PANUNUMPA NG PAGKAKAISA

Kami ay mga Pilipino,

NANINIWALA
sa katapatan, kabuaan ng loob,/ kahandaang lumaban/
at kakayahang magdala ng pagbabago ni Leni Robredo
para sa pagka-Pangulo ng Republika ng Pilipinas s
a darating na halalan sa Mayo 2022;
Kami ay mga Pilipino,

MANININDIGAN
kasama ni Leni laban sa pagsisinungaling,
pang-aabuso at bulok na klase ng putilika,
na sa kabila ng limitasyon, panggigipit at paninira
ay lalaban kasama ni Leni
para sa kapakanan ng mga kababayang madalas na naisasantabi at napag-iiwanan;
Kami ay mga Pilipino,
SUMUSUPORTA
sa kanyang panata
na ibubuhos nang buong buo ang lakas para ipaglaban ang Pilipinas
at magsusulong ng gobyernong matino at mahusay,
tapat at may pananagutan,
tunay na inuuna ang interes ng taumbayan;
Kami ay mga Pilipino,

SASABAK
bilang boluntaryo na aktibong makikibahgi
sa mga gawain at proyekto ng Volunteers of Leni For President
at gagampanan ang mga tungkulin para sa pagbabago
at pangkalahatang kabutihan ng ating bansa,
nang buong puso, walang hinihinging kapalit,
at may katapatan at kahusayan;
Kami ay mga Pilipino,
KAISA
ni Leni Robredo na magmamahal at ipaglalaban ang aming minamahal,
ang pag-uuna at pagsasaalang-alang ng kapakanan ng taong bayan
sa paraang maka-tao, may dangal,
malikhain, makakalikasan at naaayon sa batas,;
Kami ay mga Pilipino,

MAGHAHALAL
kay Leni Robredo bilang PRESIDENTE NG PILIPINAS
at magtataguyod ng isang tapat, malinis at makatarungang eleksyon;
Kasihan nawa kami ng Panginoon.

_______________________________________________
PANGALAN AT LAGDA NG NANUNUMPA