Mga Tinahod nga Kag-anak:

Nababatasan na hiton aton iskuylahan an pagkamayda Induction han mga officer ngan gikurugkilala
hiton mga kag-anak ngan kamaestrahan hiton ira kabataan.

Ini nga higayon in naghahatag oportunidad para mapakusog an maupay nga relasyon hiton kag-anak
ngan kamaestrahan ug iskuylahan para maihatag an pinakamaupay para hiton edukasyon hiton aton
kabataan.

Sobra duha katuig nga waray kirita pagkikirigta dara han tarhog hini nga kagaw. Yana nga tuig, malooy sa
Diyos, kirita nadaman in magkikirigta, maglilipay ug magkakairistorya.

Parte hini nga bahin, magkakamayda kita hin katirig-uban ug katitirok hit Oktubre 12 (Miyerkules) nga
tatambungan hit ngatanan nga mga kag-anak nga mayda iskuyla hit Grade 7 ngan ngatanan nga
kamaestrahan hit Grade 7.

Ako ug an iskuylahan in naaro hin dispensa kun waray na kita panahon magkurukayakan dara kay
limitado iton aton oras.

Dara hini, kumo adviser hiton iyo mga anak, naaro ako hiton iyo kinasing-kasing nga suporta para hini
nga buruhaton. Gin-aaghat an ngatanan tumambong gayud maipakita ta it aton suporta para hiton aton
kabataan.

Sugad man han nababatasan na, akon kunta igsasuggest ha iyo kun pwede Kita magdara hin pagkaon
nga sadang ug kaya la niyo mahiambit hit at klase.

Akon ikalilipay kun kita magdadara hin pagkaon para mahipaambit ngadto hiton iyo igkasi kag-anak.

Dako iton akon pagtapod, bisan kun limitado an oras, kita in mag-uurugop ngan matambong hini nga
buruhaton.
Ipakita ta an aton pagkakaurusa. Pagkakaurusa para hiton pinakamaupay para hiton aton kabataan.

Ubos nga surugon,

Riza Roncales

9-Gold Adviser