EL PRESIDENTE (Ang Kuwento ng buhay ni Presidente Emilio Aguinaldo)
Ang pelikulang El Presidente ay hango sa buhay ni Emilio Aguinaldo at
kung paano siya nagin president ng Pilipinas. Batay sa aking napanood, may iba’t ibang uri ng wika at kulturang ginagamit sa panahong ito – ang panahon ng rebolusyonaryo. Halimbawa ng kulturang pinapakita dito ay panghuhula, pagbabayad ng buwis at ang pagkakaisa o pagkakabuklod-buklod ng bawat mamamayan. Ang wikang Filipino at wikang Espanyol ang siyang ginamit na wika para maipahayag ng mabuti ang adhikain at mithiin ng pelikula sa mga manonood.
Ipinapakita dito ang kultura ng panghuhula at kung gaano ka epektibo ang
ginagawang panghuhula kay Emilio Aguinaldo. Habang nangongolekta siya at ng kaniyang kasama ng buwis, hinulaan siya ng isang matandang babae. Ayon sa matanda, mahaba raw ang buhay ni Aguinaldo at siya ay mamumuno sa isang pangkat at ito ay nagkatotoo, Naging leader siya ng kilusang KKK o Kataas- taasang, kagalang-galangang, Katipunan ng mga Anak ng bayan at kalaunay naging mayor siya ng Cavite El Viejo hanggang sa naging presidente siya ng bansa. Ang pagkakaisa at pagbubuklod-buklod ng bawat kasapi ng Katipunan ang siyang nagging tulay upang malabanan ng grupo ni Aguinaldo ang mga manankop na mga kastila at Amerikano, At dahil dito, nagkaroon ng Kalayaan, kasarilan at Independensiya ang ating bansa.
Bilang isang mamamayang Pilipino, maraming aral ang nakuha at natutunan ko sa
pelikulang ito. Ang pagiging matapang, at pagmamahal sa Inang Bayan at ang tamang pagdedesisyon ay ilan lamang sa mga aral na aking natutunan sa pelikulang ito. Dito Ipinakita ni Aguinaldo kung paano niya at ng kaniyang mga kasapi ang ipaglaban ang ating bansa upang maging malaya ang bawat Pilipino sa pananakop ng mga Kastila at Amerikano. Tinawag siyang bayani ng bansa dahil binigyang-halaga niya ang kaniyang tungkulin na mahalin at ipaglaban ang ating Inang Bayan. At bilang isang Pilipino, dapat kong ipagmalaki, at mahalin ang naging ambag ng Presidente Emilio Aguinaldo dahil dito nasasalamin ang tunay at wagas na pag- uugali nating mga Pilipino. Magiging matapang ako sa lahat ng oras lalong-lalo na sa mga taong gusto manakit hindi lamang sa aking sarili at sa aking pamilya, kundi pati na rin sa kapwa ko Pilipino. Kagaya ni Presidente Emilio Aguinaldo lahat tayo ay may karapatang ipagtanggol ang ating bansa. Taas-noo nating ipagmalaki at ipagsigawan sa buong mundo na tayo ay isang Pilipino.