Seerat-un-Nabi (SAWS)

Makki Daur

10th September 2022

Class # 2
Nabi (SAWS) Ki Paidaish Aur Bachpan Se Nabuvvat Tak

Nabi (SAWS) Ka Khandaan

• Quraish apne aap ko Hazrat Ismaail (AS) ki aulaad se kehte the.
• Hazrat Ismaail (AS) ke 12 bete thae, jo Arab ke muqtalif ilaaqon mein jaa kar bass
gaye thae.
• Hazrat Ismaail (AS) ke beton mein Qidaar ki aulaad mein Adnan bahut mash-hoor
hue.
• Inhi Adnan ki aulaad mein Qusai bin Kilaab ki paidaish hui jinhe Quraish ka jidd-e
amjad (ancestor) kahaa jaata hai.

Qusai bin Kilaab

• Qusai ke waalid ke inteqaal ke baad inki walida Fatima bint Saad ne Rabiaa bin
Haraam se doosri shaadi ki aur Shaam ko muntaqil hogayeen.
• Qusai ki parvarish Shaam mein hui.
• Naujawaani ki umr mein Qusai Makkah aaye aur yahan ke sardaar Hulail ki beti se
nikah kiya aur Kaaba ke mutavalli ban gaye.
• Sardaar banne ke baad Qusai bin Kilaab ne Hazrat Ismaail (AS) ki aulaad ko jo
doosre ilaaqon mein bass gaye the, waapas Makkah mein jamaa kiya aur tamaam
qabilon ke sardaar banaaye gaye.

Makkah Ki Tauliyat (Nigrani) Qusai Bin Kilaab Ke Baad

• Qusai bin Kilaab ke do (3) bete the. Abd Manaaf, Asad bin Abdul Uzza aur Abd Al-
Daar.
• Quraish mein Abd Manaaf apne kirdaar ki wajah se bahut Maqbool the lekin Qusai
ne sardaar apne pehle bete Abd Al-Daar ko dii.
• Qusai bin Kilaab ki maut ke baad, unke dono beton ki aulaadon mein mansabon
(post) ke liye jhagdaa hua.
• Natiije mein Kaaba ki zimme daariyan Abd Manaaf aur Abd Al-Daar ke beech
baanti gayee.
• Abd Manaaf ki shaadi Atika bint Murrah se hui aur unke 5 bete the.
• Abd Manaaf ka mansab, unki maut ke baad unke bete Umru al Alaa ko mili.
• Umru al Alaa (Hashim) ke naam se mashhoor hue.
Umru Al-Alaa bin Abd Manaaf (Hashim)
• Hashim ke maani todne aur kuchalne ke hain. Qahat (drought) ke daur mein Shaam
se anaaj mangaa kar, uskii rotiyaan oont (camel) ke shorbey mein chuur kar logon
ko khilaane ki vajah se unhein ye laqab diyaa gayaa tha.
• Quraish ka pesha tijaarat tha. Aur iss ki shuruaat sab se pehle Hashim ne apne
bhayion se milkar kii thi.
• Hashim, tijaarat ke liye Quraish ke logon ko lekar Shaam, Yemen, Iran aur Misr
jaate the.
• Iss tijaarat ke safar ki vajah se Quraish ko doosri qaumon se milne aur unki tahzeeb,
muaashira aur siyaasat ki pehchaan hui aur logon se inke taalluqaat mazboot hue.

Hashim Ki Shaadi
• Hashim ne Yasrib ke ek Khatoon Salma bint Umru bin Zaid se shaadi kii.
• Shaadi ke chand mahinon ke baad Hashim ka Yasrib mein inteqaal ho gayaa.
• Hashim ke inteqaal ke baad, unke bete Shaiba (Abd Al-Mutallib) ki paidaish hui.
• Inteqaal ke waqt Hashim ne Kaaba ke apne mansab ko apne bhai Mutallib ko dene
ki wasiiyat kii thi.
• Iss tarah Banu Hashim aur Banu Mutallib mein rishte mazboot hue aur doosri taraf
Banu Abd Shams aur Banu Naufal ek doosre ke khareeb hue aur aakhir tak saath
rahe.

Shaiba (Abd Al-Mutallib)

• Hazrat Shaiba (Abd Al-Mutallib) Nabi Kareem (SAWS) ke dada hain.
• Hazrat Shaiba ki parvarish Yasrib (Madina) mein hui thi.
• Hashim ke bhai Mutallib ko apne bhateji yaani Shaiba kii khabar mili ke voh Yasrib
mein hain toh vo unhein Makkah lekar aaye.
• Mutallib ko ek ladke ke saath dekh kar log samjhe ke Mutallib ek Ghulam ko le kar
aaye hain aur Shaiba ko Abd Al-Mutallib yaani Mutallib ka Ghulam keh kar
pukaarne lage.
• Iss tarah Shaiba ka naam Abd Al-Mutallib padh gayaa.

Zam Zam Ka Kuaan (Well)

• Zam zam ke kuaen ki daryaaft Hazrat Abd Al Mutallib ka ek kaarnaama hai. Allah
Ta’ala ne khwaab mein Zamzam ki kuaen ki jahag dikhaaii thi.
• Zam zam ke kuaen ko dhoond nikalne par Quraish ke doosre qabaail ne kuaen mein
hissa maanga, ji par ikhtilaaf hua lekin faisla Abd Al Mutallib ke haq mein hua.

Shaiba (Abd Al Mutallib) Ki Aulaad

Haris Al Abbas Aatika

Abdullah (Nabi Kareem ke waalid) Abd ul Uzza (Abu Lahab) Umaima
Imran (Abi Talib – Hazrat Ali ke Ghaidaaq Barrah
waalid)
Zubair Maqoom Baizaa
Hamza safaara Urwaa

• Zam zam ke kuaen ki khdudaii ke dauraan Quraish ne Abd Al Mutallib se jhagdaa

kiyaa tha.
• Quraish se ikhtilaaf hone par Abd Al Mutallib ne duaa maangi thi ke agar unhein 10
bete honge toh vo ek bete ko Allah ke liye qurbaan kardenge.
• Unki ye dua qubool hui aur Allah Ta’ala ne unhein 10 bete ataa kiye.
• Bade bete Haris ka inteqaal Abd Al Mutallib ki zindagii mein hii hogaya tha.
• Qurbaani ki nazar poori karne ke liye Abd Al Mutallib ne faal nikaali jis mein
Hazrat Abdullah ka naam nikal aaya.
• Quraish ke israar par Abd Al Mutallib ne Hazrat Abdullah ki jagah 100 unton ki
qurbaani de kar apnii nazar poori kii.

Hazrat Abdullah Ki Shaadi

• Hazrat Abd Al Mutallib ne Hazrat Abdullah ki shaadi, Wahad bin Abd Manaaf ki
saahibzadi Hazrat Amna se kii.
• Shaadi ke baad Hazrat Abdullah tijaarat ke liye Shaam gaye aur waapsi mein
bimaari ki wajah se Yasrib mein unka inteqaal ho gayaa.
• Hazrat Abdullah ke inteqaal ke kuch mahiino ke baad Nabi (SAWS) ki paidaish hui.

Nabi Kareem Muhammad Mustafa (SAWS)

• 11 Rabi-ul-Avval, (20th April 571) piir (Monday) ke din subah ke waqt Huzoor
(SAWS) ki paidaish hui.
• Abd Al Mutallib ne aapka naam Muhammad rakha.
• Chand mahiine walida ke saath rahe phir riwaaj ke mutaabiq daayi Halima ke paas
tarbiyat ke liye bhej diye gaye.
• 4 saal ki umr mein Makkah apnii walida ke paas aaye aur 6 saal ki umr mai unke
saath Yasrib ka safar kiya.
• Yasrib ke safar ke dauraan Walidah ka inteqaal ho gayaa aur aap ke dada Abdul
Mutallib ne aap ki parvarish ki zimmedaari lii.
• Dada ke inteqaal ke baad Aap ke chahca ne kifalat ki zimmedari li

Nabi (SAWS) Ka Bachpan

• Huzoor ko viraasat mein darzi ki ek dukaan, ek ghar, chand bakriyaan aur ek baandi
mili thi.
• Apnii zarooriyaat poori karne ke liye aap bachpan mein bakriyaan charaate the aur
kamaaii apne chacha ko laa kar dete the.
 • Bachpan hii se fuzool baaton aur gaane bajaane waali chiizon se door rahte the.
• Buton ke naam par chadahyaa hua aur zubah kiya hua jaanwar kabhi istemaal nahii
karte the aur naa kabhi kisi devi ya but ki ziyaarat karte the.
• Sharm o hayaa ka paikar (appearance) the, kabhi bhi apne satar ko zaahir hone nahii
dete.
• Khaana sab ghar waalon ke saath mil kar khaate. Jab takk Huzoor nahii aate, Abi
Talib khaana shuru nahii karte the, kehte the ke Huzoor ki maujudgii se khaane mein
barkat hoti hai.

Nabi (SAWS) Ki Naujawaani

• 15 saal ki umr mein jung-e-fujjar mein hiss aliya.
• Mazlumon ki madad ke liye “Hilf ul Fuzool” muaahide mein shariik hue.
• Kadii mehant karte the. Kaii saad takk Banu Saad aur Makkah waalon ki bakriyaan
charaate the.
• Rishte-daaron ke huqooq adaa karte the. Apne chacha ki ghariibi ki wajah se
chacha-zaad bhai ki parvarish ki zimmedaari apne upar lii.
• Bhari naujawaani mein bhi kabhi sharaab aur jua khaane ki taraf aankh utha kar
nahii dekha, haalanake Makkah mein in chiizon ko buran ahi samjha jaata tha.

Nabi (SAW) Ke Dost

• Dost zindagii ki aham zaroorat hote hain. Jaise dost honge waisi hi insaan ki
shakhsiyat hogi.
• Nabi (SAWS) ke dost Makkah ke shareef tariin log the. Jin mein Hazrat Abu Bakr
bin Abu Qahaafa, Hazrat Khadeeja ke bhatiije Hakim bin Huzaam khareebi dost the.
• Zaman bin Salba, Qais bin Saaib bhi aapke dost aur tijaarat mein aap ke saathi the.
• Huzoor ke doston mein se koii bhi behuuda baatein karne waale aur fuzool ki
mehfilon mein jaane waale naa the.
• Fursat ke waqt shikaar yaa tairaakii (swimming) ke liye jaate the.
• Hamesha kisi na kisi ghareeb, yateem, bewa, aur miskeen ki madad ka zikr karte the.

Deen-E-Ibrahiim Ki Pairvii
• Makkah ke mushrikaana maahol mein Aap zindagii guzaar rahe the.
• Din raat logon ko buton ke saamne sajde karte, unki pooja karte aur unn par
chadhave chadaate aur buton ke naam par jaanwaron ko qurbaan karte dekh rahe the.
• Makkah mein mujaavir (keeper of a shrine) pujari aur kaahinon ka asr bahut zyaada
tha.
• Log barhana (naked) ho kar Kaaba ke tawaf karte the aur usse sab se badii ibaadat
samajhte the.
• Aise maahol mein Aap (SAWS) ko log tawaaf karne ke liye bulaate toh Aap
(SAWS) har giz bhi nahii jaate the aur Ibrahim (AS) ke asal deen ko samajhne ki
koshish mein lage rahte the.
 • Zaid bin Umru uss zamaane mein tawheed par amal karne waale ek shakhs the, unse
Nabi (SAWS) ki mulaqaat hoti hai.
• Ziad bin Umru ki tawheed ki baatein sunn kar Nabi (SAWS) ko taslli hoti hai aur
Aap (SAWS) ke andar asl deen ko samajhne ki khwahish aur zyaada barh jaati hai.

Tijarat aur Taalluqaat

• 17 saal ki umr mein apne chacha (Zubair bin Abd Al Mutallib ya Abbas bin Abd Al
Mutallib) ke saath Shaam ka safar kiya.
• Safar ke tajrabaat (experiences) ke raushni mein Aap (SAWS) ne tijaarat ko bataur
pesha muntaqib kiyaa aur Yemen aur Bahrain ke safar kiye.
• Jahaan bhi tijaarat ke liye jaate wahan ke logon se mulaaqaatein karte aur unn ke
muaashre ke halaat bhi maaloom karte.
• Nabuvvat ke baad ki zindagii mein puraane taajir saathiyon se mulaqaat hoti toh unn
se Khushi se milte the.

Nabi (SAWS) Ke Tijaarat Ke Usool

• Saaf suthre libaas mein bazaar jaate, grahak ko apne maal ki khubiyon ke saath
khaamiyan bhi bataate the.
• Maal bechne ke liye jhoot nahii bolte the, narm lahje mein grahak se baat karte the.
• Tijaarat badhaane ke liye sood par maal nahii lete the aur naa hi bechte the.
• Ju munaafa haasil hota tha uss mein se zyaada-tar ghareeb, yateem aur
zarooratmandon par kharch karte the.
• Tijaarat ke lain-den mein jo waada karte the usse har haal mein poora karte the.
• Inhein usoolon ki paabandi ki wajah se Makkah waalon ne Huzoor ko Al-Sadiq aur
Al-Ameen ka laqab diyaa tha.

Hazrath Khadija Bint Khuwaylid Ka Taaruuf

• Hazrat Khadija Makkah ki ek maaldaar tareen Khatoon thein.
• Unki pehle 2 baar shaadi ho chuki thi aur dono shuhar inteqaal kar gaye the.
• Pehli do shaadiyon se unko 3 bete the – Haala, Haaris aur Hind Kaamyaab
taajirah hone ke saath behteriin akhlaaq waali Khatoon thien.
• Paak-daamani ki wajah se log unhein Taahira ke laqab se pukaarte the.
• Hazrath Khadija bint Khuwaylid se tijaarat ke muaahida
• Nabi (SAWS) ki diyaanat aur amaanat ke shuhrat sun kar Hazrat Khadija ne Nabi
(SAWS) se apna maal tijaarat ke liye le jaane ki darkhwaast ki.
• Abu Talib ne Huzoor ki taraf se Hazrat Khadija se tijarat ka muaahida kiya.
• Hazrat Khadeeja ne maal ke saath apne Ghulam Maisara aur apne rishtedaar
Khuzaima bin Hakim ko saath bheja.
• Iss tijaarat se Hazrat Khadija ko dugnaa fayeda haasil hua tha kyun ke Huzoor
(SAWS) ne poori imaandaari ke saath tijaarat ki aur munaafe ka poora hissa Hazrat
Khadija ko laa kar diyaa.
Hazrat Khadija (RA) Ki Shaadi Ki Pesh-Kash
• Tijaarat mein dugna fayeda aur apne Ghulam Maisara se Aap (SAW) ki tareef sunn
kar Hazrat Khadija (RA) ne shaadi ka paigham bheja.
• Paigham aane par Huzoor (SAWS) ne khud faisla karne ke bajaaye apne chacha Abi
Talib se mashwara kiya.
• Uss waqt Nabi (SAWS) ki umr 25 saal thi aur Hazrat Khadija (RA) aap se kaii saal
ki badhi thein.
• Shaadi ke baad Nabi (SAWS) aur Hazrat Khadija (RA) kuch din takk Nabi (SAWS)
ke ghar par rahe aur baad mein Suuq At-tariin mein Hazrath Khadija ke ghar par
muntaqil ho gaye.
Nabi (SAWS) Ki Shaadi –

Paakizah Aurtein Paakizah Mardon Ke Liye Hain, Aur Paakizah Mard Paakizah
Aurton Ke Liye.

• Shaadi kaamyaab kab hoti hai?

• Nabi (SAWS) ki shaadi unke akhlaaq, kirdaar aur muaamilaat ki bunyaad par taye
hui thi.
• Makkah ke sab se khoobsurat, sab se aala khaandaan ke hone ke bawajood Nabi
(SAWS) kabhi kisi ladki ki taraf aankh utha kar nahii dekha tha.
• Nabi (SAWS) ne Hazrat Khadija ka Rishta unki zahaanat, unki aqal-mandii aur unki
sahii faisle karne ke salaahiyat ki wajah se kiya tha.
• Nabi (SAWS) ki shaadi bahut hi saadgi se aur khaandan bade logon ki maujudgii
mein hui thi.