Joshua Miller Pascual

Let’s Analyze

1. Ako ay naniniwala na ang edukasyon ang tulay upang magkaroon ng

magandang kinabukasan at ito rin ay napaka- importante sa pagpapataguyod ng
maayos at maunlad na Pilipinas. Hindi natin mapagkakaila na ang kalidad ng
edukasyon sa ibang bansa ay napakaganda kumpara sa Pilipinas sapagkat
nakakalamang sila sa maraming aspeto tulad ng mga materyales sa pagtuturo,
teknolohiya, at kaalaman sa maraming bagay. Pagkakaroon ng edukasyon sa
ibang bansa ay talagang napakagandang pagkakataon sa mga Pilipino sapagkat
matutunan nila ang iba’t- ibang kaalaman na magagamit upang mapaunlad din
ang ating bansa. Kung kaya’t makikita natin na halos sa mga pinunong
matagumpay na napamunuan ang ating basa ay nagtapos o nakapag- aral sa
ibang bansa.

2. Ang kaganapan noong unang panahon kung saan nanatili pa rin ang
pagkakaibigan at respeto nila Rizal at Del Pilar sa isa’t- isa kahit na mayroon silang
pagkakaiba sa ideya patungkol sa La Solidaridad ay nagbibigay ng malaking aral
sa mga tao sa politika ngayon. Ito ay nagpapahiwatig na dapat pa ring mapanatili
ang kanilang pagkakaisa kahit magkaiba ang kanilang mga plataporma sapagkat
kahit magkakaiba ito, iisa pa rin naman ang kanilang layunin na ipaunlad ang ating
bansang Pilipinas. Naniniwala ako na pagkakaisa ng bawat Pilipino ang
pinakaimportante upang i-ahon ang ating bayan sa krisis at nag- uumpisa ito sa
mga lider na umuupo at namumuno. Ang pagkakahindi-unawan ng mga lider na
nakaupo ay magdudulot ng pagkakawatak, pagkawasak at lalong paghihirap ng
ating bansa.

3. Ang sinabi ni Rizal na “Ang henyo ay walang kinikilang bansa” ay nagpapahiwatig

na hindi bumabatay sa dugo, lahi, bansa o estado ang katalinuhan ng isang tao.
Ang henyo ay makikita kahit saang parte ng daigdig at sa magkakaibang larangan,
mapa sining man ito, akademya, teknolohiya o agha. Kung kaya’t hindi natin
masasabing walang alam ang mga Pilipino at mas matalino ang mga dayuhan
sapagkat mayroon talagang taong umuusbong at nakakalamang ang katalinuhan
sa kung sinoo o anumang lahi. At sa ngayong henerasyon din, hindi mo
masasabing walang alam ang isang tao sapagkat mahina siya pagdating sa
akademya sapagkat mayroong tao na kahit mahina pagdating sa akademya ay
mas nakakalamang naman kaysa iba pagdating sa ibang larangan tulat ng sining
at arkitektura.
 4. Kahit sabihin nating malaya na tayo sa pananakop ng mga Espanyol ay buhay pa
rin hanggang ngayon ang Kolonyalismo sapagkat nagdulot ito ng malaki sa atin
lalo na sa pagbabago ng kultura. Dahil sa pananakop ng mga Espanyol noon
unang panahon ay nakatali na tayo at nakupkop na natin ang kultura na kanilang
iniwan tulad na lamang ng Kristiyanismo na nag- impluwensiya ng paniniwala ng
mga Pilipino hanggang ngayon. Makikita pa din natin ngayon ang mga istraktura
o disenyo na namana natin sa mga Espanyol at naimpluwensiyahan din nila ang
ilan sa ating mga wika. Bagama’t malaki ang dinulot ng mga Espanyol sa
pagbabago ng ating kultura ay hindi naman ito nakakapinsala sa ating bansa
ngayon, sa halip napapakinabangan natin ito sa pagpapaunlad ng ating mga
pamumuhay tulad ng pagnenegosyo at iba pa.

5. Bilang mag-aaral ng kasaysayan, masasabing ko rin na mas matagumpay ang

espiritual na pananakop sapagkat sinasakop nito ang kaisipan at paniniwala ng
mga tao na kung saan maaring mapasa o mamana ng susunod na henerasyon.
Ang mga paniniwala na ito ay itinanim na sa kaisipan ng mga tao kung kaya’t
makikita natin sa ating panahon na kahit nakawala na tayo sa pananakop ng mga
Espanyol ay ramdam pa din natin ang Kolonyalismo sapagkat kupkop pa rin natin
ang mga paniniwala na kanilang itinuro sa ating mga ninuno noong unang
panahon.

In a Nutshell

1. Hindi natin matatanggi na buhay pa rin ang Kolonyalismo sa ating bansa sa

panahon ngayon sapagkat tayo ay tuluyan ng sinakop ng mga dayuhan tulad ng
mga Espanyol pagdating sa espiritual. Nakupkop na natin ang mga paniniwala at
kultura na kanilang itinuro tulad na lamang ng Kristiyanismo, mga sugal, ilan sa
mga wika, pagkain, ideya at iba pa. Ang pagbabago sa kultura tulad nito ay
mahirap ng mawala at maari pa nating mapamana sa susunod pang mga
henerasyon.

2. Kailangang mapausbong natin ang ating diwang makabayan at pagka-

nasyonalismo sapagkat ito ang daan para sa maunlad na bayan. Pagkakaroon ng
pagmamahal sa inang bayan at sa mga sinasakupan nito ang magtataguyod
upang maibangon natin ang ating bansa. Naniniwala ako na kahit magkakaiba
man tayo ng pananaw sa buhay at magkakaiba man tayo ng paraan o ideya ay
dapat magkaisa tayo sa iisang layunin lamang at iyon ay ang paunlarin ang bansa
at huwag hayaan na patuloy nalang mahuli kumpara sa ibang mga bansa.