MARIA, BABAYE SA PAGTUO.

MARIA, INAHAN NI JESUCRISTO.

DAW SA BITUON SA
KADAGATAN, DAN-AGAN MO KAMI,
KAMING TANAN.
AVE, AVE, MARIA!

Ang Mahimayaong Pagkabanhaw

sa Atong Ginoong JesuCristo
Niining unang misteryo atong
pamalandongan ang mahimayaong
pagkabanhaw sa Atong Ginoong JesuCristo
Nagmadaugon ang Atong Ginoong
JesuCristo batok sa kamatayon ug sa sala.
Ang katawhan naluwas. Ang ganghaan sa
Langit naabli pag-usab alang kanato. Ang
Labing Balaang kalag ni Jesus mihiusa
pagbalik sa Iyang silimbahong lawas didto sa
lubnganan, ug gikan didto mibiya Siya aron
pagpakigkita sa Iyang inahan, sa mga
Balaang Kababayen-an, ug ngadto sa Iyang
Apostoles ug mga tinun-an.
 Niining misteryo, mangaliya kita sa
Birhen Maria sa gugma sa Dios ug sa
kamainiton diha sa pagserbisyo Kaniya.
Amahan Namo, 10 ka Maghimaya ka Maria,
Himaya, O Jesus ko

MARIA, BABAYE SA PAGLAUM.

MARIA, INAHAN NGA MALIG-ON.
O DALANGPANAN, BIRHEN’G BULAHAN!
LIG-ONON MO KAMI, KAMING TANAN.
AVE, AVE, MARIA!

Ang Pagsaka sa Langit sa

Atong Ginoong JesuCristo
Niining ikaduhang misteryo atong
pamalandongan ang Pagsaka sa Langit
sa Atong Ginoong JesuCristo
Human Niya saâ ri ang Mahal nga Birhen
ug ang Apostoles sa pag-abot sa Espiritu
Santo, ang Atong Ginoo misaka sa Langit
pinaagi sa Iyang Kaugalingong gahum.
Gidawat Siya sa dakong kalipay sa
Langitnong Amahan ug sa tanang atua didto.
Gipalingkod Siya sa tuo sa Labawng
Makagagahum, ug gikan didto moanhi Siya
sa Iyang himaya ug kahalangdon aron
paghukom sa mga buhi ug sa mga minatay.
Niining misteryo, mangaliya kita sa
Santisima Birhen nga unta bisan dili takus,
uban sa atong paningkamot ug sa diosnong
grasya, mahilangit unta kita.
Amahan Namo. 10 ka Maghimaya Ka Maria.
Himaya. O Jesus Ko
MARIA, BABAYE SA PAGHIGUGMA.
MARIA, INAHAN’G WALAY SAMA.
O KAHINGPITAN, BIRHENG BULAHAN
I-AMPO MO KAMI, KAMING TANAN.
AVE, AVE, MARIA!

Ang Pagkunsad sa Espiritu Santo

sa Mahal nga Birhen ug sa Apostoles
Niining ikatulong misteryo atong pamalan-
dongan ang Pagkunsad sa Espiritu Santo
sa Mahal nga Birhen ug sa Apostoles
Ang Birhen Santisima ug ang Apostoles
nanagtigum sa lugar ampoá nan sa Cenaculo,
alang sa piyesta sa Pentecostes.
Samtang nag-ampo sila, kalit lang may
dahunog daw unos ang nabati. Dâ yon, mga
dila ingog kalayo mitugdon sa kada usa
kanila.
Napuno sila sa Espiritu Santo nga
nagpakita sa Iyang gahum ug kahalangdon.
Gipuno ug gihingpit ang kalag ni Maria
niadtong higayona. Uban sa kainit
gisangyaw dayon sa Apostoles ang Ebang-
helyo ug sukad niadtong adlawa napadayag
ang Simbahan sa tibuok kalibutan.
Niining misteryo, mangaliya kita sa Mahal
nga Birhen alang sa pagkunsad sa Espiritu
Santo sa matag usa kanato.
Amahan Namo. 10 ka Maghimaya Ka
Maria. Himaya. O Jesus Ko
MARIA, RAYNA SA ROSARIO.
MARIA, TUBORAN SA KAAYO.
KIN’G MGA ROSAS KANIMO ANGAY,
HIMAYA UG DUNGOG, PAHALIPAY.
AVE, AVE, MARIA!

Ang Pagpasaka sa Lawas ug Kalag sa

Mahal nga Birhen didto sa Langit

Niining ika-upat nga misteryo atong

pamalan-dongan ang Pagpasaka sa Lawas ug
Kalag sa Mahal nga Birhen didto sa Langit
Miabot ang panahon nga ang Mahal nga
Birhen mikatulog diha sa Dios. Ang iyang
lawas wala madugta. Misaka siya sa Langit
lawas ug kalag. Imbes mabati ang tumang
kaguol atol sa iyang pagtalikod, gipulihan
kini sa Diosnong gugma ug kalipay.
Gidawat ang Bulahang Birhen sa Atong
Ginoong Jesus ug sa angheles. Dili
mahulagway ang kaanyag, kahalangdon ug
kabulahanan sa Mahal nga Birhen Maria.
 Niining misteryo, mangayo kita sa Dios sa
panabang sa Santisima Birhen nga ihatag
unta sa Dios kanato ang grasya sa pagpabilin
sa atong mainitong debosyon kang Jesus,
Maria, ug Jose.
Amahan Namo. 10 ka Maghimaya Ka Maria.
Himaya. O Jesus Ko

Glorious Queen look down in kindness,

While before your throne we stand;

Bring God’s blessing to your children;

Watch our home and guard our land.
// ORA PRO NOBIS,
AMEN. //

Ang Pagpurongpurong sa Mahal nga

Birhen: Rayna sa Langit ug Yuta
Niining ikalimang misteryo atong pamalan-
dongan ang Pagpurongpurong sa Mahal nga
Birhen isip Rayna sa Langit ug Yuta
 Gipasidunggan sa Santisima Trinidad ang
Mahal nga Birhen. Ang tulo ka personas sa
Dios, mihatag kaniya sa trono nga anaa sa
tuo ni Jesus, mihatag kaniya sa dungog
pagka-Rayna sa langit ug yuta, lakip na ang
uniberso. Nalipay kaayo ang tanang atua
didto sa langitnong korte, ang Dios Amahan
mipurongpurong kaniya, mitugyan kaniya sa
Iyang pagkagamhanan; ang Dios Anak
mihatag sa Iyang kaalam; ug ang Espiritu
Santo mitugyan sa Iyang gugma. Nagantihan
sa bililhong corona ang Mahal nga Birhen –
kinsa gitugyanan sa gahum ug sa samang
higayon nagpabilin sa pagkamaluluy-ong
inahan – nagtan-aw karon kanato ug
nagsugod na sa pagpaambit kanatong iyang
mga anak ug mga sundalo sa iyang ilabihang
kamanggiluy-on.
Niining misteryo, mangaliya kita sa
Birhen Santisima alang sa gasang diosnon
aron makalahutay kita diha sa grasya ug
maangkon ‘ta ang corona sa kahimayaan.
Amen.
Amahan Namo, 10 ka Maghimaya ka Maria,
Himaya, O Jesus ko
Maghimaya Ka Rayna
Ang MEMORARE