RA JU´TA

Ra ju´ta na ra ndäpo hoka ra stä ne tsogi tudi, xa ñho pa da kot´i ya ñani ri stää
nu hu xä xogi o xa temhi.
TE PEUI:
 Ná ra nye ra ju´ta
 Na ra nta´tsi ra t´afi
 Yoho ya mädo.
HABU BI JA´Ä:
Ra ju´ta ma gi ts´udi ha ra huähi nu ri hai.
HANJA DA THOKI:
Heki ra ju´ta
Hñäi ra ngo
J´api ra t´afi ne ya mädo ´nepu thänts´i.
Hiti ri stää ngu xi nzäntho xit´suabi nuna ra xabo ga hoki.
Xi da hiti ri stää xa ñho pe´te ri stää kora tse dehe.
TE MÄ HYONI GI JAMÄSU:
Xuki xa ñho ra ju´ta pa da yoge nu ra ngii.
¿HANJA GI JA?
Ma gi ja ri stää yo´ho ya pa ra semäna ngu kut´a ya zänä.

RA GU DÄNGU
Nuna ra ndapo ra gu dängu, xa ñho pa ra u mui.
TE PEUI:
 Na ra fot´ye ra xi ra gu dängu.
 Yoho ya yot´eni ra dehe.
HABU BI JA´Ä:
Nuna ndäpo ma gi ts´udi ha ra t´oho.
HANJA DA THOKI:
Pe´te ra xi ra gu ´ñoi honts´e ra dehe pa da nzani.
´M´efa ja ra xi ra gu dängu.
Nepu da nzani ngu ´ret´a zi ya´ä ne hue´ti.
TE MÄHYONI GI JAMÄZU:
Pe´te xa ñho ra ndäpo ne gi hots´e.
¿HANJA GI JA?
Da käni ne t´si na ra ntsi tat´a da zu´i ra nduthe gatho ya pa.