UB’IX RI IXIM ULEW
Ri atz’yaq awetal je’ kka’y uwo kaj
Ri Siwan Tinimit kki’kotik
Maj wi jun kb’anow k’ax chawe;
Maj wi jun qawinaq kuriq k’axk’olil
Maj wi b’anal k’ax pa ri q’atb’altzij.
We k’u chue’q ri loq’alaj awulew
Ek’o winaq kkaj kka’n k’ax che,
Karapop k’u na ri awetal atz’yaq
Ke’asik’ij ri awalk’wa’l che ato’ik.
QONOJEL
Karapop k’u na ri awetal atz’yaq
Ke’asik’ij ri awalk’wa’l che ato’ik;
Xa rumal uk’anil ri atinamit
Nab’e kekam na choch ri k’ax.
Rumal ri q’el kowilaj jat’ib’al awe
Xchakux ri b’anb’al tajib’al ri ulew,
Xuquje’ ri t’ist’ik ch’ich’ tob’al awe
Ruk’ aq’ab’ katajij ch’uch’uj ulew.
Ri ojer taq winaq e k’amal taq b’e
Ruk’ ronojel kanima’ xatkich’ojij,
Maj kikik’el xkichikoj che ri ach’akik
Xatkiya’ pa utzalaj K’olib’al.
QONOJEL
Maj kikik’el xkichikoj che ri ach’akik
Xatkiya’ pa utzalaj K’olib’al,
Xa rumal kichuq’ab’ ri nima’q winaq
Ri xkiya’ uk’aslemal kirayib’al.
Ri usaqil ri awetal je’ kape sutz’,
Toq’ob’ kiwach ri e ch’ujirnaq winaq
We kakaj kkitz’ilob’isaj awach.
Ri awalk’wa’l ri k’o sib’alaj
kichuq’ab’
Kkaj ri ja’maril chaqaxo’l,
We rajawaxik qonojel katqach’ojij na
Che uto’ik ri qachoch ruk’ ri qulew.
QONOJEL
We rajawaxik qonojel katqach’ojij na
Che uto’ik ri qachoch ruk’ ri qulew,
Ri qarayinik are ri utzil ruk’ ja’maril
Ri akumuk tinimit akumuk.
Le aninaq cho ri jun nimalaj juyub’
Chikixo’l ri keb’ nima’q taq plo,
At k’o chuxe’ ri rax je’lajaj uxik’
Katuwartisaj jun jelalaj Q’uq’.
Ri je’lik jun Q’uq’ k’o pa awetal
Katukol n acho ri b’anal k’ax,
Karaj ta ne’ kupaqab’isaj ri urapinik
K’a chikaj na choch kuntur ruk’ ri
xik.
QONOJEL
Karaj ta ne’ kupaqab’isaj ri urapinik
K’a chikaj na choch kuntur ruk’ ri xik
Pa ri uxik’ kuwalisaj k’a chi la’ chikaj
Ri ab’i’ junlik SIWAN TINIMIT.