శ్రీ ప్రత్యంగిరా సర్వార్థసాధకకవచం

దేవ్యువాచ .

భగవన్ సర్వధర్మజ్ఞ సర్వశాస్త్రా ర్థపారగ .

దేవ్యాః ప్రత్యంగిరాయాశ్చ కవచం యత్ప్రకాశితం .. 1..

సర్వార్థసాధనం నామ కథయస్వ మయి ప్రభో .

భైరవ ఉవాచ .

శృణు దేవి ప్రవక్ష్యామి కవచం పరమాద్భుతం .. 2..

సర్వార్థసాధనం నామ త్రైలోక్యే చాఽతిదుర్లభం .

సర్వసిద్ధిమయం దేవి సర్వైశ్వర్యప్రదాయకం .. 3..

పఠనాచ్ఛ్ర్వణాన్మర్త్యస్త్రైలోక్యైశ్వర్యభాగ్భవేత్ .

సర్వార్థసాధకస్యాఽస్య కవచస్య ఋషిః శివః .. 4..

ఛందో విరాట్ పరాశక్తిర్జగద్ధా త్రీ చ దేవతా .

ధర్మాఽర్థకామమోక్షేషు వినియోగః ప్రకీర్తితః .. 5..

వినియోగః-

ఓం శ్రీసర్వార్థసాధకకవచస్య శివ ఋషిః .

విరాట్ ఛందః . శ్రీమత్ప్రత్యంగిరా దేవతా . ఐం బీజం . హ్రీం శక్తిః .

శ్రీం కీలకం శ్రీసదాశివదేవతా ప్రీత్యర్థే పాఠే వినియోగః ..

ఓం ప్రణవం మే శిరః పాతు వాగ్భవం చ లలాటకం .

హ్రీం పాతు దక్షనేత్రం మే లక్ష్మీర్వామ సురేశ్వరీ .. 1..

ప్రత్యంగిరా దక్షకర్ణ వామే కామేశ్వరీ తథా .

లక్ష్మీః ప్రా ణం సదా పాతు వదనం పాతు కేశవః .. 2..

గౌరీ తు రసనాం పాతు కంఠం పాతు మహేశ్వరః .

స్కంధదేశం రతిః పాతు భుజౌ తు మకరధ్వజః .. 3..

శంఖనిధిః కరౌ పాతు వక్షః పద్మనిధిస్తథా .

బ్రా హ్మీ మధ్యం సదా పాతు నాభిం పాతు మహేశ్వరీ .. 4..

కౌమారీ పృష్ఠ దేశం తు గుహ్యం రక్షతు వైష్ణవీ .

వారాహీ చ కటింపాతు చైంద్రీ పాతు పదద్వయం .. 5..

భార్యాం రక్షతు చాముండా లక్ష్మీ రక్షతు పుత్రకాన్ .

ఇంద్రః పూర్వే సదా పాతు ఆగ్నేయ్యాం అగ్నిదేవతా .. 6..

యామ్యే యమః సదా పాతు నైరృత్యాం నిరృతిస్తథా .

పశ్చిమే వరుణః పాతు వాయవ్యాం వాయుదేవతా .. 7..

సౌమ్యాం సోమః సదా పాతు చైశాన్యామీశ్వరో విభుః .

BACK TO TOP
ఊర్ధ్వం ప్రజాపతిః పాతు హ్యధశ్చాఽనంతదేవతా .. 8..

sanskritdocuments.org


రాజద్వారే శ్మశానే తు అరణ్యే ప్రాంతరే తథా .

జలే స్థలే చాఽన్తరిక్షే శత్రూ ణాం నిగ్రహే తథా .. 9..

ఏతాభిః సహితా దేవీ చతుర్బీజా మహేశ్వరీ .

ప్రత్యంగిరా మహాశక్తిః సర్వత్ర మాం సదాఽవతు .. 10..

ఫలశ్రు తిః .

ఇతి తే కథితం దేవి సారాత్సారం పరాత్పరం .

సర్వార్థసాధనం నామ కవచం పరమాద్భుతం .. 1..

అస్యాఽపి పఠనాత్సద్యః కుబేరోఽపి ధనేశ్వరః .

ఇంద్రా ద్యాః సకలా దేవాః ధారణాత్పఠనాద్యతః .. 2..

సర్వసిద్ధీశ్వరో సంతః సర్వైశ్వర్యమవాప్నుయుః .

ప్రీతిమన్యేఽన్యతః కృత్వా కమలా నిశ్చలా గృహే .. 3..

వాణీ చ నివసేద్వక్త్రే సత్యం సత్యం న సంశయః .

యో ధారయతి పుణ్యాత్మా సర్వార్థసాధనాభిధం .. 4..

కవచం పరమం పుణ్యం సోఽపి పుణ్యవతాం వరః .

సర్వైశ్వర్యయుతో భూత్వా త్రైలోక్యవిజయీ భవేత్ .. 5..

పురుషో దక్షిణే బాహౌ నారీ వామభుజే తథా .

బహుపుత్రవతీ భూయాద్వంధ్యాఽపి లభతే సుతం .. 6..

బ్రహ్మాస్త్రా దీని శస్త్రా ణి నైవ కృంతంతి తత్తనుం .

ఏతత్కవచమజ్ఞా త్వా యో జపేత్పరమేశ్వరీం .. 7..

దారిద్ర్యం పరమం ప్రా ప్య సోఽచిరాన్మృత్యుమాప్నుయాత్ ..

శ్రీ రుద్రయామల తంత్రే పంచాంగఖండే ప్రత్యంగిరాయాః

సర్వార్థసాధనం నామకం కవచం పరిపూర్ణం ..

Encoded by krishna vallapareddy krishna321 at hotmail.com

Proofread by krishna vallapareddy, PSA Easwaran

sanskritdocuments.org BACK TO TOP

 % Text title : pratyangirAkavacham

% File name : pratyangirAkavacham.itx

% itxtitle : pratyaNgirAkavacham sarvArthasAdhakam (rudrayAmalatantrAntargata

% engtitle : pratyangirAkavacham sarvArthasAdhakam

% Category : devii, kavacha, dashamahAvidyA, devI

% Location : doc_devii

% Sublocation : devii

% Language : Sanskrit

% Subject : philosophy/hinduism/religion

% Transliterated by : Krishna Vallapareddy krishna321 at hotmail.com

% Proofread by : Krishna Vallapareddy, PSA Easwaran psaeaswaran at gmail.com

% Description/comments : rudrayAmala tantre panchANgakhaNDe

% Latest update : March 30, 2018

% Send corrections to : Sanskrit@cheerful.com

% Site access : https://sanskritdocuments.org

This text is prepared by volunteers and is to be used for personal study and research. The file is not
to be copied or reposted for promotion of any website or individuals or for commercial purpose
without permission.
Please help to maintain respect for volunteer spirit.

Home
Sitemap
Blog
Contributors
Volunteering
GuestBook
FAQ
Search

sanskritdocuments.org BACK TO TOP