ABNER MANTE (LIFE IN SCI)

Nagsugod ang iyang mabulukon nga karera sa Sports City International kaniadtong Mayo tuig 2003.

Si Abner Mante nga taga-Bankal, Lapu-Lapu City nga karon nagsilbi isip usa ka LGU Trainer nga naa na-
asayin sa Central HR- Recruitment.

Sulod sa iyang 19 ka-tuig sa SCI, lain-laing posisyon ang na-again ni Mante. Nagsugud siya isip usa ka
Production Operator. Tugon sa iyang pagpaningkamot, nahimo siya’ng Line Leader. Dayon nahimo siya ug
Pit Crew Technical hangtud na-promote isip Pit Crew Team Leader. Sa sinsero ug kinasing-kasing nga
pagpanrabaho, nahimo siya nga Assessor ug karon nagsilbi isip LGU Trainer.

Sama sa ubang mga empleyado sa SCI, mapasalamaton si Mante sa kompanya isip usa sa mga nakatabang
pagsuporta sa iyang pamilya. Nakapa-eskwela siya sa iyang upat (4) ka-anak. Ang kinamagwangan, usa na
ka-3rd year college nga aduna’y kurso nga Criminology sa Sto. Niño Mactan College. Samtang ang ika-
duha’ng anak nagskwela sa Asian College of Technology (ACT) isip 2nd year college-nursing student. Ang
ika-tulong anak isip Grade 8 ug Grade 6 students.

“Dako akong pasalamat sa Sports City, sa Management kay kamao gyud sila mutan-aw sa kapabilidad ug
kapasidad sa mga empleyado. Ako’ng maingon lang sa ubang mga kaubanan nako nga empleyado sa
kompanya, maningkamot kita ug ipadayon nato atong pagpanrabaho nga kinasing-kasing ug sinsero.
Tabangan nato ang atong kompanya kay kini mao’y puno’ng gasuporta sa atong pamilya sa atong
kaugalingon. Sa Management, daghan kaayo’ng salamat.- Mante.

Ang storya ni Mante mahiaguman nga sa pagpaningkamot sa kinabuhi sa pagpanrabaho taliwala sa tanang
hagit, magpabilin nga magpadayon ug magpamalig-on kanunay, makab-ut ang kalampusan!