KASAULOGAN SA PULONG

Mga kaigsoonan,gitigum kita dinhi ni Jesukristo isip iyang katawhan aron

pagsimba sa atong langitnong Amahan.
Sa ngalan sa atong kura paroko nga si Padre___________________,ako kamong
dawaton nga puno sa kahinangop dinhi sa atong kasaulogan karong adlawa.

Or

Mga kaigsoonan, ang Ginoo nagadapit kanato sa pagpamati sa iyang pulong ug sa

pag-ambit sa sakramento sa iyang gugma. Ato siyang daygon tungod sa iyang
dakung kaayo alang kanato.

3. Human sa pangatahuran, ang pangulo moingon:

Diha sa pagbunyag, namatay kita sa sala ug nahimo kitang bag-ong mga binuhat.
Apan kon kita nakasala, mituo kita nga ang atong Ginoong Jesukristo sa kanunay
nangaliya alang kanato ngadto sa Diyos.
Karon mangayo kita ug pasaylo sa Diyos aron mahimong hingpit ang kalipay sa
atong kasaulogan karong domingoha (adlawa).

Tanan:
Nagakumpisal ako sa Diyos nga makagagahum sa tanan , ug kaninyo mga igsoon
kay nakalapas ako ug daku uyamot sa hunahuna, sa pulong, sa buhat ug sa wala
pagbuhat sa angay'ng buhaton. Kay akong sala, akong sala, akong dakung sala,
Busa, nangamuyo ako kang Santa Maria, Kanunay'ng Ulay, sa tanang mga Anghel
ug mga Santos ug kaninyo mga igsoon, aron inyo akong iampo sa Ginoo nga atong
Diyos.

4. Dayon ang pangulo moingon:

Ang Dios nga nahigugma pag-ayo sa kalibutan, malooy unta kanato nga iyang
katawhan ug pasayloon ang atong nga kasal-anan, ug paambiton unta kita niya sa
kinabuhing dayon.
5. Isunod dayon ang “Ginoo kaloy-i kami" (mahimonglitukon
lamang o awiton):

Ginoo, kaloy-i kami. Ginoo, kaloy-i kami.

Kristo, kaloy-i kami. Kristo, kaloy-i kami.
Ginoo, kaloy-i kami. Ginoo, kaloy-i kami.

6. Isunod dayon ang “Himaya sa Diyos. ” (mahimong awiton o

litukon lamang kung dili mahibalong moawit ang katilingban.
(Sa panahon sa kwaresma dili kini paga-awiton)

Himaya sa Diyos didto sa langit ug kadait sa iyang mga tawo dinhi sa yuta....

LITURHIYA SA PULONG

7. Samtang nagbarog ang katawhan, ang pangulo muadto

sa atubangan sa altar ug mokuha sa leksyonaryo o bibliya.
Kinuptan ang bibliya o leksyonaryo sa iyang duha ka kamut
moatubang sa katilingban ug moingon:

Mga kaigsoonan, atong pasidunggan karon ang Balaang Kasulatan nga maoy
atong giya sa Kristohanong pagkabalaan. Ang mga pulong nga atong madungog
mutuhop unta sa atong kasingkasing ug salabutan.

＊unya ang pangulo moisa sa leksyonaryo o bibliya samtang

ang katawhan mag-awit  ug haum nga alawiton sapagdayeg. Human sa venerasyon
ihatag sa pangulo ang leksyonaryo o bibliya sa magbabasa ug moingon:

Mga kaigsoonan manlingkod kita ug atong paminawon ang mga pulong sa Ginoo

8.UNANG PAGBASA
Ang magbabasa mopadayag sa pagbasa pinaagi sa pag-ingon:
Kinutlo gikan sa.。.
Human sa pagbasa moingon: Ang Pulong sa Ginoo. Ang katilingban motubag:
Salamat sa Dios.
9. SALMO RESPONSORYO
Human sa makudiyot nga kahilum, awiton o basahon ang salmo responsoryo gikan
sa leksyonaryo o bibliya.

10. IKADUHANG PAGBASA

Kon adunay ikaduhang pagbasa, ang tigbasa mopadayag niini sama sa unang
pagbasa.

11. Alelluya
Manindog ang tanan ug mag-awit ug alelluya; sa panahon sa kwaresma, ang gamit
on, usa ka awit sa pagdayeg nga walay “Alelluya.”

12. EBANGHELYO
Ang pangulo sa kasaulogan dili mo ingon “ang Ginoo maanaa kaninyo" sama sa mga
pari, kondili mopadayag sa ebanghelyo pinaagi sa pag-ingon:

Ang santos nga ebanghelyo sumala ni San....

Ang katawhan mutobag: Himayaon ikaw,O Ginoo. Inigkahuman sa pagbasa ang pangulo
moingon:

Ang maayong Balita sa atong Ginoo.

Ang katawhan mutohag: Daygon ikaw, O Kristo.

13. Homiliya
Human sa ebanghelyo, ang pungulo mobasa sa inamdam nga homiliya sa kura paroko o
mopaamhit sa iyang pamalandong sa gibasa sumala sa pagtugot sa kura paroko.

14. Pagpadayag sa Pagtuo

Tanan:
Nagatuo ako sa Dios, ang Amahan nga makagagahum sa tanan, Magbubuhat sa
langit ug sa yuta. Nagatuo ako kang Jesukristo, Iyang bugtong Anak, atong Ginoo,
gipanamkon siya sa lalang sa Espiritu Santo, natawo gikan ni Maria nga ulay,
gisakit sa sugo ni Poncio Pilato, gilangsang sa krus, namatay ug gilubong, miadto
siya sa nangamatay, sa ikatulo kaadlaw nabanhaw siya. Misaka sa langit, ug
nagalingkod sa tuo sa Amahan nga makagagahum sa tanan.
Mobalik siya aron paghukom sa mga buhi ug sa mga minatay. Nagatuo ako sa
Espiritu Santo, sa santos ug Katoliko nga Simbahan, sa panaghiusa sa mga santos,
sa kapasayloan sa mga sala, sa pagkabanhaw sa lawas, ug sa kinabuhing walay
katapusan. Amen.

15. Pangamuyo sa Katilingban

Ang pangamuyo sa katilingban kanunay'ng pinasikud sa mga pagbasa.

Maglangkub kini sa tuyo alang sa libuok nga simbahan, sa mga anaa sa
pangagamhanan,
sa mga nanginahanglan ( sa mga mag-uuma, mangingisda, trabahador ug uban
pa.), ug sa mga panginahanglunon sa maong katilingban.
Andamon sa pangulo ang corporal o laing puti nga panaplon ibabaw sa altar aron
butangan sa Santisimo sakramento.

RITO SA PANGALAWAT

17. Pagsimba sa Santisimo Sakramento

Mangluhod ang tanan. Kuhaon sa pangulo ang Santisimo Sakramento gikan sa
tabernakulo ug ipahamutang ibabaw sa corporal o puti nga
panapion nga giandam nang daan sa al-tar: Ang Pangulo muingon sa katilingban:

Mga kaigsoonan ko, simbahon ta ang atong Ginoong Jesucristo nga ania uban
kanato dinhi sa Santisimo Sakramento nga iyang gitugyan kanato isip sakramento
sa iyang gugma, timaan sa panaghiusa, ug bugkos sa pagmahal.

Dayon ibayaw sa pangulo ang Santisimo Sakramento samtang ang kutawhan

moșimba sa hilom.

18.Pag-ampo sa Pagdayeg ug Pagpasalamat

Human sa pagsimba sa Santisimo Sakramento, manindog ang

tanan, ug ang pangulo mag-ampo sa mosunod nga pag-ampo
sa pagdayeg ugpasalamat. Ang pangulo dili mobayaw sa iyang
kamut sama sa pari kondili taparon ang iyang kamut ug
ibutang duol sa iyang dughan.

Dios, among Amahan, kini ang adlaw kanus-a ang imong bugtong anak, among
Ginoong Jesucristo, nabanhaw gikan sa mga minatay ug nagdala'g kalipay nganhi
sa kalibutan. Kini mao ang adlaw kanus-a siya nagpakita sa iyang mga tinun-an ug
misulti kanila sa mga pulong sa paglaum ug paghupay, ug nagbilin kanila sa
kalinaw. Kini mao ang adlaw kanus-a siya milingkod uban kanila sa talad kan-
anan ug nagpaila kanila diha sa pagpikaspikas sa pan.
Busa kita moingon: himayaon ug daygon ikaw, O Ginoo.

Tanan: Himayaon ug Daygon ikaw, O Ginoo.

Amahan, hilabihan kadako sa imong gugma alang kanamo!

Sa among panagtigum dinhi, bisan halayo sa among parokyanhong simbahan,
wala nimo kami hikawi sa imong presensya, wala nimo kami hikawi sa imong
gugma! Nagadayeg ug nagpasalamat kami kanimo tungod sa mga gasa niining
adlawa,tungod sa pulong sa kalinaw ug sa pan sa kinabuhi. Busa, kami moingon:
Himayaon ug daygon ikaw, O Ginoo.

Tanan: Himayaon ug Daygon ikaw,O Ginoo

Pinaagi sa gahum sa imong Espiritu Santo, hinaut nga ang among mga
kasingkasing magdilaab dinhi kanamo, hinaut nga makahinumdum kami sa
gitudlo kanamo sa imong Anak diha sa Balaang Kasulatan, ug makaila kami
kaniya diha sa Labing Balaang Sakramento sa altar. Busa, Kami moingon:
himayaon ug daygon ikaw, O Ginoo.

Tanan: Himayaon ug daygon ikaw, O Ginoo

Uban sa among Obispo, si_____________sa among kura paroko nga si__________

ug sa simbahan nga lukop sa kalibutan, nagadayeg ug nagapasalamat kami
kanimo, Dios among Amahan pinaagi sa imong anak, among Ginoong Jesucristo,
nga buhi ug hari uban kanimo, ug sa Espiritu Santo, Dios hangtud sa Kahangturan.
Tanan: Amen. ( mahimong awiton )

19. Amahan Namo

Human sa pag-ampo sa pagdayeg ug pasalamat, ang pangulo mohatag sa pasiuna

sa pag-ampo sa "Amahan Namo" sa Pag-ingon.

Karon mag-ampo kita uban sa pagsalig ngadto sa atong Amahan pinaagi sa mga
pulong nga gitudlo kanato sa atomg Manunubos.

Tanan: Amahan namo nga anaa sa mga langit...(mahimong awiton)

20.Timaan sa Kalinaw

Human sa “Amahan Namo" dapiton sa pangulo ang katawhan nga maghinayloaysa

timaan sa pag-inigsoonay, sa pag-ingon:

Mga igsoon, subay sa kabubut-on sa atong Amahan, ato karong ipakita ang
timaan sa atong panag-inigsoonay.

21. Pangalawat

Mangluhod ang tanan. Ang pangulo moluhod (genuflect) atubangan sa Santisimo

Sakramento, motindog dayon mokuha sa ostiya ug iya kining ibayaw, ug moingon:

Kini mao ang Kordero sa Dios nga nagawagtang sa mga sala sa kalibutan. Bulahan
kita nga gidapit sa bangkite sa Ginoo.

*Panahum sa pangalawat mahimong mag-awit ug haum nga alawiton.

22. Pag-ampo human sa pangalawat

Human sa pangalawat, manindog angtanan. Ang pangulo mag-ampo sa pag-ampo

sa Pangalawat ginamit ang mosunod nga pag-ampo.
Dili niya ibayaw ang iyang kamut sama sa pari.
Mag-ampo Kita.
(maghilum sa makadiyot)

O Dios, among Amahan, imo kaming gibuhong sa imong pulong ug gibusog sa pan
sa kinibuhi. Itugot nga motubo kami isip usa ka katilingban nga hinugpong sa
gugma ug sa pagpakabana alang sa usa'g usa.
Kini among gipangayo pinaagi ni Kristo among Ginoo.
Tanan: Amen.

23.Paghalad ug mga pahibalo

Human sa pag-ampo, manlingkod ang lanan ug dinhi himoon ang mga pahibalo o
angayang mahibaloan sa katilingban. Dinhi pagahimoon usab ang paghalad sa
katilingban dili pagkatapos sa katilingbanong pangamuyo (tungod kay wala may
konsagrasyon nga mahitabo sama sa misa )

RITO SA PAGTAPOS

24. Ang pangulo moingon sa katawhan:

Mga igsoon, karon nga ato nang nasaulog ang kamatayon ug pagkabanhaw sa
atong Ginoong Jesucristo, manglakaw kita ug atong isangyaw ang pulong nga
atong nadungog ug puy-an ta ang diwa sa Sakramento nga atong gisaulog.

Angpangulo mangurus sa iyang kaugalingon samiang siya nag-ingon:

Ug manalangin kanato ang Dios nga makagagahum sa tanan: ang Amahan, ug

ang Anak, ug ang Espiritu Santo.

Tanan: Amen.

Manlakaw kita sa kalinaw aron sa paghigugma ug pag-alagad sa Ginoo.

Tanan: Salamat sa Dios.

25. Ang pangulo ug ang iyang mga katabang moyukbo sa altar ug molakaw,
samtang nagaawit ang katawhan sa kalapusang awit.