Veni, sancte Spiritus, et me fac participem divitiarum, donorum et misericordiarum

tuanun.

Inebria me dono sapientiae.

Illumina me dono intellectus.
Guberna me dono consilii.
Confirma me dono fortitudinis.
Doce me dono scientiae.
Urge et verbera me dono pietatis, et
Vulnera cor meum dono timoris tui.

Inflamma et consume omnia víscera mea suavissimo et pretiosissimo igne amoris tui, ut
illa omnia ita incensa rapiantur et ducantur ad te, qui vivís et regnas per omnia saecula
saeculorum. Amen.
Kyrie eleison.
Christe eleison.
Kyrie eleison.
Christe audi nos.
Christe exaudi nos.

Pater de caelis Deus, miserere nobis.

Fili, Redemptor mundi Deus,
Spiritus sancte Deus,

Spiritus, a Patre Filioque procedens,

Spiritus Paraclite,
Spiritus veritatis,
Spiritus sapientiae et intellectus,
Spiritus consilii et fortitudinis,
Spiritus scientiae et pietatis,
Spiritus timoris Domini.
Spiritus gratiae et sanctitatis,
Spiritus adoptionis filiorum Dei,
Spiritus orationis et consolationis,
Spiritus gaudii et salutis,
Spiritus fidei et caritatis,
Spiritus pacis et unitatis,
Spiritus compunctionis,
Spiritus sapientiae et lenitatis,
Spiritus humilitatis et mansuetudinis.
Spiritus continentiae et castitatis,
Spiritus mortificationis et paenitentiae,
Spiritus omnium gratiarum,

Propitius esto, parce nobis, sancte Spiritus.

Propitius esto, exaudi nos, sancte Spiritus,

Ab omni malo, libera nos, sancte Spiritus.

Ab omni peccato,
Ab omni haeresi et schismate,
Ab incredulitate et obstinatione,
A fornicatione et immunditia,
A pusillanimitate et desperatione,
A temeraria praesumtione,
A blasphemia et malitia,
Ab invidia et discordiae,
A finali impaenitentia,
Per aeternam a Patre et Filio processionem tuam,
Per invisibilem unctionem tuam,
Per admirabilem beatae Virginis obumbrationem tuam,
Per sanctam in baptismo Christi apparitionem tuam,
Per salutarem super apostolos advéntum tuum,
Per ineffabilem caritatem tuam.

Peccatores, te rogamus, audi nos.

Ut te numquam gravi peccato contristemus, te rogamus, audi nos,
Ut desideria carnis mortificantes in spiritu ambulemus,
Ut nos et omnes ecclesiasticos ordines in sancta religione conservare digneris,
Ut cuncto populo christiano cor unum et animam unam donare digneris,
Ut virtutum omnium complementum nobis donare digneris,
Ut nos exaudire digneris, Spiritus Dei.

Agnus Dei, qui tollis peccata mundi, effunde in nos Spiritum sanctum.
Agnus Dei, qui tollis peccata mundi, emitte in nos Spiritum veritatis.
Agnus Dei, qui tollis peccata mundi, da nobis Spiritum bonum.

Pater noster etc. secreto.

V. Repleti sunt omnes Spiritu sancto, alleluia.

R. Et coeperunt loqui, alleluia.

Oremus,
DEUS, cui omne cor patet et omnis voluntas loquitur, et quem nullum latet secretum,
purifica per infusionem sancti Spiritus cogitationes cordis nostri, ut te perfecte diligere
et digne laudare mereamur. Per Christum Dominum nostrum. Amen.