(ILME TAUHID FARDHU'IN)

Susunan lam bahasa Aceh agar mudah pahami,

A. SIFEUT YANG WAJEB BAK ALLAH
1. WUJUD
Na Allah Ta’ala,
Lawan jih hana Allah Ta’ala
Pakiban Na Allah?
· Hana meukareuna
· Hana meuseubab
· Hana meutempat
· Hana meuwate
Meuphom Allah Ta’ala hana meukareuna : Allah Ta’ala hana soe peuna.
Meuphom Allah Ta’ala hana meuseubab : Allah Ta’ala hana soe usaha, hana mak, hana ayah
Meuphom Allah Ta’ala hana meutempat : Allah Ta’ala hana bak saboh – saboh teumpat,di
ateuh,diyup,disampeng,dilikot,dan dikeu,
Meuphom Allah Ta’ala hana meuwate : Allah Ta’ala hana meuwatee ngen saboh – saboh wate
Toh dali na Allah Ta’ala? na alamnyoe,yang geukheun alamnyoe adalah yang selaen Allah, na dua
macam yaitu :
· Yang pertama jirem (zat yang baharu ) : atau zat yang jicok lapang (tempat) contoh jih, lat, batat,
kayee, batee
· Yang kedua Aradh (sifeut yang meuubah – ubah) contoh jih meugrak, meu iem, meuwarna warni
dan laen – laen
Pakiban tapeugah alamnyoe dali na allah? karena alamnyoe na jih baharu, na meukareuna, na
meusebab, na meutempat, na meuwate,
2. QIDAM
Sedia Allah Ta’ala,
 Meuphom kata – kata sedia : Allah Ta’ala hana meuphon atau hana di peuawai lee hana
Lawan jih Baharu arti baharu (meuubah –ubah)
Pakiban geukheun meu ubah – ubah? awai – awai hana oeh dudo kana, oeh dudo lom ka hana.
Toh dali Allah Ta’ala neumeusifeut Qidam ? alamnyoe
Pakiban tapeugah alamnyoe keu dali sifeut Qidam Allah? karena na jih dialamnyoe baharu (meubah
– ubah)
3. BAQA
Kekal zat Allah Ta’ala selama - lama,
Meuphom kekal selama – lama : Allah Ta’ala hana meuseuneulheuh
Lawan jih fana (binasa )
Meuphom fana : na meuseuneulheuh
Teuh dali Allah Ta’ala neumeusifeut Baqa ? alamnyoe
Pakiban tapeugah alamnyoe keu dali sifeut baqa Allah? karena alamnyoe na meuseuneulheuh
4. MUKHLAFATUHU LIL HAWADIST
Hana saban Allah Ta’ala ngen peuneujeut,
Lawan jih, saban Allah Ta’ala ngeun peuneujeut bak zat, bak sifeut, bak beut
· Zat Allah Ta’ala : Hana meutuboeh, hana meubungkok, hana meubentuk,Hana merupa,
· Hana Saban sifeut Allah Ta’ala ngen sifeut makhluk, sifeut yang na bak Allah ta'ala
hana bak makhluk, sifeut yang na bak makhluk hana bak Allah.
 Sifeut makhluk na keu na likoet, sifeut bak Allah hana keu hana likoet
 Sifeut makhluk na wie na uneun, sifeut bak Allah hana wie hana uneun
 Sifeut makhluk na meuyub na manyang, sifeut bak Allah hana meuyub hana manyang.
Sifeut makhluk na lua na dalam, sifeut bak Allah hana lua hana dalam
Sifeut makhluk na meugrak na meu iem, sifeut bak Allah hana meugrak hana meu iem
Sifeut makhluk na meu warna, sifeut bak Allah hana meuwarna – dan meumacam – macam yang
laen
Hana saban but Allah ngen but makhluk
But Allah Ta’ala barang golom na ek geu peu na, barang yang kalheuh na ek geu peuhana
But Makhluk barang kalheuh na geu peuna lee Allah
Contoh jih : Trou bukon karena makanan, puleh grah kon karena ie dll
Teuh dali Allah Ta’ala neumeusifeut mukhalafatuhu lil hawadist ? na alamnyoe
Pakiban tapeugah alamnyoe keu dali sifeut mukhalafatuhu lil hawadist bak Allah? karena
alamnyoe sama bak zat, bak sifeut, bak but,bandum zat alam meususon, bandum sifeut alam awai
hana dudo kana, oh dudo ka hana. Bandum but alam, barang kalheuh na geupeuna lee Allah.
5. QIYAMUHU BINAFSIH
Allah Ta’ala geudoeng keudroe,
Makna Allah Ta’ala geudoeng keudroe na dua perkara
Yang pertama : Allah Ta’ala hana peurle keu zat yang laen
Yang kedua : Allah Ta’ala hana peurle keu so yang peujeut
Lawan jih peurle keu zat yang laen dan peurle keuso yang peujeut
Pekon Allah Ta’ala hana peurle keu zat yang laen? karena Allah Ta’ala kon sifeut, Allah Ta’ala
saboh zat, zat Allah hana geucok lapang, meunyoe zat makhluk jicok lapang.
Pakiban muphom Allah Ta’ala hana peurle keu zat yang laen, hana peurle keu soe peujeut dan
hana geucok tempat lapang? karena Allah Ta’ala kaya dari tip – tip peuneujeut.
Toh dali Allah Ta’ala neumeusifeut qiyamuhu binafsih? alamnyoe
Pakiban tapeugah alamnyoe keu dali sifeut qiyamuhu binafsih Allah? karena alamnyoe hana kaya
bak zat, bak sifeut, bak but, Zat alam ata Allah, sifeut alam ata Allah dan but alam ata kaleuh na
geupeuna lee Allah.
6. WAHDANIAH
Esa Zat Allah, Esa Sifeut Allah, Esa Buet Allah,
Meuphom Esa Zat Allah na dua perkara
 Yang pertama : Zat Allah hana meususon, hana meuasoe, hana meudarah, hana meurat, hana
meuteuleung.
Yang kedua : Zat Allah hana sama ngon zat laen.
Lawan jih meususon –suson zat Allah dan sama zat Allah ngon zat yang laen.
 Pakiban meuphom hana meuseusoen zat Allah ? hana meutuboeh, hana meubungkok, hana
meubentuk,Hana merupa,
Pakiban muphom hana sama zat Allah ngon zat yang laen? hana Tuhan laen mesidroe pun yang
saban ngon Allah bak zat, bak sifeut dan bak but,
Meuphoem Esa sifeut Allah : sifeut Allah hana dua – dua ,sifeut Allah hana diduk pat laen. 50 boh
i’tikeut yang teukandoeng dalam kalimah Lailahaillallah hana jideuk pat laen, yang na bak Allah.
 Meuphom Esa But Allah : But Allah hana geupakek alat, peu yang geupeugah na langsung na.
Teuh dali Allah Ta’ala neumeusifeut wahdaniah? alamnyoe
 Pakiban tapeugah alamnyoe keu dali sifeut wahdaniah Allah? karena alamnyoe hana Esa zat, hana
Esa sifeut, dan hana Esa but, Sekira jih Allah Hana Esa maka alamnyoe pih hana.
Peu beda antara Esa dan satu.....? Esa (Hana permulaan), meunyo satu na permulaan yaitu diawali
lee nol (0).
7. QUDRAH
Kuasa Allah Ta’ala,
Lawan Jih leumoh
Meuphom kuasa Allah Ta’ala : ata golom na ek geupeuna, ata kalheuh na ek geupeuhana.
Teuh dali Allah Ta’ala neumeusifeut Qudrah ? alamnyoe
Pakiban tapeugah alamnyoe keu dali Qudrah Allah ? karena alamnyoe leumoh, ha ek ji peuna
barang yang golom na dan ha ek di peuhana barang yang kalheuh na.
Meunyo hana Qudrah Allah, alamnyoe pih hana,
8. IRADAH
Berkehendak Allah Ta’ala,
Meu phom berkehendak : Neupeutente barang yang golomna keu na dan barang yang kalheuh na
keu hana.
 Lawan Jih laloe
Meuphom laloe : tuwoe atau hana sengaja
Teuh dali Allah Ta’ala neumeusifeut Iradah? alamnyoe
Pakiban tapeugah alamnyoe keu dali Iradah Allah ? karena alamnyoe ha ek di peuteunte barang
yang golomna supaya na dan yang kalheuh na gepeu hana
Meunyo hana Iradah Allah, alamnyoe pih hana
9. ILMU
Neuteupu Allah Ta’ala kon ngon neumeuruno,
Allah Ta’ala neuteupu barang yang golomna keu na dan yang kalheuh na keu hana.
Lawan Jih bangai.
Meuphom bangai : na payah na mudah.
Teuh dali Allah Ta’ala neumeusifeut Ilmu? alamnyoe
Pakiban tapeugah alamnyoe keu dali ilmu Allah? karena alamnyoe bangai, alamnyoe hana diteupu
barang golom na keu na dan hana diteupu dan ha ek dipeuteunte barang yang golomna keu na dan
yang kalheuh na gepeu hana
 Meunyo hana Ilmu Allah, alamnyoe pih hana
10. HAYAH
Udep Allah Ta’ala keun ngeun nyawong,
 Lawan Jih mate.
 Setiap yang udep ngon nyawong pasti mate.
Teuh dali Allah Ta’ala neumeusifeut hayah .? alamnyoe
 Pakiban tapeugah alamnyoe keu dali hayah Allah? karena alamnyoe pasti mate.
Meunyo hana hayah Allah, alamnyoe pih hana
11. SAMA’
Neumeudeungoe Allah Ta’ala ke
koen ngeun ruhung gelinyung
 Lawan Jih klo,
Meuphom klo : suara jioh handeuh geudeungoe, zat yang hana sura handeuh geudeungoe,
 Toh dali Allah Ta’ala neumeusifeut sama’ ? alamnyoe , qur’an, hadist dan ijmak (ulama)
pakiban tapeugah alamnyoe keu dali sifeut sama’ Allah? karena alamnyoe klo, suara yang jioh
handeuh di deungoe, zat yang hana suara handeuh di deungo,alam nyoe jideungo, geupeudeungoe le
Allah.
12. BASHAR
Geukeumalon Allah Ta’ala keun ngeun mata,
  Lawan Jih buta.
Meuphom buta : yang jioh handeuh geu kaleun, yang meupadok handeuh geukaleun.
 Toh dali Allah Ta’ala neumeusifeut bashar ? alamnyoe , qur’an, hadist dan ijmak (ulama)
Pakiban tapeugah alamnyoe keu dali sifeut bashar Allah ? karena alamnyoe buta, yang jioh
handeuh ji kalon, yang zat padek handeuh jikalon, Alam nyoe dikeumalon, geupeukaloen le Allah.
13. KALAM
Neumeututo Allah Ta’ala keun ngon lidah dan hana meuhuruf dan hana meusuara dan hana salah dan
hana neu iem, hana awai hana akhe,
Lawan Jih bisu
Teuh dali Allah Ta’ala neumeusifeut kalam? alamnyoe , qur’an, hadist dan ijmak (ulama)
Pakiban tapeugah alamnyoe keu dali sifeut kalam Allah? karena alamnyoe bisu, tuto alamnyoe
geupeujeuet lee Allah.
14. QADIRUN
Yang kuasa!
Lawan Jih yang lemah
Meuphom yang kuasa : dalam sekejap Allah Ta’ala ek geupeuna barang yang golomna dan ek
geupeuna barang yang kalheuh na di seluruh alam
Toh dali Allah Ta’ala neumeusifeut qadirun? alamnyoe
 Pakiban tapeugah alamnyoe keu dali sifeut qadirun Allah? karena alamnyoe ha ek dpeuhana
barang yang kalheuh na dalam sekejap seluruh alam.
Meunyoe hana qadirun Allah, alamnyoe pih hana
15. MURIDUN
Yang peutente
Meuphom yang peutente : dalam sekejap ek geupeuteunte barang yang golom na keu na dan ek
geu peuntente barang yang kalheuh na keu hana di seluruh alam
Toh dali Allah Ta’ala neumeusifeut muridun? alamnyoe
Pakiban tapeugah alamnyoe keu dali sifeut muridun Allah karena alamnyoe ha ek dipeuhana
barang yang kalheuh na dalam sekejap seluruh alam.
Meunyoe hana muridun Allah, alamnyoe pih hana.
16. ‘ALIMUN
Yang teupu !
 Lawan jih yang bangai
Meuphom yang teupu: dalam sekejap Allah Ta’ala sanggup geuteupu barang yang golomna keu na
dan barang yang kalheuh na keu hana dalam sekejap seluruh alam dan droe neuh Tuhan
Toh dali Allah Ta’ala neumeusifeut ‘alimun? alamnyoe
Pakiban tapeugah alamnyoe keu dali sifeut ‘alimun Allah karena alamnyoe han sanggop diteupu
barang yang golomna keu na dan barang yang kalheuh na keu hana sekejap seluruh alam beserta droe
jih alam, Meunyoe hana ‘alimun Allah, alamnyoe pih hana
17. HAYYUN
Yang hudep
Lawan jih yang mate
 Meuphom yang hudep : yang hana mate – mate
Toh dali Allah Ta’ala neumeusifeut hayyun ? alamnyoe
Pakiban tapeugah alamnyoe keu dali sifeut hayyun Allah karena alamnyoe yang mate.
 Meunyoe hana hayyun Allah, alamnyoe pih hana
18. SAMI’UN
Yang meudeungoe ,
 Lawan jih yang klo
 Meuphom yang meudeungo : dalam sekejap Allah Ta’ala sanggup geudeungo zat yang na suara
dan zat yang hana suara dalam sekejap seluruh alam serta kalam droe neu Allah
Toh dali Allah Ta’ala neumeusifeut sami’un? alamnyoe, qur’an, hadist dan ijmak (ulama)
Pakiban tapeugah alamnyoe keu dali sifeut sami’un Allah karena alamnyoe han sanggop dideungo
zat yang na suara dan yang hana suara dalam sekejap seluruh alam beserta suara droe jih alam.
19. BASHIRUN
Yang keumalon,
Lawan jih yang buta
 Meuphom yang keumalon : dalam sekejap Allah Ta’ala sanggup geukalon seluruh alam dan droe
neu Allah
 Toh dali Allah Ta’ala neumeusifeut bashirun? alamnyoe, qur’an, hadist dan ijmak (ulama)
Pakiban tapeugah alamnyoe keu dali sifeut bashirun Allah karena alamnyoe buta han sanggop
dikalon dalam sekejap seluruh alam dan droe jih alam.
20. MUTAKALLIMUN
Yang meututo,
Lawan jih yang bisu
 Meuphom yang meututo : yang hana iem – iem, Allah Ta’ala sabe – sabe geu meututo hana
pernah geu iem.
Toh dali Allah Ta’ala neumeusifeut mutakalimun ? alamnyoe, qur’an, hadist dan ijmak (ulama)
 Pakiban tapeugah alamnyoe keu dali sifeut mutakalimun Allah karena di alamnyoe yang iem,
hanjeut di meututo menyoe hana geupeujeut dan gepeututo le Allah.
SIFEUT YANG HARUS BAK ALLAH
na saboh
Neu peugot tip – tip yg mungken atau hana neu peugot
Lawan jih wajeb neu peugoet tip – tip yg mungkin atau wajeb hana neu peugoet
Mungken na 4 perkara :
Mungken na oh lheuh hana, contoh jih alamnyoe
 Mungken hana oh lheuh na, contoh jih nabi dan rasul
Mungken yang akan datang, contoh jih uroe kiamat
 Mungken dalam ilmu Allah tapi hana neu peugot, contoh jih iman abu jahal dan iman abu lahab.
Dalam ilmu Allah mungken geupeuiman tapi hana geupeuiman.
#Dan_Wajeb
Wajeb bagi tip-tip Mukallaf yg katroh umue lagi Meu akai,geteupu akan sifeut yg wajeb bagi Nabi
dan Rasul,
Soal padim droe jumlah Nabi ?
Jaweub :
Jumlah Nabi keseluruhan : 124.000 droe
Yang menjadi Rasul : 313 droe
Yg wajeb taturie : 25 droe
Peu beda antara Nabi dan Rasul ?
Jaweub : yg geukeun Nabi golom teunte Rasul,yg geukeun Rasul kateunte Nabi,
Perbedaan yg laen :
 Nabi geterimong Wahyu untuk droe gobnyan kedroe,sedangkan Rasul geuterimong wahyu untuk
geusampaikan keu umat,
Padim droe jumlah Nabi yg wajeb taturi?
Jumlah Nabi yg wajeb taturi 25 droe sebagai mana geu sebutkan di dalam Al-Quran,
Kiban hukom Taturi Nabi 25 ?
Hukom taturi Nabi 25,hukom jih Fardhu'in
Kiban yg geumaksud dengon Fardhu'in?
Yg geumaksud dengoe Fardhu'in adalah wajeb untuk taturie,
Kiban makna wajeb ? Makna wajeb geubri pahala bagi yg kerjakan,dan meudosa bagi yg
tinggalkan,
Kiban muphom?
Wajeb bagi tiap-tiap mukallaf yg katroeh umue lagi Meuakai baik Inong maupun Agam geuturi akan
Nabi 25 ,jika hana geuturi,niscaya Allah catat dosa bagi ureng nyan setiap saat,
Na sidroe ureng geuturi Nabi cuma 24 droe,namun sidroe teuk katuwoe geuh,Hansep 25,maka
Han sah iman ureng nyan di hadapan Allah SWT,
Pujet menan ?
Karna deungon tuwoe keu sidroe Rasul,maka kedudukan jih saban lage hana ta-imani sidroe Rasul,
Sementara lam agama,Rasul 25 wajeb taturi sekaligus wajeb ta-imani,jika Hana taturi dan ta-
imani,maka Han sah rukon iman yg ke 4 percaya kepada sekalian rasul-rasul,terjadilah han sah
iman,ketika Han sah iman,maka han sah lah ibadah getanyoe kepada Allah SWT,
Toh-toh Rasul 25 yg wajeb taturie?
Jaweub :
1. Adam A.s
2. Idris A.s
3. Nuh A.s
4. Hud A.s
5. Shaleh A.s
6. Ibrahim A.s
7. Luth A.s
8. Ismail A.s
9. Ishaq A.s
10. Ya'qub A.s
11. Yusuf A.s
12. Ayub A.s
13. Suaeb A.s
14. Musa A.s
15. Harun A.s
16. Zulkifli A.s
17. Daud A.s
18. Sulaiman A.s
19. Ilyas A.s
20. Ilyasa A.s
21. Yunus A.s
22. Zakaria A.s
23. Yahya A.s
24. Isa A.s
25. Nabi Muhammad S.A.W
 Soal padum boh sifeut yg wajeb bagi Rasul ?
sifeut yg wajeb bagi Rasul na 4 :
1. SHIDIQ Artijih Benar
Lawan jih Sulet,
Wajeb bagi sidroe muslim geu i'tikeud bahwa Nabi bersifat Shidiq artijih benar,peu yg geusampaikan
kepada umat,baik masalah donya maupun akhirat benar adanya,
Miseu masalah donya : Rasul gepegah Tuntut ilme(Fardhu'in) ateuh tiap-tiap muslim laki-laki
maupun perempuan,taingkar Han tapateh maka jatuh murtad (Kafe)
Miseu masalah akhirat : Nabi geupegah siksa kubunyan Na,syurganyan na,nerakanyan
na,getanyoe ingkar Han tapateh,maka jatuh kepada murtad(kafe) atau gepegah le Nabi,dalam agama
yg pon-pon tat wajeb taturi Allah dan Rasul, taingkar Hana wajeb turi maka jatuh kepada
murtad(Kafe),
Maka wajeb bagi getanyoe ta i'tikeud apapun yg geusampaikan le bandum Rasul adalah Benar
adanya,
2.AMANAH - Artijih Kepercayaan,
Meuphom daripada Kepercayaan adalah wajeb ta peucaya bandum Nabi dan Rasul hana geu pubut
but yang geularang le Allah
Lawan jih khianat
Meuphom daripada khianat geupubut but yang geularang le Allah,
Meuphom khianat yang laen :
 Geutuka ta’at ngon maksit
Geutuka haleu ngeun hareum
Geutuka wajeb ngon sunat,
Maka dalam hudep,
Si barangkasoe dituka ta’at dengon maksit,
Yg maksit di peugah ta’at,
Yg wajeb di i'tikeud sunat,
Yg sunat di i'tikeud wajeb,
Yg hareum di i'tikeud haleu’
Yg haleu di i'tikeud hareum, maka hukom jih murtad (kafe)
Sibarang kasoe di i'tikeud bahwa Rasul na geupubut salah dan khianat Sunggoh kafirlah ia,
3. TABLIGH artijih meunyampaikan Wahyu dari Allah,
Lawajih geusom,
Wajeb ta i'tikeud apapun yg geusampaikan le Rasul barangnyan bandum datang jih dari Allah Ta’ala,
Sibarangkasoe han di pateh akan barang geusampaikan le rasul,sama dengan Han geupateh keu
Allah,ureng yg Han pateh keu Allah Hukom jih murtad (kafe)
Maka wajeb bagi getanyoe ta i'tikeud bahwa ubena yg geusampaikan le Nabi dan Rasul ata geyu le
Allah,barangnyan memang dari Allah,Han geutuka,Han geu ubah,Maha suci Rasul daripada geusom
dan geu ubah ubena barang yg geusampaikan le Allah taala,
4. FATHANAH Artinya careung
Lawan jih bangai
Wajeb tai’tikeud bandum Rasul careung,Karna Rasul ureng telebeh martabat,maka wajeb bagi sidroe
muslim geu i'tikeud bahwa Nabi adalah hamba pilihan Allah yg careng dalam segala bidang,
SIFEUT YANG HARUS BAK BANDUM RASUL SABOH(1) :
Neumepeurangui ngon tuboh manusia yg hana kureung martabat kerasulan-Nya
Lawan jih : Neumeupeurangui ngen tuboh manusia yg kureung martabat kerasulan-Nya
Contoh jih : meukurap,mekudee,supak,buta,budok,dll
Bandum barang nyan Hana bak Rasul,
Sibeurangkasoe di i'tikeud bahwa Rasul kureng martabat hukom jih Murtad(kafe)
SEBAGOE TAMBAHAN :
Sifeut yg wajeb bak tuboh Rasul na 4 :
1. Basyarun
Yaitu : Nabi manusia,mustahel takheun Nabi bangsa jen atau malaikat,maka wajeb ta i'tikeud
bahwa Nabi dan Rasul golongan daripada Manusia,
2. Rajulun
 Nabi ureung agam, mustahel takheun Nabi ureung inong,maka wajeb bagi getanyoe ta i'tikeud
bahwa ubena Rasul adalah ureng Agam,
3. Afdhalul Insan
Nabi bangsa teulebeh dan mulia,mustahel takheun Nabi bangsa kureung dan hina,
4. Ibnu Halal
Nabi aneuk haleu, mustahel takheun Nabi aneuk hareum,
Kesimpulan
Jumlah dari postingan FB yg awai,
Sifeut yg wajeb bak Allah 20,
Mustahil 20
Jaiz 1
Jumlah : 41
Sifeut yg wajeb bak Rasul 4
Mustahil 4
Jaiz 1
Jumlah : 9
41+9 = 50
Maka Nyo keuh yg dinamakan lam agama seubago aqaid 50,
Yg wajeb tatuntut,
Yg wajeb taturi,
Yg wajeb tayakini,
 Yg wajeb ta-imani,
#Wallahu'alam bissawab
‫ له من األجر مثل أجور من تبعه ال ينقص ذلك من اجورهم شيء‬V‫من دعا الى هدى كان‬
ً ‫ومن دعا الى ضاللة كان عليه من اإلثم مثل آثام من تبعه ال ينقص ذلك من آثامهم شيئا‬
Barang siapa mengajak pada kebenaran, maka ia juga mendapatkan pahala sebagaimana pahala
orang-orang yg mengikutinya tanpa kurang sedikitpun,dan barang siapa yg mengajak pada
keburukan, maka ia juga mendapatkan dosa sebagaimana dosa orang-orang yang mengikutinya tanpa
kurang sedikitpun (HR Muslim).