Managsama man ka dako ang gugma nga gibati ning atong dughan,

Apan migitib ug mitubo kini sa sayop nga relasyon ug kapanahonan,

Sa sulod sa akong kasingkasing, nasayod ko nga wa kini maayong kapadulngan,

Kay maabot ang panahon sa akong pagmata mahanaw ka na sa akong kiliran.

Bisan pag unsa ka nindot alang kanato ang mga plano ngadto sa unahan.

Apan mahimong kawang ug sayang pag abot sa kaulahian.

Sa panahon nga gusto na nimo musubay sakto ug tulid nga dalan.

Isalikway mo ako nga nahimong kabahin ug tipik sa imong kasaypanan

Sa imo unyang pagtalikod, ang samad sa hapo nga kasing-kasing magpabilin.

Nga walay sarang tambal nga s aka hapdos pweding makawagtang ug maka-alim

Antoson nko ang kappa-it nga daw apdo u gang kasakit nga mag umido ning galamhan

Tungod kay misood ako sa relasyon nga wa gitugot sa kahitas-an

Kinsa man atong basolon niining gisodlan natong sayop nga relasyon.

Si kapanahonan ba nga mitugot nga magkabagat ang atong mga dalan.

Ikaw ba nga naghambin nianang makalaran ug makabibihag nga katahuman.

O ako, nga igo lang intawon nag tug an sa tinood nga gipitik ning akong dughan

Si Bathala na ang bahala, nga mohukom ning atong gibati

Kay siya lamang ang nasayod sa inoylap ning atong dughan kung unsa kini ka putili.

Andam na ako mo dangoy-ngoy ug mubakho kung mau kini ang bugti niining tanan

Apan bisan gamay wala nako gimahayan nga mibutho ka sa akong kalibutan.

Mangandoy man ko nga pag abot sa panahon ma angkon nato ang kagawasan sa gugma.

Apan nasayod ako nga dili kana matuman kay sa atong kapalaran wala kana gitagana.

Kungsa laing kalibutan man lang taka pweding makauban hangtud sa kahangturan.

Maypa tingali ug sugdan na ako pakalot, ang akong kaugalingong lubnganan.