Professional Documents
Culture Documents
Etxarri Aranazko San Migel Irin Fabrika
Etxarri Aranazko San Migel Irin Fabrika
Etxarri Aranazko San Migel irin fabrika 1936. urtean jarri zen martxan, Espainiako Gerra Zibila
hasi zen urte berean. Errotak 72. urtera arte jardun zuen. 2006. urtean eraitsi zuten behin
betiko. Makinak salbatzea lortu zuten eta, gaur egun, Arbizuko Udalak dauzka gordeta.
• Morros enpresaren hasierako planoak aldatu egin zituzten; izan ere, hasieran fabrika baino
ez zuten aurreikusi eta azkenean 2 etxebizitza ere eraiki ziren. Eraikinaren oinplanoa
erregularra zen, 18x12 metrokoa: beheko solairua, bi solairu eta sotoa zituen, harrizko hormak
eta bi isurkiko uralitazko estalkia. Eraikin nagusiaz gain, beste bi esparru ere bazituen,
sinpleagoak, alboko hormei atxikita, elkarren artean komunikatuta unitate bat osatuz eta,
guztira, 830 metro karratuko azalera geratzen zen estalita, honako erabilera hauetarako:
• Hegoaldekoa lehengaiaren (aleak) biltegia eta sarrerako tobera zen, prozesu guztiaren
abiapuntua.
Sotoan, motor elektriko bakarra zegoen mutur batean, eta makina guztiak eta jasotzeko eta
garraiatzeko sistema guztiak mugiarazten zituen 120 mm-ko diametroa eta 6 metroko luzera
zuen ardatz baten bitartez; ardatzari lotuta hainbat diametroko hamar bat polea zeuden,
bakoitza zegokion larruzko uhal eta guzti. Uhalak beheko solairura eta goragoko solairura
iristen ziren eta elementu bakoitzaren energia mekanikoa transmititzen zuten.
Produkzio prozesua oinarrizko eragiketen sekuentzia lineal batez osatzen zen; sekuentzia
horren hasieran, garia toberetan deskargatzen zen eta azkenean irin bihurtzen zen. Eragiketa
bakoitza makina espezializatu batek egiten zuen eta makina bakoitzak sarrerako elementu bat,
prozesatzeko gorputza eta irteera izaten zituen.
Lau irudi hauetan, makinak nola banatzen ziren eta materialen fluxu sinplifikatua laburbiltzen
dira:
Sección de Limpia=Garbitzeko Sekzioa
Sección de Molturación=Ehotzeko
Sekzioa
Motor + sistema de
transmisión=Motorra + transmisio
sistema
Piso=Goiko solairua
Salida de
Harina/Salvado=Irinaren/Zahiaren
irteera
Sótano=Sotoa
4. ilustrazioa. Sinarcas irin fabrikaren funtzionamenduaren diagrama (Etxarri Aranazkoaren antzekoa zen)
Makina edo prozesuko etapa bakoitzak garraio sistema bat zuen elikatzeko (bideratzeko
hodiak, askadun jasogailuak), eta beste sistema bat ateratzen zen produktua jaso eta hurrengo
eragiketara garraiatzeko. Makinak beheko solairuan eta lehenengo solairuan banatuta
zeudenez, aleak gora eta behera ibiltzen ziren hainbat aldiz ibilbide osoan, garraiatzeko
elementuen bitartez. Igotzeko aska bertikalak erabiltzen ziren eta jaisteko grabitatea bera
(hodiak angeluan).
Elemento de bajada en
ángulo=Jaisteko elementua,
angeluan
Prozesuaren sekuentzia hegoaldeko eranskinean hasten zen, alea sartzeko toberan; hortik
lehenengo eragiketara igotzen zen, GARBITZEKO SEKZIOra, eta sekuentziaren amaieran azken
produktua (irina eta zahia) irteerako toberetan geratzen dira, iparraldeko eranskinean; eraikin
horretan, produktua ontziratu, pisatu eta biltegiratu egiten zen.
Eraikin nagusian gauzatzen zen prozesua deskribatuko dugu, baita bertan zeuden makinak ere,
eta eragiketak bi bloketan bilduko ditugu:
GARBITZEKO SEKZIOA
Sekzio horretan, gariak izan ditzakeen elementu arrotz guztiak (lastoa, haziak, lurra, hautsa,
harri txikiak, iltzeak…) bereizten dira. Garbitzeko gailuak eraikinaren goiko aldean jarri ohi
ziren, alea grabitatearen eraginez eror zedin gero hurrengo eragiketetara. Hautsa eta lasto
txikiak kanpora ateratzen ziren estalki konikoa zuen metalezko tximinia bereizgarritik.
Garia lehenengo solairura jasotzen zen garbitzeko, eta honako makina hauetatik igarotzen zen:
-Sigi-saga monitorea, xurgatze zentrala zuena eta oszilazio libreko mekanismo baten
bidez eragiten zena. “Tarara” ere esaten zitzaion, eta sigi-sagan gainjarritako baheez osatzen
zen.
-Xurgatze hirukoitz zentraleko puntak kentzekoa; aleari punta eta ernamuina kentzen
zizkion.
-“RH” modeloko makina azkarra (1000 x 400 mm), gariaren hainbat hazi erauztekoa
(fumaginak, puskatutako aleak).
-Xurgagailu zentrifugoa, garia zikindu dezaketen eta pisu txikia duten partikulak –lastoa
eta hautsa– bereizteko.
Hortik ateratzean beheko solairura eramaten zen, garia baino astunagoak ziren
HARTXINTXARRAK KENTZEKO gailura; gailuak 4 kale zituen, “C” modelokoa zen, lurrean
jartzekoa, eta kaxa estalita eta xurgatzeko prest zuen.
Deposituetatik, eta garia irauli ostean, “FEP” modeloko satinagailuaren (xurgatze hirukoitza eta
danbor esmerila zituen) bitartez GARBIKETAKO ERREPASOA egiten zitzaion, hau da, gariaren
azala esmerilatzen zen, esmerilezko geruzaren gainean arraspatzean hobeto garbi zedin. Gero,
3 iman zituen “V” modeloko Bereizgailu Magnetikotik igarotzen zen metalezko partikula txikiak
bereizteko; bereizgailua satinagailuan bertan muntatuta egoten zen.
EHOTZEKO SEKZIOA
Garbiketako zikloa burutu ostean, garia zuritu egin behar zen, kanpoko azala kendu eta
barruko guztia hauts bihurtu, irina lortzeko.
Fase honen hasieran, garia beheko solairuko lehen errotara erorarazten zen, lehenengo
birrinaldia egiteko. Errota horretako zilindroei birringailuak esaten zitzaien, luzetarako ildaskak
izaten zituzten eta hasierako bereizketa “lodia” egiten zuten. Hortik berriro ere gora eramaten
zen jasogailuaren bitartez, BAHETZEKO SEKZIORA; Planchister eta Sasor makinek produktua
bereizten zuten, partikulen lodieraren arabera, eta bigarren birrinaldira bidaltzen zen.
Ehoketa 4 zilindroko (500 x 220 mm.) eta “Diagonal AP” modeloko 3 ERROTA bikoitz erabilita
egiten zen; errotek elikatzeko arrabol bikoitza eta “Vis” mikrometrikoa zituzten. Sistema horri
Murrizketa Mailakatua edo Sistema Austro-hungariarra esaten zitzaion, XIX. mendearen
erdialdera ingeniari austro-hungariarrek asmatu zutelako; zerealaren osagaiak bereizten ziren,
hainbat birrinaldiren eta sailkapen granulometrikoen bitartez. Zilindroek pareka lan egiten
zuten, kontrako noranzkoan bira eginez, eta tarteko produktuak bien erditik igaroarazten ziren,
elkarren arteko distantzia erregulatuta. Zilindroak bi motatakoak ziren: ildaskatuak
(birrintzeko) edo leunak (konprimatzeko).
11. ilustrazioa. Etxarri Aranazko fabrikako errotak
Bigarren errotatik ateratzean, tarteko produktuak goiko solairuko Planchister eta Sasor
makinetara eramaten ziren berriro, baheketa eta bereizketa egiteko.
Baheketako eragiketa horietako bakoitzean tarteko irin, zahi eta produktuak lortzen ziren, eta
berriro ere ehotzen eta sailkatzen ziren.
BAHETZEKO SEKZIOA
Erroten birrinaldi bakoitzetik lortzen ziren tarteko produktuak goiko solairura eramaten ziren
tamainaren eta pisuaren arabera bereizteko.
12., 13. ilustrazioa (ezkerra): Sinarcas fabrika, (eskuina): Etxarri Aranazko fabrika
Planchister makinak irina gainerakotik bereizten zuen. Hiru errotetako produktuak jasotzen
zituen eta, partikulen lodieraren arabera, bigarren birrinaldi batera edo Sasor makinara
bidaltzen zituen. Sasor makina oszilazio libreko “R” modelokoa zen, auto-orekatua, eta 8
sarrera eta 12 bahe izaten zituen. Ale puskak bigarren errotara itzultzen ziren birrintzeko.
1 zenbakiko “C” modeloko Sasor bikoitzak xurgatze zentrala zuen eta airea bahe bakoitzean
erregulatzen zen. Xurgatzea atzealdeetan aplikatzen zen. Zetak desentrapatzea eskuila
automatikoen bitartez eta oszilazio libreko mekanismo bidez eraginda.
Zahia bahetu ostean, zahiak arrabotatzeko makinara igarotzen ziren: 3 zenbakiko “HM”
modeloa, altzairu estra-gogorreko ehunezko danborra zuen, itsatsitako irina askatzeko.
Bi azken produktuak goiko solairutik igarotzen ziren: irina eta zahia beheko solairuko
toberetara prozesua burutzeko, hau da, zakuetan sartu eta pisatzeko.
6. ilustrazioa. San Migel fabrikan jasotako irin laginak, Nafarroako Buruzagitza Agronomikora bidaltzeko