Ing dalem wakdal ingkang berbahagiya niki, monggo kula lan panjenengan sedaya ngucapaken raos syukur dumateng ngersanipun Allah swt ingkang sampun maringi nikmat lan rahmatipun arupi sehat badan, lan nikmat ingkang langkung niku inggih menika arupi nikmat kemerdekaan bangsa Indonesia. Lan dinten niki kita sedaya ngengeti dinten ulang tahunipun ingkang kaping 77. Mugiya bangsa Indonesia niki langkung jaya lan raos tenterem, adil lan makmur. Shalawat lan salam mugiya tetep dipun paringaken dumateng nabi kita Muhammad SAW, keluarganipun, para sahabatipun, ugi kaum muslimin sedaya ingkang estu-estu purun ngelampahi ajaran-ajaran Islam ing dalem gesangipun. Mugi-mugiya kita sedaya dados umat beliau ingkang purun ngelampahi ajaran Islam kanti leres lan estu-estu ing dalem gesang niki. Para rawuh sedaya ingkang kula hormati. Ing dalem wakdal ingkang berbahagiya niki, mangga kita sedaya raos syukur ateges ngelampahi napa ingkang sampun dipun paringaken bangsa Indonesia arupi kemerdekaan niki. lan kita sedaya sampun sumerap, mbok bilih saben tahun kita tepatipun wulan Agustus ngengeti dinten ulang tahunipun. Sedaya niku ngerupekaken kagem ngenang malih peristiwa lan pinten- pinten kedadosan wakdal semanten. Semanten ugi kita dados tiyang Islam ngerupekaken kewajiban nggali pinten-pinten nikmat ingkang sampun dipun paringaken dumateng kita sedaya lan ugi dumateng sedaya bangsa Indonesia. Nikmat arupi kemerdekaan ingkang sampun dipun paringaken dumateng kita sedaya khususipun lan sedaya bangsa-bangsa Indonesia umumipun niku ngerupekaken setunggaling nikmat ingkang paling ageng selaku bangsa Indonesia. Mila saking niku, insya Allah kelawan ngelampahi kados niku negari bade langkung cepet nuju ingkang dipun cita-cita-aken dados negari ingkang aman lan tenterem, adil lan makmur sedaya masyarakatipun. Para rawuh sedaya ingkang kula hormati. Mugiya kita sedaya saget ngisi kemerdekaan niki kelawan kesahenan. Akhirul kalaam.