Professional Documents
Culture Documents
Sastri Basa Kelas X Tembang Macapat
Sastri Basa Kelas X Tembang Macapat
Pasinaon ing bab iki, gegayutan karo tembang macapat. Kanthi nyinau teks tembang macapat
kaangkah para siswa bisa ngandelake sipat jujur, andhap asor, disiplin lan tanggungjawab.
Kaendahan tembang macapat minangka karya asli susastra Jawa kaajab bisa nuntun para siswa
marang budi pekerti luhur kang migunani banget ing tata pasrawungan bebrayan lokal minangka
bageyan saka bebrayan nasional lan global.
A.
Ing Wulangan 6 iki para siswa bakal sinau tembang macapat. Tembang macapat
mujudake karya sastra Jawa kang unggul. Tumekaning saiki tembang macapat isih
ngrembaka lestari. Akeh sing padha kasmaran marang tembang macapat. Tembang
macapat kang wujude ringkes lan kaiket paugeran, pranyata nduweni daya pangaribawa
kang gedhe marang kabudayan Jawa. Nggumunake banget yen wong manca padha
kapiadreng nliti, ndhudhah kaendahan tembang macapat; wong Jawa (para siswa) ora
gelem melu nguri-uri, ora cancut gumregut kanggo cawe-cawe nglestarekake, nyinau, lan
nemokake mutyara pitutur luhur kang kinandhut ing endah lungite kasusastran Jawa,
tembang macapat.
Sadurunge dibacutake, wangsulana pitakon ing ngisor iki!
1) Kabudayan Jawa iku tansah njaga kasalarasan, memayu hayuning bawana. Kepriye
panemumu?
2) Urip ing alam donya iki kudu becik lan tatakrama marang sapa bae?
3) Pitutur luhur Jawa iku yen karo agama mikuwati apa lelawanan? Tuduhna sawetara
buktine!
4) Sapa lan apa sing wis ditindakake dening putri lelorone, kang ngagem busana Jawa
ing dhuwur?
5) Ing jaman saiki ―akeh wong Jawa wis ilang Jawane‖ apa bener mangkono? Apa
sebabe?
6) Apa para siswa isih sering matur nganggo tembung ―nuwun sewu‖, ―nyuwun
pangapunten‖? Kapan?
7) Ana pitutur luhur mangkene; ―ngalah iku luhur wekasane‖, apa maksude?
8) Manut panemumu, ―wong Jawa‖ iku sing kepriye?
Pasinaon tembang macapat iki kaperang dadi telung perangan, yaiku (1) mbabar
wawasan lan tuladhane tembang macapat, (2) Garapan kelompok nyinau tembang
macapat, lan (3) Garapan mandhiri nyinau tembang macapat. Lumantar telung perangan
iku para siswa bisa ngerteni paugerane tembang macapat, nerangake kawruh basa kang
ana ing tembang macapat, nemokake pitutur luhur ing tembang macapat, ngripta lan
mbiwarakake tembang macapat, lan kang ora kena kari para siswa bisa nembang
macapat. Kanthi pembelajaran saintifik lan penilaian autentik, para siswa bakal gegulang
garapan kanggo nggayuh ancasing pasinaon tembang macapat.
Sajrone nyinau tembang macapat, kaajab para siswa ngandelake rasa syukure
marang Gusti Kang Maha Suci. Kanthi ridhane Gusti, wong Jawa kaparingan
sastra tembang macapat kang kebak pitutur luhur.
Lelandhesan sipat jujur, tresna budaya, disiplin lan tanggung jawab para siswa
diajab bisa nemokake pitutur luhur mau lan ngecakake piwulang becike ing
pasrawungan. Para siswa uga diangkah bisa ngripta tembang macapat,
nerangake kaendahan basa, nyritakake surasane tembang karyane uga
nembangake kanthi titilaras lan trapsila kang becik.
Tembang Dhandhanggula ing ngisor iki pethikan saka Serat Wulangreh, reriptane Sri
Susuhunan Paku Buwana IV, pujangga kang uga raja ing Surakarta Hadiningrat (1788-
1820). Serat Wulangreh iku dumadi saka 13 pupuh tembang. Isine Serat Wulangreh iku
pitutur luhur kang dadi paugeran laku utama tumekane saiki.
Dhandhanggula Slendro 9
. . . . .
2 5 6 6 6 1 1 1 1 1
(1) //Pa-me- dhar-e/ wa-si- ta- ning/a- ti,
. .
1 1 6 6 6 6 6 6 6 6
Cu-man-tha- ka/ a- ni- ru/ pu- jang-ga,
5 6 6 6 6 6 6 5 5
Da-hat mu-dha/ ing ba- tin- e,
.
5 6 6 6 6 1 6
Na-nging ke- dah/ gi-nung- gung,
5 5 2 2 2 2 2 2 16
.
Da-tan wruh yen/ a- keh/ nge-sem- i,
1 2 2 2 2 2 2
a- mek-sa/ a- ngrum-pa-ka,
1 1 6 6 16 5
. . . .
Ba-sa/ kang ka- lan-tur,
1 2 2 2 2 2 2 2
Tu-tur/ kang ka- tu-la-/ tu- la,
Tembang utawa sekar yaiku rumpakan basa kanthi paugeran tartamtu kang
pangucape kudu nggunakake kagunan swara. Mulane ing tembang macapat ana perangan
rasaning swara (titilaras) lan rasaning basa (sastra). Ing rasaning swara dikenal anane
titilaras slendro lan titilaras pelog. Titilaras slendro iku ana telung pathet, yaiku slendro
pathet nem, slendro pathet sanga, lan slendro pathet manyura. Ing titilaras pelog uga ana
telung pathet, pelog pathet nem, pelog pathet lima, lan pelog pathet barang.
Ing tembang iku rasaning swara winengku ing rasaning basa, tegese nalika nembang
kudu ngutamakake basa utawa sastrane. Mula banjur ana pedhotan kendho lan pedhotan
kenceng. Pedhotan kendho iku pedhotan kang manggon ing wekasaning tembung lan ora
medhot wandaning tembung, dene pedhotan kenceng iku pedhotan kang ora manggon ing
wekasaning tembung.
Serat kang tinulis kanthi tembang macapat lumrahe dumadi saka pirang-pirang
pupuh. Saben pupuh mau dumadi saka pirang-pirang pada. Ing saben pada bisa
ditemokake guru gatra, guru wilangan, lan guru lagu/swara. Arane saben pupuh mau bisa
dideleng saka sasmitaning tembang lan paugerane tembang macapat.
Tembang Macapat iku nduweni paugeran guru gatra, guru wilangan lan guru lagu.
Tembang Dhandhanggula pada (1) ing dhuwur yen digoleki guru gatra, guru
wilangan lan guru lagune kaya ing ngisor iki;
Tembang Macapat iku jinise ana 11, gampange karingkes kanthi sebutan MasPuKi
SiDurGamMi MeDhanPangkAs. 11 jinis tembang macapat mau ditata runtut kaya
lelakune wong urip ing alam donya; yaiku : Maskumambang, Pucung, Kinanthi,
Sinom, Durma, Gambuh, Mijil, Megatruh, Dhandhanggula, Pangkur, Asmaradana.
Dene teges lan wewatakaning tembang iku kaya ing ngisor iki;
a. Maskumambang;
Maskumambang nggambarake jabang bayi kang isih kumambangan ana ing
kandhutane Ibu. Tembang Maskumambang iku yasane Sunan Maja Agung. Watake
nelangsa, prihatin, sedhih banget. Sasmitaning tembung kumambang, ketimpul,
kambang, kencana, timbul.
b. Mijil;
Mijil = lair. Tembang Mijil iku nggambarake laire si jabang bayi. Tembang Mijil
diripta dening Sunan Gunung Jati. Watake tembang gandrung, prihatin. Sasmitane
wijil, mijil, wiyos, rarasati.
c. Sinom;
Sinom tegese anom, enom, timur; nggambarake kahanan sing isih enom nalika si
bocah kudu ngangsu kawruh, golek elmu saakeh-akehe kanggo keslametane.
Tembang Sinom karipta dening Sunan Gunung Jati. Watake tembang; wantah.
Sasmitane tembang Sinom ing antarane: anom, taruna, srinata, ron kamal,
pengrawit, logondhang.
d. Kinanthi;
Kinanthi tegese digandheng, dikanthi. Tembang macapat Kinanthi nggambarake si
bocah kang digandheng, dituntun supaya bisa slamet uripe. Kinanthi iku yasane
Sunan Adi Erucakra. Watake yaiku asih-asuh. Sasmitane asring nggunakake
tembung kinanthi, kanthi, sinartan.
e. Asmaradana;
Tembang Asmaradana iku tegese rasa seneng, tresna kang diparingake Gusti
marang manungsa. Urip ing alam donya mesthi nduweni rasa seneng, tresna. Rasa
iki kudu dijaga supaya ora mbebayani tumrap jiwane manungsa. Tembang
Asmaradana iku yasane Sunan Giri. Watake tembang Asmaradana iku luwes,
manis. Sasmitane tembung kasmaran, asmara, brangti, kingkin, dana.
f. Gambuh;
Tembung Gambuh maksude jumbuh utawa sarujuk. Yaiku gegambarane wong
ngancik alam kulawarga. Sawise padha jumbuh utawa cocog banjur dadi
kulawarga. Lumantar kulawarga manungsa bisa memayu hayuning bawana, dalan
kang becik lan bener. Watake rada sereng. Sasmitane Gambuh, anut, wimbuh,
tambuh.
g. Dhandhanggula;
Guru
Arane tembang Guru wilangan lan guru lagune
gatrane
Maskumambang 4 12i, 6a, 8i, 8a
Mijil
Sinom
Kinanthi
Asmaradana
Gambuh
Sastri Basa / Kelas 10 123
Guru
Arane tembang Guru wilangan lan guru lagune
gatrane
Dhandhanggula 10 10i, 10a, 8e, 7u, 9i, 7a, 6u, 8a, 12i, 7a
Durma
Pangkur
Megatruh
Pucung
2 3 5 56 53 5 6
(1) Se- kar gam- buh ping ca- tur,
124 Sastri Basa / Kelas 10
3 5 3 2 2 3 5 53 5 6
kang ci- na- tur po- lah kang ka- lan- tur,
2 1 6 12 2 2 2 2 3 1 6 5
. . .
Tan- pa tu- tur ka- tu- la- tu- la ka- ta- li,
1 2 2 2 3 1 2 3
Ka- da- lu- war- sa ka- tu- tuh,
3 5 5 5 6 3 53 2
Ka- pa- tuh pan da- di- a- won.
Bausastra
Tembung Kawi = tembung kang asale saka basa Jawa Kuna; Kawi =Jawa Kuna
Tembung Saroja = tembung loro ukang padha utawa meh padha tegese
dianggo bebarengan
Tembung garba = tembung loro kang kagandheng kanthi nyuda cacah wandane
Baliswara = ukara kang diwalik papan panggonane kanggo nuhoni guru lagu
Purwakanthi = nggandheng sing ngarep; swara, sastra, basa kang nggandheng
runtut karo wanda, tembung, gatra sadurunge
Sandhi asma = asma, nama pengarang kang sinandhi ing karya.
Sengkalan = ukara kang nduweni teges angka taun
Pedhotan kendho = pamedhoting wanda ing tembang manut tembunge
Pedhotan kenceng = pamedhoting wanda tanpa nggatekake tegese tembung
Tembang Gambuh ing dhuwur nggunakake tembung kawi : catur, pan, nora, sayekti,
tan, sudra.
Mengkono uga ing pada (2) gatra katelu yen kebanjur sayekti kojur tan becik. (12i)
Digunakake tembung ‗tan‖ tegese ora. Umpama diganti tembung ―ora‖ utawa ―nora‖ guru
wilangane dadi luwih sawanda: yen kebanjur sayekti kojur nora becik (13i)
Tembung saroja ing tembang Gambuh manggon ing pada (3) ―sudra papeki‖.
Tembung ―sudra papeki‖ uga tuladhane tembung garba. ―sudra‖ tegese ora duwe, padha
karo ―papa‖. Tembung loro padha tegese dianggo bebarengan ―sudra papa‖ diarani
tembung saroja. Tembung ―papeki‖ asale saka tembung ―papa‖ + ―iki‖ = papeki.
Digunakake tembung garba ―papeki‖ kanggo ngugemi guru wilangan lan guru lagu 12i.
Kliru yen unine mangkene : nadyan metu saking wong sudra papa iki (13i).
Purwakanthi ing tembang Gambuh pada (1) manggon ing tembung : ―catur‖,
―cinatur‖, ―kalantur‖ , ―tutur‖. Tembung-tembung mau kalebu purwakanthi swara ur/tur.
Purwakanthi sastra ing pada (1) nggunakake aksara sigeg ―t‖ lan ―l‖. tanpa tutur,
katula-tula katali, kadaluwarsa katutuh, kapatuh . Tembung-tembung ing tembang
Gambuh pada (1) iku nggunakake aksara ―l‖ lan ―t‖. Luwih cetha ing tembung katula-tula
katali tegese urip sengsara kadawa-dawa kaya tali. Swara lan surasane mbangetake.
a. Ing pada (2) lan (3) kepriye purwakanthine? Golekana lan terangna!
b. Apa tembang Gambuh ing dhuwur ana baliswara, sandhi asma, lan sengkalane?
c. Pitutur apa kang ana ing pada (2)?
d. Pitutur bener kang metu saka wong asor apa kena dianggo ing bebrayan?
Terangna wangsulanmu!
Ora kabeh kaendahan mau ditemokake ing sapada tembang macapat. Nanging
kaendahan mau mesthi ana ing tembang macapat. Semaken tembang Megatruh ing ngisor
iki!
7 5 6 7 7 6 7 5 3 5 6 7
Ha-wya pe-gat ngu-di- a rong- ing budya yu (12u)
7 7 7 7 6 6 76 5
Marga- ne su- ka ba- su- ki (8i)
2 3 5 5 5 6 6 6
dimen lu- war kang ki- na- yun (8u)
3 5 6 6 7 5 65 32
Ing-kang ta-be- ri pri- ha- tos (8o)
Saka tuladha tembang ing dhuwur isenana tabel ing ngisor iki!
a. Arane tembang Megatruh
b. Guru gatrane
c. Guru wilangan lan guru lagune
d. Kaendahan-Kawruh Basa
i. Tembung Kawi
ii. Tembung Saroja
iii. Tembung Garba
iv. Bali swara
v. Purwakanthi swara
vi. Purakanthi sastra
vii. Purwakanthi basa
viii. Sandhiasma
ix. Sengkalan
Tembang ing ngisor iki golekana sengkalane, lan terangna tegese taun pira?
Gambuh
Nadyan bisa mbarenjul,
Tanpa tawing enggal jugrugipun,
Kalakone karsaning Hyang wus pinasti,
Yen ngidak sangkalanipun,
Sirna tata esthining wong.
Pasinaon 2 :
Makarya Bebarengan : Ngripta Tembang Macapat
Ing pasinaon 2 para siswa kaajak nggawe lan ngerteni isi, pitutur luhur kang
ana ing tembang macapat bebarengan karo kelompok. Kabeh tingkatan
gegladhen mau kanggo nggayuh ancasing pasinaon. Kanthi jujur, disiplin,
lan tanggungjawab pasinaon bakal mupangati tumrap para siswa. Rasa
tresna marang agunge kabudayan Jawa bakal sansaya ngrembuyung mekar
ngrembaka.
b. Asmaradana (…………………………………….)
c. Sinom (………………………………….)
Bausastra
Sawise bisa ngurutake gatra tembang macapat manut tata paugeran lan endah
surasane tembang, sabanjure para siswa diutus njangkepi cakepan tembang.
Bebarengan karo kancamu, rembugen tembung-tembung apa kang bisa njangkepi
gatraning tembang ing ngisor iki.
Cakepan ing ngisor iki jangkepana supaya dadi tembang sing becik!
b. Dhandhanggula (……………………………………….)
Tembang-tembang kang dirembug ing pasinaon iki kapilih kang ngemu pitutur luhure.
Tembang-tembang mau kapethik saka Serat Wedhatama, Serat Wulangreh, Serat
Sabdajati, lan serat liyane. Serat yasane para pujangga mau ngandhut mutyara pitutur
luhur kang gedhe banget guna paedahe tumrap tata panguripan saben dinane.
Kepriye carane supaya bisa nemokake pitutur luhur ing tembang macapat?
Salah siji cara kanggo nemokake pitutur luhur ing tembang macapat yaiku kanthi
mangsuli ukara pitakon kang nggunakake tembung pitakon ―apa‖, ―sapa‖,
―geneya/ya‘apa‖, lan ―kepriye/ya‘apa‖.
c. Durma -……………..
Bener luput ala becik lawan begja, +……………..
cilaka mapan saking, ing badan -……………..
priyangga, +……………..
dudu saking wong liya, -……………..
pramila denngati-ati, +……………..
sakeh durgama, *Pitutur Luhure :
singgahana den eling. ……………………………………
Para siswa wis mangerteni jinis, tata paugeran, kawruh basa, titilaras lan pitutur luhur
sajrone tembang. Para siswa kudu bisa ngripta tembang macapat kanthi mandhiri.
Basa kang digunakake ing tembang, geguritan, parikan iku nduweni titikan ringkes,
padhet, kebak isi. Tembang macapat tansah kaiket ing paugeran guru gatra, guru
wilangan, guru lagu. Mula kudu milih tembung sing bisa nuhoni guru wilangan lan guru
lagu, uga bisa nglairake gagasan pitutur luhur kang pengin dinyatakake dening
pangriptane.
Basa tembang bisa diowahi dadi basa gancaran. Mengkono uga suwalike, basa
gancaran bisa diowahi dadi tembang macapat.
1) Kaya tuladhane, gawea tembang macapat adhedhasar gancaran ing ngisor iki!
2) Rancangen sandhi asma ing jroning tembang macapatmu!
Kanggo muwuhi kaendahan lan nuhoni paugeran, ing tembang macapat digunakake
kawruh basa kaya dene tembung kawi, tembung garba, tembung saroja, bali swara, lan
purwakanthi.
a. Kabeh asil karya ing geGarapan kompok lan mandhiri iku kumpulna, dadekna
portofolio tembang macapat.
b. Bebarengan karo ketua kelompokmu, unggahen asil karya tembang lan gancarane
ing internet, bisa lumantar web sekolah utawa uga blog-mu!
c. Sabanjure pilihen salah siji tembang karyamu. Tembangna manut titilarase,
banjur critakna apa isine!
Dhandhanggula
Parandene mangke sira iki,
138 Sastri Basa / Kelas 10
yen den wulang dhateng ibu rama,
sok balawanan ucape,
sumahir bali mungkur,
iya iku cegahen kaki,
tan becik temahira,
donya keratipun,
tan wurung kasurang-kasurang,
tembe mati sinatru dening Hyang widhi,
siniksa ing Malekat.
1. Kepriye mungguh guru gatra, guru wilangan lan guru lagune tembang ing
dhuwur? Terangna!
2. Kanggo ngerteni isine tembang Dhandhanggula ing dhuwur, gawenen
gancarane!
3. Tembang Asmaradana ini ngisor iki terangna apa pitutur luhure!
Aja turu sore kaki,
Ana dewa nganglang jagad,
Nyangking bokor kencanane,
Isine donga tetulak,
Sandhang kalawan pangan,
Yaiku bageyanipun,
Wong melek sabar narima.
Kanggo nomer 4 lan 5 gatekna pethikan serat Wulang Sunu ing ngisor iki!
Nora eca dahar lawan guling,
ibu nira rumeksa ing sira,
dhahar sekul uyah bae,
tan ketang wejah luntur,
nyakot bathok dipunlampahi,
saben ri mring bengawan,
pilis singgul kalampahan,
ibu nira rumeksa duk sira alit,
mulane den rumangsa.
4. Terangna apa sing dikarepake karo : dhahar sekul uyah bae, tan ketang wejah
luntur, nyakot bathok dipun lampahi- ? Terangna panemumu!
5. Piwulang apa sing bisa kajupuk saka tembang Dhandhanggula ing dhuwur?