GISIMBA BA SA MGA KATOLIKO ANG MGA IMAHE UG REBULTO?

Hello mga igsuon ko dira ni Kristo. Karon, atong hisgutan kung ginasimba ba sa mga
katoliko ang mga rebulto. Kasagran, mao kini ang gina labay sa atoang mga kaigsoonan
nato gikan sa laing sekta ngadto sa ato. Ali, ug atong hisgutan ang maong paratang sa
ubang sekta mahitungod sa atoang pagtuo diria sa Small Catechism, GKK Bitaogan DYA
Edition.

Una ato sang sabton ang word na GISIMBA. Unsay pasabot ani na pulong? According sa
Oxford dictionary, “It is the feeling or expression of reverence and adoration for a Deity.”
Pasabot, mao kini ang pag-adore or pagsamba, sa tagalog, sa atong Dios. Ang pagsimba,
reserve lang na para sa atong Ginoo, wala nay lain ug wala nay uban, sa Ginoo ra jud.

Ang pangutana, gihimo bang “dios” sa mga Katoliko ang mga rebulto? Ang tubag, DILI.
Usbon ko ha, DILI GAYOD GINASIMBA SA KATOLIKO ANG REBULTO KAY
DILI NA DIOS!

Unya ngano man ginaludhan or ginahikapan ang rebulto? Gina-kiss pa gani sa uban ang
mismong rebulto, dili ba diay na pagsimba? Diba mabasa mana sa Exodus 20:4 na
"Alang kanimo dili ka magbuhat ug usa ka larawan nga linilok bisan sa dagway sa bisan
unsang butanga nga atua sa itaas sa langit, kun dinhi sa ilalum sa yuta, kun sa anaa sa
tubig sa ilalum sa yuta (Exo. 20:4)."?

Mao kana ang mga pangutana sa ubang sekta. Ang tubag, pangutan-on sad nato kung ang
pag luhod ba, o paghikap, o pag-kiss o pag-ampo atubangan sa imahe kay pag-simba na?
Bawal na ba jud mobuhat ani atubang sa imahe or rebulto? Karon, mugamit tag LOGIC
para ma-answeran kini.

Imagine na naa kay uyab (char sana all!), unya gusto na ka magpakasal sa iyaha.
Magpropose na unta ka karon. NINGLUHOD ka sa iyang atubangan para mangutana sa
iyaha kung pakaslon ba ka niya then ukab sa box nga nay ring. Unya ning “oo” ang
imong uyab (Naol). Karon, gisimba ba nimo ang imong uyab kay ningluhod or genuflect
ka sa iyaha? Diba WALA! Ningluhod ka kay as a sign of respect and tinahod sa imong
uyab na unta pakaslan ka.

Naa pay usa ka sitwasyon, naa kay picture sa imong minahal or uyab (Naol, nay uyab),
Unya miss na nimo siya kay LDR daw mo. Mutan-aw ka sa imong smartphone ug mu-
ukay ka sa iyang pcitures nga naa diraa or imong kuhaon ang picture sa imong uyab diraa
sa imong pitaka. Unya, GI-KISSAN ug GI-HIKAPAN nimo ang maong imahe sa imong
uyab kay miss na nimo siya. Karon, kinsa ang imong na miss? Ang imahe or ang imong
uyab? Siyempre ang uyab, REMEMBRANCE ra man nang picture. GISIMBA ba ang
maong imahe? WALA, kay imo ra mang GI-REMEMBER siya pinaagi sa imahe.
Diba, makita ninyo nga ang pagluhod, pag-kiss, o pag-hikap sa moang imahe or rebulto
kay usa ka REMEMBRANCE sa mga SANTO o sa LARAWAN sa atong GINOO.
WALA NA GISIMBA!

Usa pa, nasayod ba kamo na nagsugo ang GINOO sa pagbuhat ug imahe nga
GILUDHAN sa TAWO? Atong basahon ang Exodus 25:10-20.

Mao kini ang giingon sa Dios,

"25:10 Ug magbuhat sila ug usa ka arca sa kahoy nga acacia, ang iyang katas-on duruha
ka maniko ug tunga, ug ang iyang kalapdon, usa ka maniko ug tunga, ug ang iyang
kagantungon usa ka maniko ug tunga.
25:11 Ug pagahal-upan mo kini ug lunsay nga bulawan, sa sulod ug sa gawas pagahal-
upan mo kini; ug buhaton mo sa ibabaw niini ang usa ka cornisa nga bulawan nga
magalibut niini.
25:12 Ug magpatunaw ka ug upat ka singsing nga bulawan alang niini, nga igabutang mo
sa upat ka tiil-tiil niana, duruha ka singsing sa usa ka kilid niini, ug duruha ka singsing sa
pikas nga kilid niini.
25:13 Ug magbuhat ka ug mga yayongan sa kahoy nga acacia, nga sila hal-upan mo ug
bulawan:
25:14 Ug igabalhug mo ang mga yayongan sa mga singsing sa mga kiliran sa arca, aron
sa ingon niana pagayayongon nila ang arca.
25:15 Ang mga yayongan magapabilin sa sulod sa mga singsing sa arca: dili sila
pagakuhaon gikan niana.
25:16 Ug igabutang mo sa sulod sa arca ang pagpamatuod nga igahatag ko kanimo.
25:17 Ug magbuhat ka ug usa ka halaran-sa-pagpasig-uli sa lunsay nga bulawan, ug ang
iyang gitas-on duruha ka maniko ug tunga, ug ang iyang kasangkaron usa ka maniko ug
tunga.
25:18 Ug magbuhat ka ug duruha ka mga querubin nga bulawan, sa buhat nga sinalsal
pagabuhaton mo kini, diha sa duruha ka tumoy sa halaran-sa-pagpasig-uli.
25:19 Ug magbuhat ka ug usa ka querubin sa usa ka tumoy, ug usa ka querubin sa lain
nga tumoy: sa nayon gayud sa halaran-sa-pagpasig-uli magabuhat ka ug mga querubin sa
duruha ka tumoy niini.
25:20 Ug ang mga querubin magabuklad sa ilang mga pako sa ibabaw, nga magatabon sa
halaran-sa-pagpasig-uli: uban sa ilang mga pako; ang ilang mga nawong magaatubang sa
usa ug usa, magatan-aw sa halaran-sa-pagpasig-uli ang mga nawong sa mga querubin."

Para sa inyoha, unsa kaha ni ang gipa-buhat sa Ginoo? Mao kini ang ARK OF THE
COVENANT o ang arka sa kasabutan. Aduna kini gipang-UKIT na imahe sa
QUERUBIN. Ang Dios MISMO ang nagsugo ana ha. So nagcontradict ang iyang gi sulti
sa Exodus 20:4 ug sa Exodus 25:10-20? Wala, kay wala man GISIMBA sa mga
sinauanang Israelita ang maong ARKA. Pasabot na dili tanan imahe o rebulto ang
gibawal sa DIOS kay mismo siya nagsugo nga mgahimo ug imahe. Take note na gina
PROCESSION ang maong ARKA tung sa Joshua 6:4-15 sa pagkaguba sa Haligi or wall
of Jericho. Ang Ginabawal sa Ginoo ang PAGSIMBA SA MAONG GI-UKIT NA
IMAHE. Kung literal nato pagsabot ang Exodus 20:4 DILI DAPAT TA MOKUUHA UG
LARAWAN SA LANGAM, PANGANOD, PUNUAN, ISDA, o LARAWAN SA
IMOHANG MINAHAL. Dapat wala ta ana kung ato jud na literal na sabton ang maong
bersikulo.

Usa pa, mabasa sad diha sa Ezekiel 41:19 ug 1 King 7, nga napuno ug mga IMAHE ang
TEMPLO sa DIOS. Ukaba ang inyong Bibliya ug mabasa ninyo kana.

Then, sa Joshua 7:6, minghapa si Joshua ug ang iyang mga kauban atubangan sa Ark of
the Covenant. Ngano kahang minghapa sila atubangan niini? Diba mas labaw paman ang
paghapa kesa pagluhod? Pasabot ba kini nga gisimba ni Joshua ang Arko? Of course,
WALA kay ginatahod man sa mga Isrealita kini kay SIMBULO man kana sa presensya
sa DIOS ug REMEMBRANCE lang kini.

Gisugo man sa Dios ang magbuhat ug Arko. Sa atoa, gisugo ba diay ta sa Dios na
maghimo ug rebulto or imahe?

Karon, bago nato masabtan nganong naa mi mga imahe, atong sabton nganong gipabuhat
sa Dios ang Arko ug ubang imahe. Ngano kahang gipabuhat man sa Dios kini nga mga
imahe, nga pwede raman unta nga wala, diba? Pwede ra man unta na wala gipabuhat sa
Dios ang arka as a representation para simbahon ang Dios apan ngano nagpahimo pa man
siya niini? Lahi ra man jud kung nay instrument ang Ginoo like images and sculptures ug
sa paggamit sa atong mga senses para daygon siya. Gamit man gani ug dancing ug praise
and worship ang ubang sekta para magamit nila ang sense of hearing sa pagsimba sa
Ginoo. Sa atoa, naggamit ta ug sense of sight para mas maremember ug makita nato ang
simbulo na gihatag sa Dios alang kanato.

Sayod man tang mga Katoliko na imahe lang na. Sayod pud ta na DILI na sila DIOS kay
mahimo na tang idolatrous kung gipakadios na ang mga rebulto ug imahe. Bisan ang mga
early Christians nigamit ug mga imahe aron mas mapalawm pa gyud ang ilang mga pag-
ampo ug pagtoo. Search mo ug pictures sa CATACOMBS kung asa ang mga sinaunang
Kristyano mag-ampo tung sa pagpanlutos.

Bahin sa mga crucifix ug mga larawan ni Kristo, walay eksaktong larawan siya, maong
nagkalahi-lahi ang iyang dagway depende sa representasyon ug interpretasyon bahin
kaniya. Naay CGI na imahe ni Kristo na gihimo sa mga SCIENTIST, nay paintings nga
gihimo sa mga santo parehas sa larawan na gipapinta ni ST. Faustina. Bahin sa crucifix,
sa among pagtan-aw ug paghikap niana, among mahinumdaman ang kasakit ni Cristo,
ang Iyang pag-antos diha sa krus aron maluwas ang katawhan.

Matod pas atong Katekismo:

"WHOEVER VENERATES AN IMAGE VENERATES THE PERSON PORTRAYED
IT (CCC#2132)."

Sa ato pa, nag-giya ang imahe kanatong mga katoliko paingon sa pagbati sa gugma ni
Kristo kanato. Mabati man gihapon nimo ang love ni Jesus bisan ug walay imahe pero,
angkunon nato, nga lahi ra jud ang epekto kon naa kay makit-an, nga naay maperceive sa
imong senses.

Bahin pod anang imahe sa mga santos, kon makakita mi sa ilang mga imahe,
mahinumdoman pod namo kon giunsa nila pagsunod si Cristo. Parehas ni Maria, ang mga
santos naglead kanamong mga Katoliko paingon ni Cristo. Parehas rana sa mga imahe sa
kerubin sa Ark of the Covenant. Nagpahinundom sa mga Israelita ang mga kerubim
mahitungod sa presensya sa Dios.

Daghan gyung mga Katoliko karon nga huyang ang pagtoo tungod kay kulang sa
Katekismo. Maong ako ning gi share para sa atong mga igsuon nato na nagduha-duha sa
atong pagtuo ug sa mga paratang sa ubang sekta. Mao lang to ug diri lang s ataman kay
mutaas na ang atong hilisugutan pag ato pa ning ipaabot matod sa duha ka meaning sa
WORSHIP. Sa sunod nasad na higayon mga kaisgoonan ko!

Pro Deo et Ecclesia!

Credits to Bisayang Katoliko for inspiring me to do this article and for some loan words
here.