Ingkang kawulo urmati Bapa BPD RW 01 Ingkang kawulo urmati Bapa Takmir Masjid RW 01 Ingkang kawulo urmati Ketua Panitia Pengajian Maulid Nabi Ingkang kawulo urmati lan kula tresnani Jamaah Masjid Al Amin Dk. Majegan
Sepindah, monggo sami nderekaken puji syukur
dumateng Allah Maha Kuwaos ingkang kanthi kathah nikmat barakahipun kito sedoyo saget kumpul dalu menika wonten ing acara Pengajian mapan ing Masjid AL Amin Dukuh Majegan
Kaping kalih, kawulo ngaturaken sugeng rawuh
dumateng sedaya poro rawuh jamaah pengajian. Kawulo minangka talanging atur Bapa Ketua Panitia inggih menika Bapa Andi Kristanto ngaturaken panuwun ingkang kathah sanget kersa ndumugeni pepanggihan ingkang sae ing dalu puniko, wonten ing Masjid Al Amin Dk. Majegan.
Bapak/Ibu Jamaah Masjid Al Amin ingkang kawula
hormati,
Mugi acara punika mampu dadosaken kito sekalian
tansah eling dateng Gusti ugo saget dadosaken kita sekalian pribadi ingkang takwa dumateng Allah ingkang Maha Kuwaos.
Salajengipun, mbok bilih menawi anggen Panitia
nyambut panjenengan sedoyo, nyiapaken papan panggenan ugi sak mangke unjukan kalebet ubo rampenipun wonten ingkang kirang mranani panggalih poro jamaah ing dalu punika, nyuwun agunging manah poro rawuh, kersaa maringi pangapunten.
Mbok bilih cekap semanten atur kula ing dalu
punika. Menawi wonten klenta klentunipun kulo matur, nyuwun agunging pangapunten.
Akhirul kalam Wassalaamu’alaikum wa rahmatullaahi wa barakaatuh