Professional Documents
Culture Documents
Gusto kong ibahagi sa iyo itong tatlong habits or ugali na pwede nating gawin para
lumago tayo sa mga bagay na mahalaga or importante sa ating buhay.
1. Managing Time on those things that matter or Pamahalaan mo ang iyong oras sa
mga bagay na mahalaga. (Psalms 90:12)
- 24hrs lang ang oras na meron tayo sa isang araw. Ano ba yung mga bagay na
pinagkaka-abalahan mo sa loob ng bente kwatro oras. Mahalaga ba ang mga
bagay na ginugugulan natin ng oras? Mahalaga ba ang mga bagay na ginugugulan
natin ng panahon at buhay? Lagi nating alalahanin, maikli lamang ang buhay. Ang
reyalidad ay kahit anong oras pwede mamatay ang tao. Kapag dumating yung
oras na iyon, masasabi ba natin, na nagampanan natin ang misyon na ibinigay sa
atin ng Diyos rito sa lupa? Nagamit ba natin an gating oras sa ikalalago ng
ispirituwal nating buhay at sa gawain ng Diyos? Mga kapatid, huwag nating
kakalimutan ang paglalaan ng oras sa gawain ng Diyos. Alam ko bawat isa sa atin
ay abala sa trabaho, pag-aaral, sa personal na buhay. Ngunit sana ay huwag
tayong makalimot mag-aalan ng oras sa gawain, especially, Sundays.
2. Living on Purpose.
- Para kanino ka ba bumabangon? O diba parang nescafe lang, para kanino ka
bumabangon. May napanood ako sa tiktok sabi niya, bumabangon nalang daw
siya para sa tsismis. Naniniwala ako na walang ganun sa atin, bumabangon lang
para sa tsismis. Naniniwala ako na ang bawat miyembro ng CIA-Sta Rita ay
bumabangon at nabubuhay para sa kaluwalhatian ng Diyos amen? Amen. Kasi
iyon na yung purpose ng bagong buhay na meron tayo kasama si Kristo nang
magpa-bautismo tayo. Iyon ang lagi nating alalahanin sa bawat umagang gigising
tayo, sa bawat araw na daragdag sa ating buhay. Ang bago mong layunin sa iyong
bagong buhay.
3. Choose good priorities (Lucas 10:41-42)
- What are your priorities in life? Pamilya niyo ba, asawa mga anak? Trabaho? Pag-
aaral? Siguro sa mga parents priority nila ang pamilya nila, mga anak, tapos
trabaho. Sa mga estudyante, yung pag-aaral. Tama po? Walang masama sa mga
bagay na ito, ngunit hindi ba dapat ang ilagay natin sa top priority natin ay ang
Diyos? Katulad ng sabi ko kanina, limitado ang oras na meron tayo, piliin nating
mabuti kung saan ba natin gugulin ang bawat oras na mayroon tayo. Piliin natin
kung kanino kina Martha at Maria ang magiging approach natin sa pagili ng
prayoridad sa buhay. Magiging aligaga kaba at balisa sa maraming bagay na hindi
naman kailangan or pipiliin mong magfocus sa isang pinaka importante gawain,
iyon ay ang gawain ng Diyos? Walang masama kung marami tayong prayoridad
sa buhay, pero lagi nating tandaan na kung ano ba dapat ang nasa pinaka unang
prayoridad na dapat nating gawin.
- Ang sabi sa (Mateo 6:33-34). Unahin muna natin hanapin ang kaharian ng Diyos,
at ang lahat ng bagay na naisin natin ay ibibigay ng Diyos. Sabi ditto, huwag kang
mag-aalala sa araw ng bukas, hayaan mo ang bukas ang mag-aalala sa sarili niya.
Huwag mong alalahanin yung problema mong kakaharapin bukas, bagkus
magfocus ka sa kung ano yung nasa harap mo ngayon. Ang utos ng Diyos ay
huwag tayong mag-alala. Huwag nating alalahanin ang mga bagay na umaagaw
ng ating atensyon sa Diyos. Unahin mo ang Diyos at hinding-hindi ka mahuhuli.