NATIONAL YOUTH DAY – LOCAL CELEBRATION 2022

DECEMBER 16, 2022

PASIUNA SA MISA
Mga Igsuon Diha ni Kristo, Maayong buntag ug Malipayon nga Pag-abot sa atong balay
alampuanan.
Ani-a na kita sa ikatulong Semana sa Adbyento ug unang adlaw sa Misa de Gallo, diin
ang tibouk simbahan malipayon nga nagpadayon sa pagpangandam alang sa pagkatawo sa
atong manunubos, ang Batang Hesus.

Dinhi sa atong simbahan sa Pilipinas, naandan ug nahimo nato nga tradisyon ang pag
debosyon ug pag tukaw sulod sa siyam ka adlaw aron sa pag apil sa Misa de Gallo, kay nagtuo
kita nga pinaagi sa atong kinasing-kasing nga pag-ampo ug pag kompleto sa siyam ka adlaw
nga novena-misa, ihatag sa Dios ang atong pangayoon kaniya sumala sa iyang kabobot-on.
Niining unang adlaw sa Misa de Gallo, ang tibouk simbahang katolika sa Pilipinas
nagsaulog sa nasudnong adlaw sa mga Kabatan-onan o “National Youth Day” nga gi deklara
sa Kahugpungan sa mga kaobispohan sa Pilipinas o Catholic Bishops’ Conference of the
Philippines niadtong 1986 nga ang unang adlaw sa Misa de Gallo Igahin alang sa mga
kabatan-onan isip pagpakita sa dakong gugma ug pagtagad sa simbahan ngadto kanila nga
giisip nga paglaum ug mosunod nga mga pangulo sa simbahan ug sa katilingban.
Sugod niadtong tuig 2000, ang mga tema sa matag tuig nga pag saulog sa National
Youth Day bunga ug gikan sa pagpamalandong sa atong mahal nga Santo Papa. ug ang Tema
sa National Youth Day karong tuiga kinutlo gikan sa ebanghelyo ni San Lukas nga nagka nayun
"Mary went with Haste.” (Unya nangandam si Maria ug midali pag-adto.) kini nagpadayag sa
tiunay nga gugma ni Maria ngadto sa Dios nga iyang gipakita pinaagi sa iyang kinasing-kasing
nga pag-alagad ngadto sa uban, ilabi na sa mga nanginahanglan ug sa walay pagpili sa oras ug
panahon.

Busa, niining atong pagsaulog sa National Youth Day 2022, atong i-ampo ang atong
mga kabatan-onan nga mahimo unta nilang sumbanan si Maria diha sa pag-alagad, ug
makakat-on unta silang mabungon gikan sa nagkadaiyang mga pagsulay ug problema ilabi na
sa pandemya nga nakapaluya kanila ug himoun unta nilang inspirasyon ang bulahan nga
Birhen Maria nga mihalad sa kinatibok-an niyang kaugalingon ngadto sa Dios aron
makapahimoot kaniya ug makatuman sa iyang kabobot-on.

Uban sa madasigon ug malipayon nga kasing-kasing, manindog kita ug atong awiton ang
Pasiunang Awit.

NATIONAL YOUTH DAY 2022

 December 16, 2022

PAG-AMPO SA KATILINGBAN
Pari: Ang pag-abut sa atong manunubos gitagna sa mga propeta. Pinaagi sa mga
pagwali sa bagbasol sa mga sala, si juan magbubunyag misibya sa maong
pag-abut. Diha sa diwa sa pagbasol, pangayoon nato sa Ginoo ang iyang
panabang pinaagi sa atong mga pag-ampo. Ug kita mo ingun:
Tubag: GINOO, ITUDLO KANAMO ANG IMONG DALAN.
1. Nga ang atong mga dinihugan ug pinili nga mga pangulo sa simbahan,
magpatalinghug sa mga panginahanglanon sa atong mga kabatan-on, ilabi na diha sa
espiritohanon nga aspeto, aron nga sa ingun niini, sila madasig ug maandam nga
mopadayon sa pagbuhat sa Misyon nga gisangon ni kristo. Mag-ampo Kita sa Ginoo.

2. Nga ang mga pangulo sa atong sa pang gamhanan, bukas unta ang kasing-kasing
ngadto sa mga kabus ug linupigan, aron sa ingun niini, sila daling makatabang ug
makahatag sa ilang mga panginahanglan. Mag-ampo Kita sa Ginoo.

3. Nga ang mga Pangulo sa mga kabatan-onan sa Estado ug sa Simbahan, taliwala sa

ilang panaglahi, magkahiusa unta sa pagpasiugda ug mga programa ug kalihukan nga
makapa tunhay sa ilang moralidad ug makapaduol kanila sa Dios. Mag-ampo Kita sa
Ginoo.

4. Nga ang matag ginikanan sa panimalay, magdasig unta sa ilang mga anak nga
mangalagad sa simbahan, aron nga pinaagi niini ilang ma diskobre ug mapalambo ang
ilang tawag o bokasyon sa kinabuhi. Mag-ampo Kita sa Ginoo

5. Nga ang pamilya ni Hesus, Maria ug Jose, mahimong sumbanan sa matag banay
aron nga ma tisok ug motubo ang binhi sa bokasyon sa pagka relihiyoso ug relihiyosa.
Mag-ampo Kita sa Ginoo.

6. Nga niining Nasudnong adlaw sa mga kabatan-onan, molambo ug motubo unta ang
atong hiyas pagka manggihatagon ug pagka masinugtanon sa Dios, ug sama ni Maria
makakat-on unta kita sa hiyas nga dali rang motabang sa uban ilabi na sa mga
nanginahanglan. Mag-ampo Kita sa Ginoo.

7. Nga ang atong mga igsoung nangamatay, ilabi na sila nga kanhi naningkamot sa pag
lihok sa pagpalambo sa ministeryo sa kabatan-onan sa Simbahan, makatultul na unta
sa Dalan padulong sa lawak nga giandam kanila sa atong langitnong Amahan. Mag-
ampo Kita sa Ginoo.

Pari: labing mahigugmaong Amahan, sud-onga ang mga panginahanglan sa imong

katawhan ug ihatag ang among gihangyo samtang kami nangandam alang sa
imong anak kinsa nagpuyo ug nagahari uban kanimo hangtod sa kahangturan.
Amen