Maharaw nga Misay

I.

Kay ano ini nga gugma kon danay

Mapawala, mapatuo usahay

Pag-abot waray na gud paru-pahuway

Daw sugad hin kaliding

Ini nga gugma ha kasingkasing

Koro:

An gugma daw sugad hin maharaw nga misay

Diri nagsasarit danay/ anay

Magkadiano pa man

Ini nga gugma kon lus-ay

Bisan may lipong, makalilipay

II.

Bisan pa hiram-usan, kariguan

Himsawon, kudkuron hin kaguran

An gugma nadukot gud ha dughan

Labot la kon nadangat

Ha kasingkasing an kagul-anan

Koro:

An gugma daw sugad hin maharaw nga misay

Diri nagsasarit danay/ anay

Magkadiano pa man

Ini nga gugma kon lus-ay

Bisan may lipong, makalilipay

Magkadiano pa man

Ini nga gugma kon lus-ay

Bisan may lipong, makalilipay

Ha Amon Baryo Ako An Bida

I.

Ha amon baryo ako an bida

Han sayaw nga chacha

Kon ako ngani namumustura

Lupig ko an artista

II.

Bisan diin nga suro-sarayaw

Pirme ako an bida

Kay bisan diin nga baryo ug bungto

Pirme ako kumbidado

Koro:

Kon ako nasayaw hin chacha

Na-eksibisyon pa ha plasa

Adton mga magkirita

Namamaliskad an mata

III.

Tungod han pagsayaw ko han chacha

Nagdamo an akon asawa

May gin-asawa ko nga daraga

May lagas ngan biyuda

Di man sidngon nga ako bilib (biliw?)

Kay an matuod awdunon ako

Tungod la han sayaw nga chacha

Mga maghusay pa an napili ko

Balud

Mga balud nagpapasibo ha kadagatan

Kamakuri gud madakpan inin balud

Ha baras napulilid kon diri hira nag-iisog

Ay Inday, kamakuri mo pagdad-on

Baga-baga ka gud la hinin balud

Kon nasisina nalakat ka

Nag-uusa-an ako ha tabi.

Koro:

Kay ano nga ginbayaan mo ako?

Waray na balud inin lawud ko.

Hain na an mga haplas mo?

Nailiw na an baras ngan bato.

Bisan la danay di nagkakaasya

Sugad han langit ug tuna

Kon an gugma nga tiunay ug masarig

Di mapapara han balud.

Koro:

Kay ano nga ginbayaan mo ako?

Waray na balud inin lawud ko

Hain na an mga haplas mo?

Nailiw na an baras ngan bato.

Balik na kay mahidlaw na ha imo

Waray na balud inin lawud ko

Hain na an mga haplas mo?

Nailiw na an baras ngan bato.

AN KINABUHI SAN TAWO

An kinabuhi san tawo

Sugad sin usa nga binhi

Kon upayon gud pagmangno

Matudok ini, madamo

Ug niyan ini dumako

Sugad san aton tanom

Kay minangnoan san gugma

Gugma para sa aton.

Kay inin aton kinabuhi

Kinabuhi usa la

Sugad sin usa ka binhi

Sa gugma kita ginpili

Kay kinabuhi nga langitnon

Bulawan an panahon

Aton gud talinguhaon

An pag-ukoy nga surundon

Aton gud talinguhaon

An pag-ukoy nga surundon.

DUNGGA AN HUNI SAN KALAW

Dungga an huni san kalaw

Kon tikatunod na an adlaw

Tugob sin kasakit ug kabutlaw

Nagtitikadulom, nagtitikamingaw.
Kundi adto na an kabitun-an

Namimiruk-pirok didto sa hitas-an

Sidlit na liwat matahum nga bulan

An lamrag murayaw, may kahimayaan.

INDAY-INDAY

Inday, Inday, nakain ka

Han kasunog han bodega

Tulo ka adlaw an paglaga

An aso waray kitaa

Nakaturog ako,

Puno han bayabas

Kinalasan ako

Han karukasikas

Gasi ko daw adto

Agwason nga halas

Ngay-an kay hi Inday

Nga nagtsitsinelas

May tamsi, pula an dughan

I-bos ko gudla hidakpan

Kon diri ay, ay

Nasasalipdan
Han lubi nga kalanyugan

Buhi pa an bato

Nga pinanmunakan

Didto la katikang

an karukayakan

May-ada ko singsing

Singsing nga bulawan

Pinurot ni Inday

Ngan pagtinangisan

DANDANSOY

Dandansoy, bayaan ta ikaw

Pauli ako sa Payaw

Ugaling kon ikaw hidlawon,

Ang Payaw imo lang lantawon.

Dandansoy, kon imo apason

Bisan tubig dì ka magbalon

Ugaling kon ikaw uhawon

Sa dalan magbubon-bubon.

Konbento, sa diin ang cura?

Munisipyo, sa diin hustisya?

Yari si Dansoy makiha,

Makiha sa paghigugma.

Panyo mo kag ini'ng panyo ko,

Gisi-gisi-a kay tambihon ko,

Ugaling kon magkasilo,

Bana ta ikaw, asawa mo ako.

KON HARAPIT NA AN ADLAW MATUNOD

Kon harapit na an adlaw matunod

Ngan ha imo hirayo ako

Naputok an kakulba ha dughan

Ngan kamingaw asay gud dako.

Pagtikang han panuro han tun-og

Mga bukad ngan dahon paghumog

Inin luha, daw burabod,

Waray hunong hin pagtubod.

Kon nadangat na an gab-i upod an kamingaw

Labi kon nabati han huni han kalaw

Pagpurak han sidlangan, pagpuni-as han adlaw

Pagkalpad han maya, dinumdom ko ikaw

Ginhingyap ka han inagi nga adlaw

Ug an himaya nga hingpit gayud.

Labi kon upod ka han pagtan-aw

Han kapusak han mga balud.

Kondi inabut ako hin kakulba

Ug an kamingaw namara-para

Kay kon tingali an ak pagla-um

Bangin daw la nim kawangon.

Sanglit han pagsalidsid han mapawa nga adlaw

Higtaas nga bukid luub hin kasilaw

Paghuni han gangis upud an kamingaw

Duyog an pagtangis gindumdom ko ikaw

KATAKA-TAKA

Kataka-takang mahibang

ang katulad ko sa iyo

Biru-biro ang simula

ang wakas pala ay ano?

Aayaw-ayaw pa ako

ngunit 'yan ay di totoo

Dahil sa iyo puso kong ito'y binihag mo

(Repeat)

Alaala ka maging gabi't araw

Alipinin mo't walang kailangan

Marinig ko lang sa labi mo, hirang

Na ako'y iibigin lagi habang buhay.

LUBI LUBI

Lubi-lubi lubi, lubi lingkuranay

Ayaw gad pagsak-i, kay hibubo-ay.

Ayaw gad pagsak-i,

Lubi-lubi

Kon maruruyag ka kumaon hin silot

Didto la nga didto la

Kan Nanay nga didto la.

Kan Tatay nga didto la, pakigsabot.

Agidaw-gidaw an bukaw

Naglupad-lupad ha igbaw

Agidaw-gidaw an gitgit

Naglupad-lupad ha langit

Agidaw-gidaw an bukaw

Naglupad-lupad ha igbaw

Agidaw-gidaw an gitgit

Linmupad ha langit

Enero, Pebrero, Marso, Abril, Mayo,

Hunyo, Hulyo, Agosto,

Setyembre, Oktubre,

Nobyembre, Desyembre,

Lubi-lubi.

Ako magtatanom lawiswis kawayan

Akon la kan pikoy palataylatayan

Sabahis nga pikoy ka-waray batasan

Sinmulod ha kwarto, kan inday higdaan.

An panyo, an panyo nga may sigarilyo,

Ginpiksi ni Inday kay may sentimiento

An nasisinahan, an nabi- an nabibidu-an

Tungod la han gugma nga waray katuman…

An ine nga hugpo lawiswis kawayan

Diin an higugma nga may rayandayan

Magtutugtog dayon mga ginlatayan

Maglipay ngatanan mga kasaangkayan.

An ine nga pikoy nga pikoy paglupad murayaw

Natuntong han sanga dagos paparayaw

Binuklad an pako, an pako daw hilaw nga dahon

An iya pagrayhak nga ak ginkinantahan.

Daw Nasusunog

Daw nasusunog, sidsid han langit

Pati an dagat gindadala-it

Bangin ha unhan, may nagkaingin

Nga madlos huyog hinin hangin.

Iton mga balod, iton mga balod

Mulayan han dagat

Nga dit' ha kalawdan, nagbabalatbagat

An gab-i nga dulom, an gab-i nga dulom

An dagat naranggat.

Nga nakakali-aw han mga dumaragat.

Adto na'n adlaw, nagligidligid

Didto huhuron, luyo han bukid

Bunyog panguli an katamsihan

Nahadlok bangin magab-ihan

Ahay! (Mga pangandoy)

¡Ahay! mga pangandoy, ¡ahay!

¡Ahay! sa kinabuhi, ¡ahay!

Inop nga napara sa mga mata daw aso

Diri magaantos, pirit ako nga mag-aantos

An luha sa mata, daw burabod, ¡ay ahay!

Imo la ginlimot o ginsalikway

Hain na an harok sadton imo mga im-im

Ginpasipara o ginlimot o ginkawang.

Waray-Waray

Waray-Waray, pirme may upay

Mayda lubi, mayda pa humay

Iton dagat damo it isda

Ha bungto han mga Waray.

Waray-Waray pirme malipay

Di makuri igkasarangkay

Nag-iinom kon nagkikita

Bas' kamingaw mawara!

Lugar han mga Waray-Waray

Kadto-a naton, pasyadaha

Diri birilngon an kalipay

Labi nga gud kon may fiesta.

Mga tawo nga Waray-Waray

Basta magkita, mayda upay

Diri kabos hit pakig-angay

Sayod kamo basta Waray.

Waray-Waray! (Waray-Waray kabuhi maupay)

Waray-Waray! (Damo iton lubi pati humay)

Waray-Waray! (It mga dagat riko hin isda)

Ha bungto han mga Waray!

Waray-Waray! (Waray-Waray pirme la malipay)

Waray-Waray! (Diri makuri igkasarangkay)

Waray-Waray! (Nag-iirignom kon nagkikita)

Bas' kamingaw mawara!

BAHAL NGA TUBA

I.

Sikat nga irimnon an bahal nga tuba

Kon pinapadisan kinilaw ngan sinugba

Higupan hin sabaw manok nga linaga

An imo pag-abat, natikarasa la.

Sige an hugada ngada hit kaaga

Kay haros ngatanan mag-aram manganta

Ngan magkarit liwat iton gitarista

Kay bisan natikwi, nakakakumpanya.

II.

Kadam-an nabiling han bahal nga tuba

Kay an iya rasa damo an nahanga

Ha mga okasyon labi na kon patron

An bahal nga tuba amo'n ira ayon

An mga bisita diri nag-aalang

Kon bahal nga tuba an hinahampangan

Sige an hugada ngada hit kaaga

Kay maupay liwat hi padi kumanta

Koro:

Hala tagayi na, ipis-ipisi pa

Sige na bangkero, ayaw paglangana

Akon nga pag-inom para pakundisyon

Kay bangin hit sunod ako an pakantahon

III.

An bahal nga tuba kon im matilawan

Insakto an rasa di ka magmamaan

Lakip na kon damo an iyo sumsuman

Pirme la marisyo it im kaharampang

Hala tagayi na, ayaw paglangana

Kay naghihinulat it at kaurusa

Hala inom kita ngada hit kaaga

Kapti iton sista kay bis magkaranta

Hala inom kita ngada hit kaaga

An bahal nga tuba, amo'n aton bida.