SANM SAN SANM

Fwè,
Vou é mwen

Ka’w vlé fè !

Sé fwè nou fwè
Flè é flè a on ti milfè
Tou flègèdè

Nou pa ka sanm
Men nou ansanm an
menm san-la
An menm sans-la
Sé ansanm la nou
ansanm la
Kifè
Nou ka sanm san sanm

Mwen sé mwen
Vou sé vou
Si an pa té mwen
Ou pa té ké mwen
Si ou pa té vou
An pa té ké mwen
É fouti nou pa té ké
nou !

Ka’w vlé fè !

Sé fwè nou fwè
Flè é flè a on ti milflè
Ki pousé tou fyè owa
bayè

San manti !
Ki vou ki mwen
Ki zòt, ki nou,
Sé sanm la nou pa ka sanm la
ki ka fè nou andwa sanblé
Pou nou sanm on péyi tibwen
Pou nasyon an nou la fléri
Vwè kon milflè plen flanm
An gran savann
[…]

Frantz SUCCAB, Désanm 1986