Almodal STEM-12A Filipino Modyul 6: Katitikan ng Pulong
Sintesis ng Pagpupulong:
Nagkaroon ng pagpupulong ang buong miyembro ng PaSigFil (Panulat Sigasig Filipino) na
may 100% na attendance ng mga dumalo at ang pangulo ng bawat strand ng ika-12 baitang na kalahok sa pagpupulong ay kompleto. Ang agenda ng pulong ay kung paano kumita ang samahan ng PaSigFil ng Ligao National High School at ang bawat pangulo ng ika-12 baitang upang makalikom ng pondo sa higiene kit na naglalaman ng dalawang mask, 500ml na alcohol at handwashing soap ng bawat mag-aaral nito. Buwan ng Agosto ipinagdiriwang ang Buwan ng Wikang Pambansa kung kaya’t ayon sa Tagapangulo ng samahan na si Paul na magkaroon ng varayiti show ang PaSigFil kung saan ipapakita nila ang kahusayan sa paggamit ng sariling wika. Maipapakita rin nila dito ang iba-t-ibang talento sa panitik at sining. Iminungkahi ng Pangulo ng HUMSS 1 na ibenta ang ticket sa murang halaga na limang piso (Php. 5.00) at bawat isang mag-aaral ay bibigyan ng sampung piraso nito. Pag napagbili niya ang ito ay magiging ambag niya sa pondo upang lahat ay mabibigyan ng higiene kit. Sa pamamagitan nito, ang lahat ay magkakaroon ng partisipasyon sa proyektong ito. Lalagyan nila ng control number and ticket para di maabuso ng iba. Ang lahat ay sang-ayon sa suhestiyon na ito. Gaganapin ang varayiti show sa katapusan ng Agosto. Agosto 31, 2020 at maari silang magbigay ng deadline sa paglikom ng mga tickets sa Agosto 25, 2020 upang maipagkaloob nila sa bawat mag-aaral ng ika-12 baitang and kanilang higiene kit. Ipapalista lang nila kay Mariel Andamar and presentasyon ng kani-kanilang klase kung saan may labing siyam na entry para sa varayiti show. Nagbigay ng kanyang pasasalamat ang Tagapangulo dahil sa masiglang paglahok at pakikiisa sa pagpupulong ng lahat ng mga miyembro ng samahan. Ito ay paraan ng pagbibigay pugay nila sa layunin nito na Bayanihan Act: We heal as one. Muli silang magkikita para sa isa na namang pagpupulong sa Agosto 25, 2020. Ganap na alas siyete ng umaga (7:00 am) at magkakaroon ng Grand Rehearsals na gaganapin sa alas otso ng umaga (8:00 am). Bago niya tapusin ang pagpupulong, nag-iwan siya ng isang magandang paalala kung saan sinabi niya na sa lahat ng ating ginagawa, Diyos ang ating patnubay at gabay.