Sigun ti Apocalipsis 2:3,4, napukaw ti damo nga ayat kadagiti miembro ti

kongregasyon idiay Efeso ken Apo Jehova. Makita tayo ditoy nga iti damo, agib-
ibturda ken agserserbida ken Apo Jehova uray maipaspasangoda iti nadumaduma
a pakarigatan ngem makapaladingit ta napukawda ti damo nga ayatda ken Apo
Jehova. Isu nga tapno maakseptar ti panagdaydayawda, masapul ngarud a
parayrayenda manen dayta nga ayatda kenkuana.
Masursurok met ditoy nga masapul a pagtalinaedentayo ti ayattayo ken
Apo Jehova aniaman ti mapasarantayo a suot wenno pakariribukan ti biag. Isu nga
ti panagserbitayo koma ken Apo Jehova ket iti amin a tiempo a saan laeng iti
damo wenno lagipentayo laeng isuna no adda pakasuotan tayo gapu ta ti
motibotayo iti panagdaydayaw ti nakapatpateg a kitkitaenna.
Masursurotayo ditoy nga tapno agtalinaedtayo a siriiing ken alerto, masapul
ngarud nga okupadotayo iti trabaho iti Apo wenno kadagiti naespirituan nga
aktibidad. Saantayo koma a panunoten nga gapu laeng ta adu nga oras wenno
tawenen ti naipaay tayo idi ti panagserbitayo ken Apo Jehova, ket umanayen ken
sumardengen tayon nga agserbi kenkuana no diket aramidentayo ti amin a
kabaelantayo tapno agtalinaed tayo a siririing ken alerto nga agserbi iti amin a
tiempo agingga iti panungpalan.

Kas impadto ni Apo Jesus, ti nakapatpateg ken kangrunaan a trabahotayo bayat

dagitoy maudi nga al-aldaw ket isu ti panangipakaammo ti naimbag a damag
maipapan iti Pagarian ti Dios iti intero a daga. Ngem saan tayo koma a mabuteng
wenno agdu-dua nga aramiden daytoy a trabaho gapu adda dagiti anghel nga
tumulong kadatayo nga ipakaaammo ti mensahe ti Pagarian ti Dios iti amin a
tattao aniaman ti tribu, lengguahe ken ili da kas nadeskriber ditoy Apocalipsis
14:6.