TAKILANK IKANG DI LUBUK IKAN RAYO DINGA KNU JALO,

SARAPIK KITO DINGA DUDUK, NGUSI KAYO TUO RIO KAMAN NYAMPE KA PARAGO.

BAGINAN KAYO TUO RIO !

ADO ASA DINGA USU, ADO SBANT DINGA KARNO,

MANO ASA DINGA USU, SBANT DINGA KARNO,

TABNT AYIE JAK KA ULU, TABESAMP GETAH JAK KA BATAN,

TBANT KATO JAK ANUK BATINO KITO DUMAH INIH.

KAMAN SLAKU ANUK JANTANG, NGA BJALANG DULAU SLANGKAH, BKATO DULAU SPATAH,

NGA TAU DULAU GERAN GRITI ANUK BATINO KITO DUMAH INIH.

KAMAN NDUK NYAMPE KA PARAGUNYU NGUSI KAYO TUO RIO.

ADOPUN UJUMP NGA MAKSUMP ANUK BATINO MANGGIN SARAPIK KITO DINGA DUDUK PADU AHI
INIH,

NAMPUKNYU ANUK BATINO KITO DUMAH INIH, ………………… BESERTO LAKINYU NDUK MAYI UTANG,

KUK UTANG ITUH BUKANG PULO LAH BARUPU UTAN MAS NGA KUNAN, PIRAK NGA PUTIH, TEMBAGO
NGA MIRAH. UTANG ITUH YO BARUPU UTAN BRANAK. NGA MANO UTAN BARANAK ITUH ADO 4 5
PARKARO. NAMPUKNYU ANUK BATINO KITO INIH NDUK MAYI UTAN BARANAK NGA

PARTAMO, IYOLAH TIMBO KA SUNGE.

NGA MANO KUK TIMBO KA SUNGE ITUH, KECIK BANAMO, GEDANG BAGELA.

NAMU ANUK BUAH ANUK PNAKANG KITO INIH IYOLAH DI BAGIH DI IBU BAPUNYU,

NAMUNYU ………………………………………………

DINGA DO’A KITO BASAMO, MUDAH-MUDAHAN NAMO NGA MELEKANG KIK NYU MENJADI BERKAH.

DALAN PADU ITUH,

DINGA DO’A KITO BASAMO, MUDAH-MUDAHAN ANUK BUAH ANUK PNAKANG KITO INIH BADANG MAK
SIHANK, ASO MAK NYU KACAK.

DALAN PADU ITUH, SKALAI KA INDROPURO, DUO TIGO NGALUMBAN KAPEH,

SKALAI NYINGKANK KA PUHO, DUO TIGO UTAN ANUK BATINO KITO INIH LPEH.

DALAN GAWI INIH JUGO ANUK BATINO KITO NDUK MAYI UTANG TERADAP ALLAH SWT, NGA MANO
………….. BESERTO LAKINYU MENGAQIQAH KA ANUKNYU NGA BAHU LAHIE INIH.

TALPEH DARI PADU ITUH,

IDAK PULO KITO LUPO BASEDEKAH UNTUK ARWAH MATI LAMO MATI BARAU, MATI DI TELUK MATI DI
RANTA.

DALAN PADU ITUH, KALU ADO BELA DINGA TACUREK JAK KA LANGANT, DINGA TABESAMP JAK KA
BUMAN MINTAK DIJAUH KA,

RESKAI YO MINTAK DIAMPI