10 noyabr tarixində imzalanmış Üçtərəfli Bəyanatın üstündən artiq iki il
keçir. Bəs bu bəyanat hansı cəhətləri ilə qiymətlidir? Birincisi, 10
noyabr tarixli Bəyanatın imzalanması Ermənistanın hərbi kapitulyasiyası deməkdir. Ikincisi, həmin Bəyanat uzun illər davam edən işğala son qoydu. Üçüncüsü, Bəyanatın imzalanması ilə münaqişənin hərbi mərhələsi başa çatdı. Ağdam, Laçın, Kəlbəcər rayonları qan tökülmədən qaytarıldı. Dördüncüsü, 44 günlük müharibə Azərbaycanın tam qələbəsi ilə nəticələndi. Bu Bəyanatın imzalanması ümumxalq birliyinin bariz nümunəsidir. təntənəsidir. Ali Baş Komandan İlham Əliyevin israrlı mövqeyi nəticəsində məğlub və çıxılmaz vəziyyətə düşən Ermənistan rəhbərliyi işğal edilmiş bütün torpaqlarımızdan qeyd-şərtsiz çıxmaq və bunun üçün çıxış qrafikini təqdim etməyə məcbur olmuşdur. Qarabağa heç bir status verilmir. 9 maddələrdən ibarət olan tarixi sənəd üçtərəfli bəyanat status-kvonu dəyişdi, bu sənədin bütün maddələri Azərbaycanın milli maraqlarına uyğundur, Azərbaycan Prezidentinin irəli sürdüyü şərtlərin qəbul edilməsidir. Maddələrin məzmununa görə, Ermənistan son vaxtlara qədər əlində saxladığı Azərbaycan ərazilərinin bir hissəsini geri qaytarib. Onların arasında Ağdam rayonu, Kəlbəcər rayonu, Laçın rayonu və Qazax rayonunun bir hissəsi var idi. Ermənistan qoşunlarını Dağlıq Qarabağdan çıxarmışdır. Ermənistan hərbçiləri Rusiya sülhməramlılarının mühafizəsi altında Laçın dəhlizi ilə vətənə qayıtmışdılar. Laçın dəhlizi Ermənistanı Xankəndi ilə birləşdirir. Rusiyadan gələn sülhməramlılar növbəti 5 il ərzində Qarabağda qalacaqlar. Əgər münaqişə tərəflərindən heç biri buna qarşı olmasa, bu müddət avtomatik olaraq daha beş il uzadılacaq. Bəyanat dərc edildikdən sonra Azərbaycanda kütləvi şənliklər başlanmişdır. Azərbaycanlılar bunu qələbə kimi qəbul etdilər və kütləvi şəkildə küçələrə axışaraq bayram etdilər.