Diocese of Negros Occidental

Iglesia Filipina Independiente

Ang Liturhiya

sang Pulong sang Dios

kag Pagpangalawat

may pahanugot
sang Obispo diocesano
nga pagagamiton sang
Pangulo
(lay readers)
Sa panimbahon sa
Diocese sang
Negros occidental

hunyo 2021

(For trial use)

1 | Liturhiya sang Pulong sang Dios kag Pagpangalawat

2 | Liturhiya sang Pulong sang Dios kag Pagpangalawat
 Ang liturhiya sang pulong sang Dios
Kag pagpangalawat
(Kon wala ang Pari)
(Ini pagagamiton paagi sa pagpangulo sang Lay Reader sa tion sang
pagsimba kada Domingo, ukon iban nga adlaw sa diin wala sang pari nga
magasaulog sang Balaan nga Misa. Ihanda sang Lay Reader ang mga
kinahanglan sa sining liturhiya kag suno sa gintugot itudlo sang Obispo nga
amo ang Awtoridad sa Diocese).

ANG PAGSUGOD:
Kon nahanda na ang tanan, matindog ang mga Sumilimba kag Kantahon ang
isa ka himno/Ambahanon. Masulod ang Lay Reader, mag-genuflect sa atubang
sang Balaan nga Sakramento kag magtindog kag magkadto sa wala nga bahin
sa “nave” (epistle side).

PANGULO : Sa Ngalan sang Amay, sang Anak, kag sang Espiritu Santo.
KATAWHAN : Kabay pa.

PANGULO: Mga kauturan: Yari kita nagatililipon sa atubagan sang Dios

sa paghalad sa iya sang pagdayaw kag pagpasalamat, sa
pagpa-athag sang pagtu-on sang Iya Balaan nga Pulong, sa
pagdala naton sa Iya atubangan sang mga aton
kinahanglanon, sa pagpangayo kapatawaran sang aton mga
sala kag sa pagpangita sang grasya, paagi sa Iya Anak nga si
Hesukristo, gani aton itugyan ang aton mga kaugalingon
para sa iya mga buluhaton.
Sa pagsugod sang aton panimbahon, aton ipangamuyo sa
Dios nga kita mangin takus sa sini nga buluhaton. Gani,
Dungan naton nga sambiton ang pangbukas nga
pangamuyo.

TANAN: Makaako nga Dios, sa Imo bukas ang tanan nga mga
kasingkasing, nahibaloan ang tanan nga mga handum, kag
wala sing likom nga matago. Tinlo-i ang amon mga
kasingkasing sa lalang sang Imo Balaan nga Espiritu, agod
higugmaon namon Ikaw sang himpit kag takus dayawon ang

3 | Liturhiya sang Pulong sang Dios kag Pagpangalawat

 Imo Balaan nga Ngalan, paagi kay Hesukristo nga amon
Ginoo.
KATAWHAN: Kabay pa.
PANGULO: Pamati-I ninyo ang ginsiling sang aton Ginoong Hesukristo:
“Higugmaon mo ang Ginoo nga imo Dios sang bug-os mo
nga kasingkasing, sang bug-os mo nga huna-huna, kag sang
bug-os mo nga kusog.” Amo ini ang nahauna kag dako nga
kasuguan, kag ang ikaduha subong man sini, “higugmaon
mo ang imo isigkatawo subong sang imo kaugalingon.” Sa
sining duwa ka kasuguan nabug-os ang tanan nga mga
kasuguan kag mga Manalagna.

ANG PAGTU-AD SANG MGA SALA

(Buhaton ini sa tanan nga pagpanimbahon)

PANGULO: Mga kauturan wala sing tawo nga nagatindog sa atubangan

sang Dios nga wala sang sala. Gani, buylog kita kag
mapainubuson nga magtu-ad sang aton mga sala kag
magpangayo sang patawad sa aton Dios kag sa aton
isigkatawo.
(Magluhod ang tanan kag maghipos sang makadali. Dayon dungan nga
sambiton ang masunod:)
TANAN: Nagatu-ad kami sa Imo, O Dios nga makagagahum, sa tanan
nga mga Santos, kag sa kada isa sa amon, nga nakssala kami
sa amon huna-huna, sa amon nabungat, sa amon nabuhat,
kag sa mga wala namon matuman nga mga buluhaton; kag
ini amon sala. Gani, nagapakit-luoy kami, kag amon
ginapangaay sa tanan nga mga Santos nga i-ampo kami sa
Ginoo nga amon Dios.

(Samtang padayon nga naga-luhod, ang Pangulo, magasambit:)

PANGULO: Kabay kalooyan kita sang Makagagahom nga Dios;

patawaron ang aton mga sala, kag tipigan kita sa kabuhi nga
walay katubtuban paagi kay Hesukristo nga aton Ginoo.

4 | Liturhiya sang Pulong sang Dios kag Pagpangalawat

TANAN : Kabay pa.

KYRIE ELEISON:
Ginoo, maluoy ka sa amon.
Ginoo, maluoy ka sa amon.
Ginoo, maluoy ka sa amon.

Kristo, maluoy ka sa amon.

Kristo, maluoy ka sa amon.
Kristo, maluoy ka sa amon.

Ginoo, maluoy ka sa amon.

Ginoo, maluoy ka sa amon.
Ginoo, maluoy ka sa amon.

GLORIA IN EXCELSIS
(Diri magtindog ang tanan kag sambiton ang Gloria, magluwas sa Adviento
kag Kuwaresma)

TANAN: Himaya sa Dios sa kahita-asan, kag paghidaet sa Iya

katawhan diri sa duta. Gino-ong Dios, Haring Langitnon,
Makagagahom nga Dios kag Amay, ginasimba ka namon,
nagapasalamat kami sa imo, ginadayaw ka namon bangud
sang imo himaya.

Ginoong Hesukristo, bugtong nga Anak sang Amay, Ginoong

Dios, Kordero sang Dios, malooy ka sa amon. Ikaw nga
nagalingkod sa tuo sang Amay, batuna ang amon
pangamuyo.

Kay ikaw lamang ang Balaan, ikaw lamang ang Ginoo. Ikaw
ang labing mataas, Hesukristo, buylog sang Espiritu Santo,
sa himaya sang Dios nga Amay. Kabay pa.

ANG LITURHIYA SANG PULONG SANG GINOO

ANG PANGAMUYO

5 | Liturhiya sang Pulong sang Dios kag Pagpangalawat

PANGULO: Ang Ginoo, manginyari sa aton.
KATAWHAN: Kabay pa.

PANGULO: Mangamuyo kita.

Ginoong Hesukristo, ikaw ang ang nagsiling nga kon may

duha ukon tatlo nga magtipon sa imo Ngalan, yara ka sa
tunga nila: Kari sa amon tunga, amon ginapangamuyo, sa
sining amon pagtililipon sa pagdayaw kag pagsimba sa Imo.
Hilwaya kami sa kagamo, pagsulay, kag mga pag-antos.
Ipaluntad sa amon ang Imo Balaan nga Espiritu agud kami
maghigugma-anay kag amon mapaluntad ang Imo
paghidaet sa tanan, pinaagi kay Hesukristo nga amon Ginoo,
nga nagakabuhi kag nagahari upod sa imo kag sang Balaan
nga Espiritu, isa ka Dios nian kag sa walay katubtuban.
KATAWHAN: Kabay pa.
(Diri nga bahin isulod ang Pangamuyo sa matag Adlaw.)
ANG NAHAUNA NGA BALASAHON
(Magapungko ang tanan. Diri nga bahin himuon ang pagbasa sang
pagtulun-an halin sa Daan nga Kasugtanan)
MANUGBASA: Ang nahaunang Pagtulon-an halin sa Libro ni _______,
kapitulo ________, nagasugod sa Bersikulo___ tubtob
_____.
Ang pulong sang Ginoo.
KATAWHAN : Salamat sa Dios
ANG SALMO RESPONSORYO
(Dinhi nga bahin himoon ang Salmo Responsoryo.)

ANG IKADUHA NGA BALASAHON

(Diri nga bahin pamatian ang pagtulun-an halin sa Bag-o nga Kasugtanan.)

MANUGBASA: Ang ikaduha nga Pagtulon-an halin sa Epistola/Libro ni

San______ sa mga taga- _________, Kapitulo ______, nga
nagsugod sa bersikulo ____ tubtob _____.

6 | Liturhiya sang Pulong sang Dios kag Pagpangalawat

 “Ang pulong sang Ginoo.”
KATAWHAN : Salamat sa Dios.
(Ambahanon/Himno)
ANG IKATATLO NGA BALASAHON :
(Magpabilin nga magpungko. Diri nga bahin himuon ang pagbasa sang
Ebanghelyo. Basahon ini sang Pangulo sa Lectern.)
PANGULO: Ang ikatatlo nga balasahon halin sa Ebanghelyo ni San
________, kapitulo ______, nagasugod sa bersikulo _____
tubtob _____
Ang pulong sang Ginoo.
KATAWHAN : Salamat sa Dios.

ANG PAMALANDONG
(Diri mahimo maghatag ang lay Reader sang Pamalandong kon siya may
pahanugot okon iya basahon ang Pagpamalandong/Reflection nga halin sa
Diosisis.)
(Mabalik ang Lay Reader sa lugar nga iya ginapungkuan. Matindog ang
tanan kag Dungan nga sambiton ang Timutu-o.)

ANG TIMUTUO
Nagatu-o kami sa isa ka Dios, ang Amay, nga Makagagahom.
Magbubuhat sang langit kag duta, sang tanan nga mga bagay
nga makita kag indi makita.
Nagatu-o kami sa isa ka Ginoo, nga si Hesu Kristo bugtong nga
anak sang Dios, sa walay katubtuban gin-anak sa kaliwat sang
Amay, Dios gikan sa Dios, Kapawa gikan sa Kapawa,
matuod-tuod nga Dios gikan sa matuod-tuod nga Dios.
Gin-anak sa kaliwat, indi binuhat, nga isa lamang ka sustancia
sang Amay. Sa kalalangan niya ginlalang ang tanan nga mga
butang. Nga bangud sa aton nga mga katawhan kag sang aton
kaluwasan nagkunsad diri sa aton halin sa kalangitan: sa gahum
sang Espiritu Santo ginbun-ag Siya ni Maria nga ulay kag nangin
tawo. Kag bangod sa aton ginlansang Siya sa Krus sa idalom
sang gahum ni Poncio Pilato; nag-antus Siya, namatay, kag

7 | Liturhiya sang Pulong sang Dios kag Pagpangalawat

 ginlubong. Sa ikatlo ka adlaw nabanhaw Siya sa pagtuman sang
kasulatan; nagkayab Siya pakadto sa kalangitan kag naglingkod
sa tuo sang Amay. Magakari Siya liwan nga mahimayon sa
paghukom sang mga buhi kag mga minatay, kag ang Iya
ginharian wala sang katapusan.
Nagatoo kami sa Espiritu Santo, ang Ginoo nga nagahatag sang
kabuhi, nga nagagikan sa Amay, nga kaupod sang Amay kag
sang Anak ginasimba kag gina himaya. Nagpamulong Siya sa
lalang sang mga Manalagna.
Nagatoo kami sa Isa, Balaan, Katoliko kag Apostoliko nga
Simbahan. Nagakilala kami sa isa ka pagbunyag alang sa
pagpatawad sang mga sala. Nagalaum kami sa pagkabanhaw
sang mga minatay, kag sa kabuhi sang kalibutan nga
palaabuton. Kabay pa.
MGA PAGPANGAMUYO (intercession)
(Ang mga pangamuyo sa particular nga mga kinahanglanon ukon mga
personal mahimo nga mapasayod diri sini ukon samtang ginapangamuyo
ang pangabay.)
PANGULO: Mangamuyo kita para sa bug-os nga simbahan ni Kristo, kag
para sa tanan nga katawhan suno sa ila mga kinahanglanon.
Magluhod ang tanan.
Pangulo : Makagagahom kag sa gihapon nga Dios, guintudluan mo
kami paagi sa Imo Balaan nga pulong, sa pagpangamuyo kag
pag pa salamat para sa tanan nga katawhan. Amon karon
gina pangabay sa imo nga batunon mo ang amon mga
panagamuyo nga ginhalad sa Imo Diosnon nga Kadungganan
KATAWHAN: Gino-o Pamati-I ang amon pangamuyo.
Pangulo: Nagapngamuyo kami para sa imo balaan, Katoliko kag
Apostoliko nga Simbahan, ilabi na gid ang Iglesia Filipina
Independiente, diri sa Diocese sang Negros Nakatundan:
Pun-a ini sang kamatuoran, katarungan, kag paghidaet; kag
itugot nga ang tanan nga naga-tuad sang imo Balaan nga
ngalan maghi-usa sa kamatuoran sang Imo Balaan nga
pulong, kag magkabuhi sa paghili-usa kag gugma.
KATAWHAN: Gino-o pamati-I ang amon pangamuyo.

8 | Liturhiya sang Pulong sang Dios kag Pagpangalawat

Pangulo: Bugayi sang grasya, Langitnon nga Amay, ang tanan nga
Obispo, Pari kag Diakono, kag ilabi nagid si Rhee nga amon
Obispo Maximo, si Virgilio Jr. nga amon Obispo Diocesano,
kag si _____________ nga amon Pari kag sa tanan nga
Balaan nga katawhan sang Dios. Kabay paagi sa ila kabuhi
kag pagpanudlo, himpit nila mabantala ang imo matuod kag
nagahatag kabuhi nga polong kag mapa-ambit ang imo
balaan nga sakramento.
KATAWHAN: Gino-o pamati-I ang amon pangamuyo.
Pangulo: Ginapangabay man namon nga imo giyahan ang mga
kasingkasing sa mga nagauyat sang gahum sang Gobyerno
diri kag sa tanan nga mga pungsodn ilabi nagid si Rodrigo
nga amon Pangulong-Pungsod (kag _________): Kabay
mahimo nila ang maalam kag matarong nga mga pamatbat,
mapasanyog ang kahilwayan, paghidaet, kag kaayuhan sang
imo mga Katawhan.
KATAWHAN: Gino-o pamati-I ang amon pangamuyo.
(Diri nga bahin sulod sa 30 segundos maghalad sang hilom nga pangamuyo
para sa partikular nga kinahanglan, ukon para sa panimalay, ukon abyan,
ukon tion sang Intercession:)

Pangulo: Para sa mga kinaugalingon nga intensyon, (ilabi nagid kay

N_____, nga magakuha sang pasinawan sa/ agud maluwas
sila sa ila pag byahe/ kag iban pa.) Mangamuyo kita sa
Gino-o.
KATAWHAN: Gino-o pamati-I ang amon pangamuyo.
Pangulo: Naga pangabay kami, Ginoo, nga sa imo kaayo, Imo
pabaskugon kag buligan ang tanan nga yara sa kagamo,
kasubo, naga-hinahanglan, ukon may balatian; (Ilabi nag id si
______.)
KATAWHAN: Gino-o pamati-I ang amon pangamuyo.
Pangulo: Ginadumdum namon sa Imo pag tamod ang imo mga alagad
nga si/sila ni N________, nga nagtalaliwan nga nagatu-o kay
Kristo; nagaampo kami nga ihatag mo sa ila ang padayon
nga paglambo sa imo gugma kag pag-alagad.
KATAWHAN: Gino-o pamatii ang amon pangamuyo.

9 | Liturhiya sang Pulong sang Dios kag Pagpangalawat

Pangulo: Ginadayaw man namon ang imo balaan nga ngalan bangod
sang tanan mo nga mga Santos Ilabi na si N_____ nga ang
iya Kapistahan amon karon ginasaulog) hatagi kami sing
grasya sa pagsunod sang ila mayo nga halimbawa; kabay
kabuylog nila makasulod man kami sa kahantop sang imo
ginharian.
KATAWHAN: Itugot ining amon mga panagmuyo, O Amay, tungod gid lang
sa Iya nga walay katubtuban nagakabuhi sa pagluwas sa
amon, ang imo Anak, nga si Hesukristo nga amon Ginoo kag
manluluwas. Kabay pa.
(Sa baylo sang nahauna, ang Paaliwansan nga Pagpangabay sa pahina 12
mahimo gamiton, ukon ang iban pa nga porma nga nahatagan sing
pahanugot.)

ANG PAGAHIDAET (Matindog ang Tanan.)

PANGULO: Mga kauturan, kita ang lawas ni Kristo: paagiu sa is aka

Espiritu kita tanan nabunyagan nga mangin katapo sang is
aka lawas.
KATAWHAN: Aton tipigan ang paghiusa sang Espiritu sa pagpalig-on sang
paghidaet.
PANGULO: Ang paghidaet sa Ginoo, sa gihapon mangi yara sa inyo.
KATAWHAN: Kag mangin yara man sa imo.

ANG PAGHALAD
PANGULO: Ihatag sa Ginoo ang dungog nga angay sa Iya Ngalan;
magdala sang mga halad kag magkadto sa Iya puluy-an.

(AMBAHANON/HYMNO SA PAGHALAD)
Magpungko ang tanan samtang ginahimo ang pagtipon sang mga halad.
Magkanta ang tanan sang is aka himno. Paghanda na ang tanan, magkadto
ang Pangulo sa likod sang lamesa, matindig ang tanan, kag dal-on ang mga
halad nga maga-amba samtang nagapadulong sa atubangan. Sa paghalad,
ibayaw sang mga nagahalad ang ila dala kag Dungan ga sambiton ang
masunod:

ANG PAGHALAD SANG KWARTA KAG IBAN PA

10 | Liturhiya sang Pulong sang Dios kag Pagpangalawat

TANAN: Dios nga walay katubtuban, Ikaw ang nagahatag sa amon
sang tanan namon nga gina-angkon, ang imo kahamungaya
nagapuno sang tanan namon nga mga kinahanglanon: kami
mapa-inubuson nga mga alagad naga-halad sining tanda
sang amon pagka-mabinaluson bangod sang tanan mo nga
mga kaluoy. Kabay pa.

(Pagkatapus sang paghalad, ibutang ang mga dulot didto sa lain nga lamesa
kag indi sa altar, kag magbalik sa ila lugar ang mga naghalad. Ang Lay
Reader magapabilin nga nagatindog sa iya lugar kag ipadayun ang
pagsimba.)

(Mahimo nga magkanta ang tanan sang isa ka himno o Ambahanon.)

PANGULO: Mga kauturan, kita ang lawas ni Kristo, nga amo ang
Simbahan. Ang aton paghiliusa kay Kristo nga aton Ginoo,
nagapadayaon kag nagapalig-on paagi sa padayon nga
pagbaton naton sang Balaan nga Sakramento sang Iya
Kabuhi, Kamatayon kag Pagkabanhaw.

Subong sang gintudlo sang aton Manluluwas nga si

HesuKristo, bug-os nga pagsalig, Mangamuyo kita:

ANG AMAY NAMON (Magluhod ang tanan.)

Amay namon sa langit, mangin bulahan ang Imo ngalan,
magkunsad ang Imo ginharian, matuman ang Imo binubu-ot
diri sa duta subong sang sa langit. Hatagi kami nian sang
amon adlaw-adlaw nga kalan-on. Patawara kami sang amon
mga sala subong sa pagpatawad namon sang mga nakasala
batok sa amon. Indi kami pag-itugyan sa mga pagsulay kondi
luwasa kami sa mga malaot. Kay Imo ang Ginhari-an, ang
gahum, kag ang himaya, nian kag sa walay katubtuban.
Kabay pa.

TANAN: Ginoo, naga ampo kami nga imo kami luwason sa tanan nga
mala-ot kag ihataga moa ng paghidaet sa amon panahon.

11 | Liturhiya sang Pulong sang Dios kag Pagpangalawat

 Paagi sa bulig sang Imo kaluoy tipigi kami nga mangin hilway
sa sala kag human nga kahangawa; paagi kay Hesukristo nga
amon Ginoo, nga nagakabuhi kag nagahari kaupod Mo kag
sang Balaan nga Espiritu, is aka Dios, nian kag sa walay
katubtuban. Kabay pa.

ANG BALAN NGA PAGPANGALAWAT

TANAN: Wala kami nagapangahas sa pagpalapit sa Imo latok,
maluluy-on nga Ginoo nga magasalig sa amon
pagkamatarong, kondi sa Imo indi maisip dako nga mga
kaluoy. indi gani kami takus sa pagtipon sang mga momho sa
idalum sang Imo latok. Apang Imo ginaugali nga sa
tanan nga tion mangin maluluy-on.

Gani, itugot sa amon maalwan nga Ginoo, sa pagkaon sang

Lawas sang Imo Anak nga si Hesukristo kag sap pag inom
sang Iya Dugo, agod kami nga ginapabaskog kag ginpabag-o
sang Iya kabuhi, sa walay katubtuban magapuyo kami ssa
Iya, kag Siya sa amon. Kabay pa.

(Magtindog ang Lay Reader kag makadto sa likod nga bahin sa lamesa kag
iya Itudlo ang Balaan nga Sakramento, kag iya ipahayag sa mabaskog kag
klaro nga tingog:)
PANGULO: Ini amo ang Kordero sang Dios nga nagakuha sang sala sang
kalibutan. Malipayon ang sin-o man nga gina-agda sa iya
Panihapon.

(Mauna sa Pagpangalawat ang Lay Reader; pagkatapos, masunod ang mga

Sumilimba. Mahimo nga magkanta sang imno. Pagkatapos sang
pagpangalawat, himuson sang Lay Reader ang tanan nga nabilin nga Balaan
nga Sakramento paagi sa pag-ubos sini kag ang pagtipon sang mga gamit sa
kilid sang lamesa ukon lain nga lamesa. Mabalik siya lapit sa iya
nahamtangan sa iya pulongkuan. Matindog ang tanan para sa katapusan
nga pangamuyo.)

PANGULO: Magbuylog ang tanan sa pagpangamuyo.

12 | Liturhiya sang Pulong sang Dios kag Pagpangalawat

Tanan: Makagagahom kag walay katubtuban nga Dios,
nagapasalamat kami s Imo kay kami ginbusog sang
espirituhanon nga pagkaon sang labing bilidhon nga Lawas
kag Dugo sang amon manluluwas nga si Hesukristo, kag imo
kami ginpasalig sa kalalangan sining imo balaan nga mga
misteryo nga kami mga buhi nga katapo sang lawas sang imo
anak; kag manogpanubli sang iya walay katubtuban nga
ginharian.

Karon, Amay, ipadala kami sa pagtuman sang buluhaton nga

imo ginhatag sa amon nga pagabuhaton, sa paghigugma kag
pag alagad sa imo kag sa amon isigkatawo, subong nga
matutom nga saksi ni Kristo nga amon Ginoo; sa Iya, sa Imo,
kag sa Balaan nga Espiritu, kabay mangin imo ang tanan nga
dungod kag himaya, nian kag sa walay katubtuban. Kabay
pa.

ANG PAGPADALA
(Ang Pangulo makadto sa tunga kag maatubang sa katawhan. Ang mga
tawo magapabilin nga nagatindog. Tapuson sang Pangulo ang pagsimba sa
masunod:)

(Ang Pangulo maga pangurus sa iya kaugalingon samtang gina sambit ang
masunod nga dinalan)
PANGULO: Ang grasya sang aton Ginoong Hesu Kristo, kag ang
paghigugma sang Dios, kag ang paghi-usa sang balaan nga
Espiritu mangin yara sa aton tanan. Kabay pa.
Diri natapos ang aton pagpasalamat kag pagdayaw sa Dios.
Kabay nga ang paghidaet sang Dios magapabilin sa aton
tanan sa gihapon, kag magpalig-on sa tagsa-tagsa sa
paghigugma kag pag-alagad sa Dios paagi kay Hesu Kristo
nga aton Ginoo.
Katawhan: Salamat sa Dios.
Tanan: Sa ngalan sang Amay, sang Anak, kag sang Espiritu Santo.
Kabay pa.

KATAPUSAN NGA AMBAHANON

13 | Liturhiya sang Pulong sang Dios kag Pagpangalawat

 PAALIWANSAN NGA PAGPANGABAY
(Alternative Intercession)

PANGULO: Sa Paghidaet, mangamuyo kita sa Ginoo.

Pangulo: Para sa paghidaet sang kalibutan, agod aang Espiritu sng
pagtahod maglambo sa kupungsuran kag mga ktawhan.
Mangamuyoi kita sa Ginoo.
KATAWHAN: Gino-o maluoy ka.
Pangulo: Para sa Balaan nga Simbahan sang Dios, ilabi nag id sa
Iglesia Filipina Independiente sa Diocese sang Negros
Nakatundan: kabay mapuno ini sang kamatuoran kag
paghigugma, kag masapwan nga wala sang kasaypanan sa
Adlaw sang Iya Pagkari, mangamuyo kita sa Ginoo.
KATAWHAN: Gino-o maluoy ka.
Pangulo: Para kay Most Reverend Rhee nga aton Obispo Maximo, kay
Right Reverend Virgilio Jr., nga aton Obispo kag kay _______,
nga aton Pari, kag sa tanan nga mmga Obispo kag iban pa
nga mga Ministro, kag para sa Balaan nga Katawhan sang
Dios, mangamuyo kita sa Ginoo.
KATAWHAN: Gino-o maluoy ka.
Pangulo: Para sa tanan nga may palangakuan sa Publiko, (ilabi nag id
kay_____, kag _______) nga ila mapaluntad ang hustisya,
paghidaet, matib-ong ang dignidad kag kahilwayan sang
tanan nga katawhan, mangamuyo kita sa Gino-o.
KATAWHAN: Gino-o maluoy ka.
Pangulo: Para sa pagpakabalaan sang paghimud-os sang katawhan,
para sa nagakaigo nga paggamit sang tinugang manggad
sang Dios, agod ang bug-os nga kalibutan maluwas sa gutom
kag kalamidad, mangamuyo kita sa Gino-o.
KATAWHAN : Gino-o maluoy ka.
Pangulo: Para sa mga imol, mgha ginapigos, masakiton kag tanan nga
naga-antos, (ilabi nag id kay N_________), para sa mga
nagpalalagyo bangod sang pagpamintas, mga binilanggo,
kag tanan nga yara sa katalagman, nga kabay sila mahilway
kag mapangapinan, mangamuyo kita sa Gino—o.
KATAWHAN: Gino-o maluoy ka.

14 | Liturhiya sang Pulong sang Dios kag Pagpangalawat

Pangulo: Para sa mga tumulu-o sining parikya, sa mga yari diri kag sa
mga wala diri, agod kabay kita mahilway sa katig-a sing
kasingkasing kag magpakita sang Iya himaya sa tanan naton
nga mga ginahimo, mangamuyo kita sa Ginoo.
KATAWHAN: Gino-o maluoy ka.
Pangulo: Para sa aton kaugalingon: sa kapatawaran sang aton mga
sala, kag para sa grasya sang Balaan nga Espiritu sa
pagpabag-o sang aton kabuhi, mangamuyo kita sa Gino-o.
KATAWHAN: Gino-o maluoy ka.
Pangulo: Para sa tanan nga nagtugyan sang ila mga kaugalingon sa
aton mga pagpangamuyo (ilabi nag id kay N_______), para
sa aton mga panimalay, mga abyan, kag kasilingan; agod
mahilway sa tuman nga kahadlok, kabay magakabuhiu sa
kalipay, paghidaet, kag maayong lawas, mangamuyo kita sa
Gino-o.
KATAWHAN: Gino-o maluoy ka.
(Diri nga bahin mahimo nga maghalad sang pangamuyo para sa partikular
nga kinahanglan, ukon para sa panimalay, ukon abyan, ukon tion sang “silen’
intercession”).

Pangulo: Para sa mga kinaugalingon nga intensyon, [para kay

N________ (nga magakuha sang pasinawan sa/agod
maluwas sila sa ila pagbyahe/ kag iban pa…)] mangamuyo
kita sa Gino-o.
KATAWHAN: Gino-o maluoy ka.
Pangulo: Para sa tanan nga nagtalaliwannga may pagtuo kay Kristo
(ilabi nag id kay N________), nga kaupod sang tanan nga
mga bulahan, maangkon nila ang pagpahuway sa duog nga
diin wala sang kasakit ukon kasubo, apang kabuhi nga walay
katubtuban. Mangamuyo kita sa Gino-o.
KATAWHAN: Gino-o maluoy ka.
Pangulo: Nga nagakalipay sang paghiliusa sa katilingban sang mga
Santos, (ilabi nag id si N________, ang iya kaadlawan aton
ginasaulog), aton itugayn ang aton mga kaugalingon, kag
ang tagsa-tagsa, kag bug-os nga kabuhi kay Kristo nga aton
Ginoo.
KATAWHAN : Gino-o maluoy ka.

15 | Liturhiya sang Pulong sang Dios kag Pagpangalawat

16 | Liturhiya sang Pulong sang Dios kag Pagpangalawat