Professional Documents
Culture Documents
UCCP Statemen of Faith
UCCP Statemen of Faith
Mamati kami
Iti Maymaysa a Dios: Mamarsua, Mangisalakan, ken Mamagbiag, nga isut' mangted
urnos, panggep, kaipapanan ken pannakaan-anay ti isuamin a nakaparsuaan.
Timmao ti Dios babaen ken Jesu-Kristo a nayanak ken Maria, ken isut' Apo ti biag ken
pakasaritaan.
Adda ti Dios ditoy lubong babaen iti Espiritu Santo a mangpabpabileg ken mangidaldalan
kadagiti namati tapno maawatan ken maibiagda koma ti pammatida ken Jesu-Kristo.
Mamati kami
nga pinarsua ti Dios dagiti tattao a kaladladawanna ken naitudingda nga agbiag kas maysa a
komunidad a kaduada ti Dios, dagiti padada a tattao, ken ti isuamin a nakaparsuaan.
Gapu't panaglabsingda, nagbalinda a managbasol, ngem gapu't parabur babaen iti pammati,
naisalakanda ken Jesu-Kristo.
Agsipud ta naikomit kadakuada dagiti pinarsua ti Dios, naayabanda ngarud a makiraman iti
pannakaibangon ti maysa a kagimongan a nalinteg ken naasi.
Mamati tayo: a ti Iglesia ket isu't maymaysa a bagi ni Kristo, ti sibubukel a komunidad dagiti
tattao a naikappia iti Dios babaen ken Jesu-Kristo, ken naikomit kadakuada ti nadiosan a
ministerio.
Mamati tayo: a ti Nasantuan a Biblia ket maysa a napudno ken nainspiraran a saksi iti
panangipakita ti Dios ti kinasiasinona babaen ken Jesu-Kristo ken babaen iti pakasaritaan, tapno
malawlawagan, maidalan, maator, ken maitag-ay koma ti pammati ken panagsaksi dagiti namati.
Mamati tayo: a ti Dios agtatrabaho tapno pagbalinenna ti tunggal maysa a baro a parsua ken
Kristo, ken ti sangalubongan a pagarianna, a sadiay agari ti ayat, kinalinteg, ken talna. Ti
pagarian ti Dios ket adda iti sadinoman a pakaibingayan ti pammati ken Jesu-Kristo, iti
sadinoman a pakaagasan dagiti masaksakit, iti sadinoman a pakataraonan dagiti mabisinan, iti
sadinoman a pakalawlawagan dagiti bulsek, ken iti sadinoman a pakawayawayaan dagiti balud
ken mailupitlupit.
Amen.