa among handum nga bakery. Busa
Ginoo ako kini itugyan ang tanan sa imong kabubuton uban sa kapasayloan sa akong mga sala sa buhat,
pulong, ug panghuna-huna, pinaagi sa ngalan ni Ginoong-Jesus akong personal nga mangluluwas. Amen.
(Exit)
(Transition to finding work)
(Extras will serve as employers that declined Diogo in working for them)

Narrator: Wala nahimong sayon ang pangpangita ug trabaho ni Diogo tungod sa iyang prisipyo nga dili
pagtrabaho sa adlawng Sabado. Walay nagpakita ug interest sa pagdawat ug mga Adventista sa maong
lugar tungod sa rason nga dili sila maka trabaho sa adlawng igpapahulay sugod sa pag salop sa adlaw sa
Biyernes hangtud sa pagsalop sa adlaw sa Sabado.

Apan wala na wad-an ug paglaum si Diogo ug siya nagpadayon ug ampo sa Ginoo.

(Looking to the sky with a hopeful expression)
(Exit)

Usa ka adlaw niana, naka dawat si Diogo ug tawag gikan sa usa ka gas station nga nangita ug gwardya.
Iya dayon gi ingnan ang tag-iya sa iyang prinsipyo sa isip Adventista.
(Transition)
(Diogo enter; Owner Enter)
(Calling from the phone; facing opposite)

Diogo: Sir usa diay ko ka Seventh-day Adventist ug akong ipahibalo sa imo nga dili ko maka trabaho
matag Sabado sir kay kini mao ang adlawng igpapahulay sir.

Owner: Mao ba, cge ani nalang, ako nalang na ihatag sa imo as day-off nimo taga semana ang Sabado ug
mag trabaho ka sa ubang adlaw.

Diogo: Mao ba sir? Maayo kaayo nan ga balita para kanako sir.

Owner: Sige, pwede naman kaha ka maka sugod dayon?

Diogo: Pwede na kaayo sir, salamat kayo sir.

(Exit Owner; Nayara enters and DIogo shares the good news (actions))

Narrator: Dako ang kalipay ni Diogo sa nabatnan nga trabaho sa maong gasoline station. Apan adunay
usa ka apan ug mao kini nga ang lugar sa gasoline station kay layo sa ilang balay.

Kada gabii ang duty ni Diogo ug siya gabiyahi kanunay gamit iyang motor ngadto sa maong gasolinahan.
Bisan paman ug delikado ang pag biyahe ug delikado sab ang iyang trabaho, nagpadayon gihapon si
Diogo sa pag trabaho sa maong gasoline station.

(Transition; Diogo goes to work (action riding a motor bike)

(Guarding gasoline station)

Usa ka adlaw niaana, gi tawag si Diogo sa maong tag-iya sa gasolinahan…

(Enters the owner)
(Diogo face to face with the owner)

Diogo: Unsa man ato sir?

Owner: Magapa hibalo unta ko nimo nga dili na ko mag hatag nimo ug day-off sugod karon. Kinahanglan
na nimo mu trabaho sa adlaw nga Sabado.

Diogo: Hala sir di raba jud ko pwede maka trabaho anang adlawa kay adlawng igpapahulay namo na sir.

Owner: Way ko’y ma buhat ana Diogo. Unsa man mu trabaho ka sa Sabado or tangalon nalang tika sa
imong trabaho?!

Diogo: Pasayloa ko Sir apan wala jud ko’y mabuhat ana. Dili na ko pwede mu trabaho dinhi sa imong
gasoline station.

(Diogo turn his back to the owner then exit the scene)
(The owner exit in opposite direction)

Narrator: Tungod niini panghitabo, nawad-an ug trabaho si Diogo. Apan niini usab nga mga panahon,
ang simbahan adunay gi-organisar nga usa ka programa nga gi nganlan ug Caleb Mission Project. Kining
proyekto usa sa mga inisyatiba sa South American Division nga nag dasig sa mga miyembro sa maong
simbahan nga mu apil sa community outreach pinaagi sa pag bisita sa mga kabalayan, pag bible study,
ug uban pa nga may kalambigitan sa pagministeryo ngadto sa uban.

(Diogo and Nayara goes to church)

(Extras will serve as the brethren of the Church)
(One extra announces the about the Caleb Mission Project)

(Announcement: extra)

(Strolling with Nayara in deep thoughts)

Tungod kay sukad pa sa una, kalipay na gyud ni Diogo ang pag apil-apil sa mga buluhaton kabahin sa
community service, iya kini gi sugilon sa iyang asawa

(Couple enters their home, and sits face to face with each other)

Diogo: Mang nag plano ko ba nga mag apil atong Caleb Mission Project

Nayara: Nindot baya gyud siya pang, labi na kay ganahan jud ka ug mga community services nga mga
program.

Diogo: Sakto pud nga karon wala pa pud ko’y trabaho, naa ko’y panahon nga maka apil ani, pero…

Nayara: pero unsa man Pang…

Diogo: ang gastohanan nato ana ba, naa pa si baby. Tapos volunteer work baya ni siya, so ako ang mag
gastos ani sa akong kaugalingon, sakto-sakto ra baya ni atong kwarta Mang. Naa pa jud si Angel (baby)
tapos kadtong pangandoy nato nga bakery.

Nayara: Ato nalang usa na e ampo sa Ginoo Pang kung unsa jud ang maayong buhaton…

(Praying)

Narrator: Human sa makadaghan nga ampo, mi desisyon si Diogo nga mo apil sa Caleb Mission Project
isip usa ka volunteer niining programa.

(Spacing out; looking far away)

(Approach by his wife)

Nayara: Unya pang unsa man, mu apil ka?

Diogo: Mang akong gi bati nga kabubut-on ni sa Ginoo nga aduna ko’y daghan nga panahon aron maka
apil ani nga programa, busa ako ni itugyan sa iya ug mag volunteer ko ani nga programa Mang…

Nyara: Sige pang, supportahan tika anang imong disisyon…

Narrator: Ug tungod ana ning boluntaryo si Diogo sap ag apil sa Caleb Mission Project

(Caleb Mission Project portrayal: walking towards the community conducting bible study)
(Extra enters serve as the people of community)
(Act: conducts bible study)
(Transition; walking towards their home)

Narrator: Nahuman ang programa nga adunay kalipay sa kasing-kasing si Diogo. Sa iyang pag uli, iyang
nasayran nga aduna pay nabilin nga 700 Brazilian real ($135) or 7,515 Php dha sa iyang pitaka. Ug,
pinaagi niini nga kantidad, iyang gisugdan ang iyang plano nga Negosyo.

(Ad lib conversation on wife and husband)

Ang Dios nagmatinumanon kang DIogo. Sulod sa upat ka tuig, nakapanag-iya si Diogo ug usa ka
malambuun nga bakery. Isip usa ka layko, ga pangulo pud siya ug atong iglesia sa Brazil. Matag tuig, ang
simbahan sa Brazil ga organisar sa Caleb Mission Project nga nag resulta sa pagpa bautismo sa mga
batanon niadtong lugara. Matud pa ni Diogo…

“Akong nakat-unan nga kon kita magmatinud-anon sa Dios, ang Diyos mao ang mag-atiman kanato.”

Parte sa atong halad sa ika-trese nga sabado ang maadto sa Brazil sa pagtabang sa pag tukod ug mga
bag-o nga mga simbahan didtong lugara.
Atong hinumduman nga mga igsoon nga sama sa kinabuhi ni Diogo, kung kita muhatag sa atong
panahon ug kwarta diha sa Ginoo, walay magmakulang kanato.

Salamat ug maayong adlawng igpapahulay