Ginhipsan nga Gugma

I
Wala ka lang kabalo nga ikaw ginasinggit sang
kasingkasing ko
Apang nahadlok ako nga ini mabal an mo
Tungod basi indi mo na ko pagsapakon o likawan mo
Pero indi ko mapunggan tungod biskan sa pagtulog ko
ikaw ang makit an ko

II
Madugay nga tinion ang akon nga ginhulat
Para ang pagpalangga sa imo akon mapabutyag
Pero indi gid madula ang sa akon panghuna huna ang
kagugmat
Sin o bala ako nga imo pillion tungod madamo man ang
nagalaot sa imo nga mas labaw pa sa akon.

III
Ang aton mga abyan kag mga kaeskwela nagaduda sang
hulag ko
Sa tagsa ka pagtupad naton kag paglagaw daw kaangay
kita sang subay
Sila may ginahutik pero ang tanan akon ginhimutigan
Tungod indi ko gusto nga ila mabal an nga ang gugma ko
sa imo indi na matungkad kag nagalumapaw.

IV
 Gwapo ka, maalam, kag madamo sang nabal an
Kag indi malikawan nga madamo ang malaot sa imo kag
magpabutyag
Kung ina matabo, maano ako? Makadto naman sa
kasagingan kag magpatulo sang luha?
Pero ang pag-upod ta sa masami , ang nagapabakod sa
akon kag ako makahambal, biskan paano maswerte man
ako.

V
Mas ginkalangkag ako sang kita nag-eskwela na sa banwa
Kag ang manami kay upod pa kita sa isa ka balay
Kag sa tagsa mo paghambal nga ikaw maluto kag Malaba
Ginapanumdum ko na lang nga babaye ako, haisst!

VI
Nakibot kita pareho nga ang seksyon naton pareho
Matam is mo nga yuhum kag pangilay daw mapatay na
ako
Nagdugang ang akon kalipay sang nagkupo ka kag
maghutik “ tupad ta ha”
Baw sa inyo bi? Ano isabat ko? Mangindi pa ko? Syempre
OO.

VII
Balikan ko lang ang maragtas naton sang ara pa kita sa
lugar naton
 Madamo kita sang naagyan nga pag-ayaw ayaw kag
pagsumbaganay
Peri mas madamo ang masadya ila na gid sang pagsulod
ta sa kweba nga ginauyatan mo gid ang kamot ko
Kag kung ako nagakahadlok ako ginakup an mo kag
ginahapulas ang akon ulo

VIII
Sa oras nga magtudlo ang aton mga manunudlo wala ko
sang may kahadlok
Tungod ara ka sa tupad ko nga indi makatulok
Pero ang kulba nga ari sa akon huna-huna basi sa tam-an
ko nga luyag sa imo amo ni makapaguba sang handum ko
sa ulihi
Apang yara ka gid sa tupad ko kag handa sal on ang
baton ga ginapungkoy sa akon
Biskan sa amo sini makahambal ko nga ako may bili

IX
Isa ka adlaw ang ka eskwela ta nga may pagka-Lolit Solis
kag Cristy Fermin wala gid katulog kag namangkot sa imo
Apang sa oras nga ato madamo nga ilaga ang
nagadalagan sa dughan ko
“ Gahulid man kamo sa balay nyo nga naistaran?”
pamangkot sang isa naton ka klasmeyt
Kaga ko nakibot sang sabat mo nga “ Oo”, kag ginhalukan
mo ko sa agtang, tanda sang pagrespeto mo sa akon.
 X
Sang mga tinion nga ato mas nagadugang ang akon
kahadlok tungod indi na gid mapunggan ang akon gugma
sa imo
Isa ka gab e samtang nagahigda kita, ang tanan mo nga
handum ginsaysay mo sa akon
Kag samtang gahambal ka nagatulok ka sa nawong ko kag
gahambal man nga dapat lab uton ko man ang handum ko
Wala ka sang nabatian nga tinaga nga naggwa sa baba ko
kundi ang pagpiyong sang akon mata kag maghando

XI
Ang imo pagkupo sa tunga sang kagab ihon, ako
makahambal nga luwas ako sa mga katalagman tungod
ara ka sa akon tupad
Sa imo mahamuok nga pagtulog, ginmuklat ko ang akon
mga mata kag hinimutaran ka
Wala ko napunggan ang pagtulo sang akon luha kag sa
akon pagpisngo ikaw na nakabugtaw kag namangkot”
ANO ANG PROBLEMA?”
Wala ko nagsabat tungod nahadlok ko nga madula ka “
naglungo-lungo lang ako”, kag imo ginpahiran ang mga
luha ko nga nagatalaragay kay imo gitmitlang ang mga
tinaga” TANDAE LANG PALANGGA TA KA”

XII
Sang mabatian ko to, nag ngoyngoy ko kag nagbangon
 Nakibot man ko nga ikaw nagbangon kag ako imo gin
atubang
“ ANG NABATYAGAN MO KABALO NA KO NA,
WALA KO LANG GINHAMBAL SA IMO TUNGOD
PALANGGA TA MAN KA, GINTAGO KO MAN SA IMO
ANG NABATYAGAN KO TUNGOD INDI TA KA
GUSTO MASAKITAN”
Malawig mo hambal sa akon, wala ko may sinabat pero
ang halok nga imo ginhimo magapatunay nga ako imo
palangga

XIII
Nagtatak gid sa akon huna huna ang imo ginhambal nga
kung indi man mangin kita
Ang importante sang nagpalanggaanay kita ginhatag
naton ang tanan para kita mangin masadya
Subong nga masinulub on ako, gusto ko balikan ang tanan
nga mga nagliligad
Nga kis a ginapalangga mo ko kag wala ginhimuslan ang
pagkahuyang ko.